من راحت عيادة الدكتورة اوراس في الشارقه وشو رايكم فيها...؟

صحيح عند الدكتورة زينب زحمه بس من أدخل تسمعني وتكشف علي وبعدها إذا أحتاج سونار تسوي وما تخليني أطلع إلا وأنا مخلصه كل الأسئله إلي في خاطري ودايماً أنا وخواتي وصديقاتي نسير عندها ومن كثر خبرتها ما شالله عليها بس تقوليلها شو فيج تقول أتوقع يكون هذا الشي فيج بس خلينا نسوي تحليل أو سونار على حسب الحاله عشان تتأكد وسبحان الله يطلع توقعها في مكانه وهي ما تعتمد على الأدوية وايد بالعكس تعتمد على الأشياء الطبيعية أكثر وعطتني علاج والحمد لله بفضل الله ووصفها ارتفعت نسبة السائل حول الطفل والحمد لله أموري مستقره

حبيبتي ما انصحج تسيرين للدكتورة اوراس .. لانها مثل ما قالو البنات ما تعطيج وقت و لا تسمعلج ... و على طول سونار تشتغل عليج و هي ترمس في التيلفون ... و انا كان فيني قرحة بعد الولادة ... و يوم سرت اكشف عندها قالت لي ام الرحم نضيف مرة ... الين ما زاد علي و سرت عند وحدة ثانية صلحتي كل شيء ... ... و الدكتورة زينب ما عليها كلام ...

انا كنت اذهب فقط للتاكد من الحمل ومتابعته
صررررراحة زحمة وايد 3 ساعات تنتظرين وبعدين تفحصك وخلاص وما تسألك عن شي واذا انتى سألتيها ترد عليك بكلمة وما تعطيك وقت

صح هذا العيب الي في الدكتوره تكون تكشف عليج وتتكلم في التلفون وقبل ماتطلعين تكون مدخله الثانيه انا بعد خاطري اغيرها انشاء الله اذا حملت

حبيباتي اشكركم وايد

انكم خبرتوني عن الدكتورة اوراس

بصراحه خوفتوني افكر اسير لها مره ثانيه...

انا اول مره يوم سرت لها طبعا حجزت عندها من اسبوع لاني من ابوظبي ويوم رحت لها اقولكم شفت عالم عندها زحمه فضيعه تميت انتظر ساعه كامله علشان ادخل عندها ..
هذا وانا حاجزه من اسبوع يوم دخلت عندها سألتني شو عندي قلت لها على طول سوت لي سونار وعقب ما كشفت عليه قالتلي عندج التهابات عطتني حبوب وقالتلي استخدميها من اول يوم اتيج الدوره لمدة عشر ايام وعقب ما تروح منج لازم اتين لي علشان اسوي لج اشعه ملونه واول ما اتين العيادة قولي للاستقبال انج بتسوين اشعه ملونه علشان يدخلونج بسرعه وما تتأخرين قلت لها اوكي ...

المهم يا اخواتي انا كانت دورتي منتظمه من بديت أستعمل الحبوب من اول يوم للدورة ما انقطع مني الدم لمدة اسبوعين واتصلت على عيادتها اريد اقولها انه الدورة ما انقطعت عني معه انه الدورة تستمر عندي لمدة 6 ايام بس..

وبعدين اتصلت وردت عليه وقلت لها سالفتي قالت لي ما يحتاي اتيين العيادة يوم بتسيرين اي صيدليه دقي عليه علشان اعطيج وصفه اتنظم لج الدوره وعطتني رقم موبايلها..

نفس اليوم عقب المغرب سرت الصيدليه وتميت اتصل عليها موبايلها مغلق وتميت احاول اكثر من مره ونفس الشيء ودقيت على عيادتها محد رد عليه المهم كان هاليوم يوم الخميس عاد ثاني يوم الجمعه سرت العين وصدفه جي خطرت على بالي وقلت بدق عليها الحين وكنت انا مجابله الصيدليه ودقيت عليها وحرقت موبايلها ولا ردت عليه عقب زوجي اتصل من موبايله ردت عليه بصراحه اضايقت حشى موب دكتورة هاذي المهم كلمتها وذكرتها فيني وعقب كلمت الصيدلي وعطتني الوصفه الي هي حبوب Orgametril استعملها وقالت لي استخدميها 3 حبات في اليوم وعقب ما تخلص العشر ايام دقي عليه وخبريني وبقولج شو اتسوين عاد انا قلت في خاطري ما يندرا بتردين عليه ولالا ...

اليوم هو ثاني يوم استخدم فيه هالحبوب والله يصبرني ..