قصة زواج زوجي ومعاناتي ودي اتطلق منه من القهر والحسرة اااه ياااقلبي / الموضوع قديم

شوفي ياختي احسبيها صح لوشكيتي على المحاكم فضايح وقلق نفسي لك ولعيالك اذا الافضل تصيرين اذكى من كذا المطلوب اللجؤ لله لانه وحده قادر يحل مشكلتك ثانيا سنشي رسائله ويليت الجوال يتسكر من غير ما احد يحس وقوي صبرك واعرفي كل شئ يبدى صغير ويكبر الاالمصيبه تبدى كبيره وتصغر وتخيلي عيالك ممكن يتعرضون التحرشات والأزمات النفسيه وعشانهم تحاولين تتغلبين على غيرتك اما زوجك فتمسكه بك دليل قاطع لحبه لك ويمكن أزوج عشان راتبهاوترى الرجال يفرحون بالزوجه الثانيه بعدين يملون ويرجعون الان حاولي تأبينية انك مشغوله وما تفكرين فيه واذا حاول الصلح اشترط بيت مستقل والضره ما تجيك ولاتشوفينها حتى تبعدي عن المشاكل ونصيحه اترك كلام الناس وانه كان مخطط وانه وانه تر الناس ما عندهم الاالكلام وخراب البيوت ولو اقرب الناس لك لان هذي حياتك انت وزوجك وأولادك اصبر ثم اصبر حتى ما تفجعي في عيالك وتراهم بينك وبين ابوهم افضل ارجوك فكري زين ترا الخسران انت وعيالك واليوم جمعه ادعي والحي على الله بالفرج

حسبي الله ونعم الوكيل

والله ياختي مادري ايش اقولك وربي اني حاسه فيك وتخيلت نفسي مكانك لان ذولي الرجال مالهم امان عادي كل شي عندهم العشره ولا شي ولا يشفونها بعد من زوجته

الرجال اذ اشتهى وتزوج ماعليه من احد ويعرفون ان الحريم ضعيفات وريحات يرضن بالامر الواقع هذا كلامهم كلهم يقولون تزعل يومين ثمن ترجع وترضى بالحرمه الثانيه وهو مبسوط ومستانس على الثانيه


اما تضحيه وماتضحيه هذا ابد مايعرفونه ينسون كل شي تسويه لهم زوجته


وبعدين ليش ابفهم الازواج ليه مايتفهمون المراءه ابفهم ليه ليه اذ طلبت الطلاق يعذبها ويههدها بعياله ليه مايخليها نعيش بسلام مع عيالها وهو مع الثانيه يعيش وينبسط ابفهم وش بيخسر اذ ترك عياله مع امهم مادري هو عناد ولا هبال


وبعدين قهر ليه يبي يحرق اعاصابك ويعايرك والله قهر ولا بعد يجيب سيره اهل زوجته ياربي بس


والله ياختي مادري ايش اقول انتي فكر واستخيري والله يعضوك خير يارب ويصبرك ويهدي زوجك اذ طلقك لاو ماطلقك

مادري بس مقهووووووووووووووووووره ياقهري بس

اسأل الله الرحيم بعباده أن يختصك بواسع رحمته ..

اسأل الله العظيم رب العرش العظيم في هاذه الجمعه المباركه

ان يفرج همك ويكشف غمك

ان اقول ياعمري وكلي امرك لربك وسلمي حياتك كلها لله

الحين اعطي نفسك اجازه من التفكير في وش بتسوين

خليها على الله قولي ان بقعد عند اهلي كم شهر خليها كلها استغفار وإستخاره

وذكر واقطعي علاقاتك فيه تماماً لا تخلينه يدري عن اي شي في حياتك

والله سبحانه بييسر امر وبيفرج همك وبيخرجك من هاالكرب اما بطلاق او رجعه ترضيك

والخيره فيما اختاره الله ....يعني بختصار توقفي عن التفكير وخليها على ربك وهدي نفسك

واتخيلي انها مصيبه اهون من غيرها من المصايب وان الدنيا ما تستاهل كل هالاهم والإهتمام

وانها احقر من انا نضايق انفسنا عشان دنيا فااااااانيه

وطمنينا عليك