هلا فيكم يالغاليات
وكل الشكر لكل وحدة دعت لي وسألت عني هنا او على الخاص
اسأل الله ان لايوريكم مكروه وان يجعل حياتكم كلها سعادة يااارب
بالنسبة لاخر التطورات بقصتي
انا خلاااااص يا بنات كرهههته كره الموت وكل ما يجي يوم اكرههبزياده عن اليوم اللي قبله
وبعد كل هالسنوات ماكان واضح معي اكتشفت فيه اشياء عمري ماتوقعتها منه
اكتشفت كذبه وخداعه
كان يحلف لي ع المصحف ان ولا وحدة بحياته وانه ما يفكر بغيري مهما كانت عيوبي لان حسناتي تغطي
كان يوهمني بالحب والاخلاص ويطلع من عندي كل مرة يخطب عند ناس وكله بالدس وانا ياغافلين لكم الله
تصدقون يابنات انه راح قبل سبع سنوات خطب بنت عمي وهي بنفس الوقت بنت خاله لكنهم رفضوه تقديرا لي وهو بعد غير كفو بنظرهم
لمن شافهم رافضينه حلفهم انهم ما يعلموني على اساس يشوف ناس غيرهم من غير ما احس بخططه
وجاني يقول لي تخيلي عيال عمك يحاولون فيني اتزوج اختهم وانا مو راضي
انا ما اشوف بهالدنيا غيرك وانا للاسف صدقته
ورسم صورة سيئه عنهم وكان كل ما قام وقعد يقول هم كارهيني لاني رفضت بنتهم- شوفو الحقارة ياعالم-
هالكلام اكتشفته بعد زواجه المفاجيئ
اثاريه كل هالسنين يضحك علي بالكلام ويعشمني بمشاعر كذابه ويخطب بالسر كل مرة عند ناس وهم يرفضوه الين لقى هالناس وافقو عليه وضرب ضربته حسبي الله وربي انا مو مقهورة عليه بالطقاق وطز فيه بس انا مقهورة على سنين عمري اللي عشتها معاه مخدوعه ومتوهمة منه الحب
حسبي الله ونعم الوكيل
الحين انا رفعت ضده قضية خلع
ويوم عرف بغى يطق من القهر مو حبا لي بس يبيني مربية لعياله لان ما عنده احد يقوم فيهم
زوجته موظفه وتستلم استلامات تغيب يوم وليله عنه
وما عنده اخوات وامه تعبانه
ما فيه الا انا اقوم بعيالي
يوم عرف ان رافعه عليه قضية قام يساومني
يقول لي ما اطلق الا بشرط تدفعين 40 الف وتتنازلين عن العيال ما تشوفينهم ابدا
يوم شاف اني مطنشته ولا رديت عليه ارسل رسايل يستفزني ويستهزيء فيني يقول انا اعرف انك طفرانة وفقيرة وما عندك فلوس تفدين فيها نفسك ايش رايك اتسلف لك مع انسابي الاكابر؟!
شوفو الحقارة ياناس هذي جزاتي اللي صابرة على فقره ويوم تحسن حاله باعني وباع عشرتي وقام يعايرني بفقري
تخيلو يقهرني بقوله موتي بغيظك انا مبسوط معاها ويوم تزوجت كسرت شوكتك ودقيت خشمك هذا مستواك
ياناس معقوله هذي نهاية الصبر هذا تقدير العشرة ياناس
وكله كوم وخديعتي كل هالسنوات وكذبه علي كوم ثاني اااه ياحسرتي على كل هالسنوات اللي عشتها معاه مخدوعه
بنات ارررجوووكم تدعون لي ان ربي يوفقني بقضيتي ويسدد خطاي ويسخر لي خلقه
لان حتى ظروفي الخاصة معقدة حييل المهر اللي برده له احاول اجمعه له وما عندي اخوان كلنا بنات ما عندي الا ولدي صغير عمره 12 سنه هو اللي يمشي معايه للمحكمة والوالد تعبان وفاقد بصره وعنده جلطة مررة ما يقدر يروح معايه للمحكمة
وللأسف زوجي استغل ظروفي ووضعي ومستهين فيني مرررة الله ينصرني عليه قولو ااامين
قصة زواج زوجي ومعاناتي ودي اتطلق منه من القهر والحسرة اااه ياااقلبي / الموضوع قديم
متابعة النقاش، صفحة 79