كانت اسيل تقلب بهل تلفون من بعد ما خرج عبدالله من البيت و وجدت رقم الاستاذة منال الي اخذت معها الدورة
و ما ترددت ابدا انو تتصل فيها و اطلب من المساعدة ولو بنصيحة بموضوعها مع حماتها
و فعلا اتصلت عليها
منال: الوو
اسيل: سلام منال كيفيك؟؟
منال: اهلييين اسيل زمان عنك الحمدلله تمام وين ما بتسألي
اسيل: والله مشاغل يا بنتي
منال: ممممم طيب يا ام المشاغل كيفيك و كيف البيبيس معك؟
اسيل: الحمدلله هيهم نايمين الحمدلله
منال: و كيف حياتك ماشية تمام ولا في عقبات؟؟؟
اسيل: والله يا منال تمام بس في عقبة وحدة و جايتك و لا تخيبيني بليييز
منال: لعيونك اسول بس شو صاير خير؟؟؟
اسيل: حماتي
منال: و مالها حماتك؟؟؟؟
اسيل: هيها عندي----..... و بدأت تقول ل منال كل شي بتفصيل الممل عن تصرفات حماتها
منال: مممممممممممممممممممممم مشكلتك ما هي بمشكله يا اسيل
اسيل: كيف يا منال و انا بحاويل و بحاويل و هي مخها ايبس من الحجر.... جربت كل الاساليب حتى انها كتير بتزيدها
منال: اسمعيني يا اسيل حماتك بتغار على ابنها منك و هاد طبيعي عند كل الحماوات
اسيل: غريب والله لا مش عند كلهم امي مش هيك مثلا
منال: اسمعيني و افهميني اسيل..... كل الحماوات بتغار على اولادها خصوصا انو الوحدة منهم بتكون تعبانة على الولد و هو طالع منها... طيب سؤال هل انتي بتقدري تستغني عن يوسف؟؟ او عن حلا؟؟؟
اسيل: لا طبعا هدول الاتنين روحي اساسا حياتي ما الها معنى اذا هما ما بيكونو معي
منال: و انتي قلتيها يا اسيل هدول روحك ف ما بالك هي الي ربت و كبرت و عايشة بعيدة عن ابنها و لما التمت عليه فترة مش قادرة تحس انو مثل لما كان صغير قريب منها ل ابعد الحدود ف هي عمالها بتحاويل تحسس حالها هل احساس
و بدها تشوف ابنها واقف بجانبها....
اسيل: طيب يا منال معيك بهل حكي... بس انا شو ذنبي انها تيجي فوق راسي؟؟ تصدني كل شوي
منال: لانها شايفة انك اخذتي منها... لان اكلك بيعجب زوجك صارت تحس انه ما عاد يعجبه اكلها و من هل اشياء
ف طبيعي انو يحاويل ايسراير امه و ياخذها وحدة وحدة... و تذكري بكرة انتي بتنحطي بنفس الموقف و الله كبير
خليكي واعية...
اسيل: طيب كيف و لما بتستفزني هديك اليوم على حمام يوسف و حلا عملت مشكله...
منال: حسيسيها انها الكل بلكل في البيت حتى لو بضايقك حاولي انك تكسبيها بكل الطريق
خذي رأيها بكل شئ عشان تحس انه مكانتها محفوظة عندكم
و اذا انتقدتك حاولي ما تناقشيها بلعكس اذا انتقدت الاكل اسأليها كيف الطريقة الصحيحة مثلا و قوليلها بتعلم منك
امدحيها و تقربي منها...... و حاولي ما تناقشي هل امور مع زوجك لان عل اكيد بيوقف بصف امه حتى لو هي غلطانة و حتى لو كان طفران منها هي امه اولا و اخيرا
اسيل: طيب رح احاويل بس هي صعبة
منال: كلو بياخذ وقتو بس مع الوقت رح تشوفي انها بتتغير... الشخص مع كبر العمر عقلو بيصغر و بيصير طفل
انتي المفروض تسايريها
اسيل: و شو عن موضوع البرادي؟؟؟ نروح اليوم او شو و كيف اتصرف
منال: انا بفضل انو تأجلي الروحة عشان المشكله ما صارلها كتير طازة لسا... انتي اطلعي و بوسي راس حماتك و تعاملي معها بكل ذوق... ويوم تاني روحو جميعكم السوق اشتريهم و خذي رأيها بس اذا انتي ذكية بتعرفي كيف تختاري ذوقك و حتى لو ما اعجبها!!!!
اسيل: ان شاء الله بيصير يا منولة الله يفرجلك همومك و بناولك الي في بالك و برزقك من كل الابواب
منال: الله يخليكي ياي اسوله و يفرجك همومك كمان انا بثق فيكي و بتصرفاتك بس ابقي اسألي عني كمان هااااه
اسيل: ولك على راسي ان شاء الله...
و اكملو مكالمتهم و طلعت اسيل و طبقت كلام منال بكل تفاصيله
بنــــات بكرة بكمل ان شاء الله اوكي
في امــــــــــــــــان الله :26:
يوميات اســيل في الحياة الزوجية
متابعة النقاش، صفحة 105