شاركي في النقاش

سجلي الدخول لإضافة تعليق.

التعليقات

41

  1. @mtbkh_almlhk

    حبيبتي انا وضعي قريب من وضعك انا اهلي بمنطقه وانا بالرياض مع العلم ان طول عمرهم كانوا بالرياض بس سبحان الله جاء النصيب بالرياض وهم نقلوا تخيلي القهر
    وانا اتمنى انقل لهم وزوجي اذا فتحت معه الموضوع قال مستحيل اترك امي
    مع العلم انه يجلس اكثر من اسبوعين مايشوف امه واكثر من ست شهور مايشوف اخوانه
    مع ان مابينهم مشاكل ولا شي بس سبحان الله طبعهم مايحبون الجمعه حتى ام زوجي اذا قلنا بنجي تطلع مليون حجه واذا قلنا تعالي قالت مشغوله تخيلي
    مع انها والله تحبنا مرره وانا احبها واحب كل اهل زوجي بس القطاعه للاسف عندهم عاده وكل واحد لاهي بحياته
    والجمعه امر ثانوي يكون بالمناسبات وبس اول الوقت
    الحين زوجي مررره وده ينقل لمنطقة اهلي خصوصاً ان المستقبل برا الرياض حنا نشوفه افضل واهلي من النوع اللي شايليني وعيالي بعيونهم الحمد لله وهو يتمنى عيالنا يكون لهم اهل قريب منهم بدل القطاعه اللي في الرياض
    الرياض بصراحه ماعاد تنبغى زحمه وقرف غير طبيعي والبيت الملك صار حلم من الخيال وتكوين النفس برا الرياض اسهل
    سبحان الله زوجي استخار اكثر من مرره بس للاسف دوامه رفضوا انه ينقل للمنطقه اللي نبي
    يوم هو وافق الدوام رفض شفتي الحظ
    وانا معك ان الرياض غاليه بكل عيوبها بس اذا مستقبلي في غيرها لا والله اروح وانا مغمضه وشلون عاد لو كان جنب اهلي 

  2. @rogy_foshy

    شوفي يالغلا الكلام بيصيرويقولون خذت ولدنا ودته لهلها ومن هالكلام بس كل انسان يقدم مصلحته ومصلحة عياله وعندي تجربة حماتي كانت ساكنه في مدينه صناعيه وعلى مستوى وكان راتبه زوجهاأكثرمن ممتاز ونقلواالرياض صراهن

  4. @krz_18

    مياسه معناتك نفس معاناتي انا من اهلي بالرياض وانا تزوجت وانتقلت مع زوجي عند اهله بقريه معفنه لا اسواق لامطاعم لا مشاغل ولا حتى مستوصفات بس زوجي مشبص فيها مع ان اعماله بالرياض والله الواحد الفرد الصمد اني معزوله عن العالم اللي حولي حتى اهله ما اجيهم عشان كثرة مشاكلهم
    بس ادعيلي اقدر اقنعه ونروح للرياض ياربي
    تعبت حتى النوم كرهته بسبب الغربه

تابعي تجارب أخرى من هذا القسم.