شاركي في النقاش

سجلي الدخول لإضافة تعليق.

التعليقات

1,963
  1. @mha_94

    صباح الخيرات

    اخبار الجميع ان شاء الله طيبات
    المهم يا اخواتي وحبيباتي
    الاسبوع اللي فات يمكن يوم الثلاثاء دريت عن زوجي انه تزوج عقب زواجه بحول الاسبوع
    وقسم بالله ماهز فيني شعره
    يمكن عشاني خلاص شلته من راسي
    طبعا انا عند اهلي من دز لي المسج انه خاطب ولي اكثر من 3شهور
    طبعا اكيد الاغلب بيقول ليه مارجعت ومن هالكلام وانا وضحت وقلت من البدايه ان زوجي للاسف بااايع
    وكان يلمح قبل مايفاتحني اني ماقصرت معه بس هو مايستاهلني !!! شفتوا كيف
    ويذب كلام وكله ساكته الين ماجاء يوم قالها بالفم المليان حرام تجلسين عندي انت توك صغيره والف واحد يتمناك !! وانا ما افتح بيتين .... فيه ابجح !!

    شفتي يا رؤيـــا ....... ليه انا تركته وجيت لبيت اهلي انا من الاول ساكته وبالعه ومتحمله العذاب النفسي
    لكن يوم صار صدق اللي يخطط عليه تركته ولا فكرت ارجع له لانه للاسف انسان بااايع
    طبعا هو مسوي قدام الكل انه شاريني ومن تحت لتحت واتوقع انه يبي يقول للناس انها هي اللي ماتبي ويبغى الطلاق يجي مني عشان يطلع نفسه بريئ
    سوا ليه حررررررب نفسيه قبل مايوضح لي انه فعلا خاطب وذب بالكلام يعني افهميها
    وانا من الاول عارفه من المكالمات والمراهقه المتاخره اللي طرت عليه

    طبعا دريت بعد زواجه باسبوع وهو الحين بشهر البصل خخخخخ
    وسبحان الله لازم يجيك الخبر
    طبعا انا لي طفلين 6 و4
    المهم صار الاخ العريس مسافر اوربا وانا اللي عمري ماقد طلعت بر الحدود
    ودي اسال واحد من هالاشكال ليه التمشيه والشفره ماتجي الا مع 2 مايصلح الاولى تفرح وتشوف الدنيا

    ودريت ان اللي ماخذها موب من ثوبنا للاسف بس الله اعلم انها لحسة مخه لان واضح انه متعرف عليها عن طريق النت
    وهي مطلقه وعندها 2 والكبير عمره 10 !!!!!!
    وهي مدرسه مدري معيده والظاهر هذا اللي جاز له بالموضوع اهم شي موظفه

    عاد الحين انا عناد فيه عيالي حطيتهم عند اهله
    وانا خلاص لو مارجعت له عياله عنده خلي المحروسه ولا امه تربيهم لازم اقوي قلبي واعلمهم
    انو موب كل الحريم تسكت وخلاص تستسلم وتربي عيالها
    اذا هو موب قد الخطوه هذي ليه من الاساس يتزوج ويخرب بيت عامر له 8سنوات كله عشان مراهقته المتاخره
    طبعا فيه تفاصيل كثييره لو اقولكم عنها ان يشيب راسكم بس هذا المهم

    وحسبي الله ونعم الوكيل فيه وفي من تسبب بخراب بيتي

    ابي رايكم يا اخواتي
  2. صاحبة الموضوع
    صباح الخير والخيرات على الجميع

    شاكره ردودكم الي هون علي الكثير

    جزاكم الله خير

    كلامكم بلسم ربي لا يحرمني منكم

    والله نفسيتي اليوم احسن الحمدلله

    والبارحه صار نقاش بيني وبينه مطول عن الموضوع

    هو الي فتح الموضوع لاني كنت مكتومه حيل

    ساعدني كلامه كثير اني اتخلص من التفكير فيها نهائيا

    ويرجع يسألني من جديد ؟؟ اطلقها انتي بس قولي

    قلت له كل مره تسألني هالسؤال وانت عارف اني بقول لك انا مالي قرار بالموضوع هذا

    لا تسألني ولا تستشيرني

    كم مره يسألني لما اتعب لما امرض لما اولد لما احمل

    كرهت هالسؤال كرهته

    احس عنده نيه بالطلاق

    لانه قال خل تروح المحكمه وتخلع ما بتاخذ غير نصيبها وتتنازل عن مؤخرها

    قلت له اجل الموضوع موضوع فلوس ؟؟

    قال وش تحسبين اجل وش الي يربطني فيها ما غير 200 ألف ريال

    مع العلم انها ما اخذت منه اي مهر بس مؤخر

    وهذا شرط عمها الي كان ولي امرها

    يدرون ان ممكن يطلقها فربطوها بالمبلغ هذا

    فهمت اكثر من وحده اوليه على الخاص

    ان الثانيه لو ما خذت مهر ورضت حتى باثاث مستعمل

    ما راح تتنازل عن شروطها بالمؤخر وغيره

    لانهم اساسا عارفين وش وضعهم خصتا لا خذت واحد مهو ناقصه شي ببيته الاولي

    ما غير فسق على النعمه ويمتع نفسه

    وخايفين ان بعد السكره تجي الفكره

    وعن موضوع انها جت خبرتني بزواجه منها وحملها

    يا اخواتي انا ما دعيت عليها الا لشي واحد

    انها جت قالت انا متزوجه من زوجك وحامل منه

    واعرفه واطلع معه واسوي ...... ال ..... معه من سنتين

    مو بس جتني كانت تتصل فيني من رقم غريب وترسل لي

    عن معلومات بينهم وعن طلعاتهم وعلاقتهم مع بعض

    الي موتني الف مره ان بالحرام

    مهو الحلال

    والحمل كااااااااااااان حرام من كذا دعيت من قلبي

    واتذكر وقت ما دعيت اني كنت حامل وانا ما ادري

    لكن كنت ابكي عند عيالي الكبار وهم نايمين

    اقول وش ذنبكم يجيكم اخ وله اخت بالحرام

    يااااااااااااااارب اسألك وادعوك عشان عيالي الي علمتهم الصلاة والدين

    انك ترحم حالي وحالهم ...

    وكنت اكرر هالدعاء كثير بكل ليله اسجد وادعي من قلبي

    وابكي بحرقه

    الين ما سمعت عنها

    ما همتني بس لما شفتها وشفت تغيير حالها

    انكسر شي بداخلي

    ونسيت همي ولا حتى فرحت فيها او تشمت

    دعيت ربي من جديد ان الله يشفيها


    :::::::


    الي زوجها يتزوج من بعد علاقه

    خليه وربي اقول لك ما راده الا بيرجع

    سبحان الله من كانت على علاقه مع زوجها قبل الزواج

    سواء بالتلفون او خروج او غيره

    ربي ينصر الي كانت صاينه نفسها وزوجها وعيالها عن الخطا

    ما بني على باطل فهو باطل

    اقولها من تجربه مريره

    الي تعرف عن زوجها ان خاينها مع زوجته الثانيه

    ابشررررررررررررررررررررررررررررري بالخير

    والله ان ما راح تشوفين الا الي يسعدك

    اولها هموم واخرتها توفيق من رب العالمين

    والي يحاول ان ياخذ حق مو له

    ما غير بيعيش طول عمره من غير حقوق

    لما كانت تجلس معي تقول تعرفين العائله الفلانيه

    قلت لها ايه اعرفهم

    قالت جوني يخطبوني

    قلت ليه ما رضيتي ورضيتي بزوجي مع انه متزوج وعنده عيال

    قالت الحب آآآآآآآآآآآآه من الحب

    الي تقول الحب وغيره

    قبل الزواج او ايام الخطبه

    او تقول اختارني عن حب وقناعه

    يا شيخه اكذبي على نفسك مو على خلق الله

    الي تقول الاوليه اختيار اهله وانا عن قناعه

    وين عرفك بالله وحبك قبل الزواج

    ما في شي اسمه حب اساسا قبل الزواج

    فيه مصالح شيطانيه شهوانيه للمصلحه الي يبي يوصل له الرجال من البنت
    من كذا ..

    لما يتزوج الرجال من وحده عرفها قبل الزواج

    حتى والله لو بالماسنجر ومسجات وغيره

    الشيطان يحلي له كل اعماله بوقته

    بس يتسلى وعلى باله لو صار بالحلال ان الي بيكون احلى من قبل

    ما يدري ان ما حلت بعينه الا من الشيطان

    وما يدري ان وراها مسؤوليات

    بكره كل شي بيتغير

    كانت ملجئ لافكاره وشهواته الشيطانيه

    لكن لما صارت بالحلال ابتعد الشيطان عن الي بينهم

    وصارت ولا شي

    غابت هذيك المتعه الي كان بينهم

    لانه كان بالظلام

    وصار بدله مسؤوليات

    وزي ما كان غير ملزوم بمواعيده معها

    صار ملزوم بليلتها وطلباتها

    ما غير يقول وين اللهفه

    وصار بدله كلام عن الحقوق بدل ما كان كلام عن الشوق والوله

    ومحد راح يكسب الا الاولى بالدرجه الاولى

    لما يرجع يعرف كل الحقيقه

    وش كانت الاولى بالنسبه له ..

    لا تجي وحده تبكي على خيانة زوجها وبعدها زواج

    والله اني اقول لكم الي تعرف ان زوجها خانها مع زوجته الثانيه

    تتذكر كلامي ان بس يمر وقت بسيط جدا

    ما غير بيرجع لها رجل قدام ورجل ورى ما جاب لنفسه غير الهم والندم

    وبس تعبت من الكتابه

    استحملوني قاعده اكتب الي بخاطري :(
  3. @shosho_alkmyl

    المها ياقلبي
    اللي مثل ريحي
    جذبته من ورى الشاشات
    بالله يامها
    كانت معه بجميع حالاتها ولابس الجانب الحلو اللي كان ظاهر له
    اسمعي لاتطلبين طلاق ولا اي شي
    اصبري ايام ونشوف ردة فعله على العالم الجديد اللي دخله
    ولاهوب قده ولاهو حوله

تابعي تجارب أخرى من هذا القسم.