اللي تحب الخير تدخل زوجي طفش من قهوتي

شوفي جربي قهوتي وماتندمين زوجي يحلف ماقد ذاق مثلها وعاد الرجال اذواقهم في القهوة احسها واحدة
حتى ابوة شرب قهوتي ومدحها ولله الحمد كثير من جاراتي يموتون بقهوتي
نجي للموهم اغلي الموية وضعي فنجان قهوة قهوة
واضيفي لة مخلط القصيم بالزعفران والهيل ملعقة كبيرة
واضيفي نص ملعقة زنجبيل
واربعة مسامير عويدي
وملعقة نخوة
وخليها تغلي عشر دقايق واذا حسيتي انها ثقيلة اضيفي لها موية وكمان خليها تغلي عشر دقايق
وحطي ملعقة هيل مدقوق في الثلاجة او الدلة وصبي القهوة فوقهة
وهني وعافية

سمعت عن الاذخر والمستكا انه يوضع مع القهوه بس ماعرف الطريقه

اقولك طريقه اذا سويتي القهوة استغفري وادعي انها تعجبه وراح تعجبه

يمكن قصدك عصفر هو مثل الزعفران بس ماعمري جربته

ولا ادري انه ينحط على القهوه اصلن

المهم القهوه لو اكبر خبير قهوه في العالم ماعنده نوعيه قهوه

زينه مستحيل تطلع قهوته حلوه يعني القهوه

معروف انها من 25 الى 30 دقيقه طبخ هذا اساسي

بس الباقي عليك تستخدمين مويه صحه

يعني مثل الشاهي مو من الحنفيه

والبن يكون نوعيه ممتازه ويكون جديد توه محموس ومطحون
مو قديم ونافضه ريحته ونوعيه البن البريه درجه اولى

او الخولاني واليمنيه اسمها قطمه

ونصيحه كل ماصغر حبه البن كان احسن لانه اسرع للاستوى

المهم اكيد انتي بتاخذينها جاهزه اذن روحي محل
قهوه حلو ونظيف واطلبيه يطحن لك بن جديد لا تشترين مطحون
وخذي حمسه وسط

والهيل خذي نوع هندي فاخر الكيلو تقريبا 125 او 140

وفيه نوع يكون مغلف في كيس احمر اسمه هيل (( فرحانه )) عليه رسمه حرمه انتبهي فيه منه تقليد مسمينها ((ريحانه))

وخلطه القصيم ضروريه جدا القهوه من غيرها ماسخه


والزعفران الاصلي



مع هذا النوعيه الفاخره من القهوه والهيل مستحيل


تطلع قهوتك مو حلوه