aloan وأنتي الصاجه!!! مايبط جبدي شي كثر جملة "الله يرفع حظج"
ومنو قال ان حظي طايح ؟؟
ومنو أساسا قال ان الوحده ماتكون كامله وماتكون سعيده وما تكون حرمه سنعه الا اذا تزوجت؟ ومن اللي حدد ان الوحده المتزوجه هي اللي بس تكون فاهمه وعارفه ومجربه الحياه وكبيره ولها احترامها الخاص ، حتى لو كان عمرها 12 سنه وعقلها عقل نمله؟ بينما اللي مو متزوجه تبقى وحده غشيمه وما فاهمه وايد في الحياه حتى لو كانت ست بيت وعقلها يوزن بلد؟
والأخت اللي تقول ان الوحده اللي ماعرست تكون حساسه بزياده، أختي يمكن أنتي تزوجتي من وقت (الله يسعدج) وما مريتي بهالشي، بس تأكدي ان كل موقف أمر فيه، أعرضه على أمي أو أختي وأسألهم اذا أنا اللي حساسه ولا الكلام اللي سمعته يعتبر تجريح، لأني والله يشهد اني ماحب أظلم أحد ولا أحب أسئ النيه.. ومع الأسف، أغلب هالمواقف تجي من أقرب الناس.. صديقات واهل
الله يعلم اشكثر عانيت وعانيت من تعليقات ومواقف وتلميحات وتصريحات في الوجه.. لكن الشكوى لله.. وحسبي الله ونعم الوكيل
ضريبة تمني الزواج.....؟؟؟
متابعة النقاش، صفحة 2