أنا بصراحة رجعت للحمية ثاني يابنات بس هذي المرة *****الله تكون حمية سليمة اتواصلت مع دكتور في التغذية مصري وبيجاوبني على كل اسئلتي واستفساراتي جزاه الله خير وامتنعت عن الجلوتين اللي هي المادة اللي بتسبب حساسية الموجودة في القمح ولي كم يوم بسوي لنفسي خبز مصنوع من دقيق الشعير وعادني بجيب دقيق الذرة وبسوي منه خبز وربنا يصبرني بس باكل سلطة وباكل فواكه ومكسرات وعسل وسمك والحينه نصحني هو باللبنة والزبادي قليل الدسم ..
منعني من الحوامض وبعض الخضار زي السبانخ والسلق وحرمني من المانجو وسمح لي بالرز وقليل من الطماطم الخضراء مش صلصة الطماطم المركزة و*****الله ونصحني بالحجاتمة على الأقل كل 3-4 شهور وحدد لي الأماكن اللي احتجم فيها وطريقة الحجامة خاصة بالنسبة للأخدعين باتخدام ابرة انسولين اطفال بلا عن التشريط بالموس لاني قلتله رقبتي بتتسوه فقالي لاداعي للتشريط وخز بالابرة بس كفاية وقالي اني برتاح كثير بعد الحجامة وانه مش بيكون تحسن سحري لا انما بيرتاح الجسم وبيخف شوية ..
طبعاً الاكل الممنوع بيسوي حساسية للجسم ويربك جهاز المناعة وبعض الأشياء بتزيد من نسبة احتباس السوائل في الجسم يعني تسوي انتفاخات نصحني باليقطين او الدبا الصفراء او البرتقالية ونصحني اشرب موية كثير وآ’كل حبة سودا وخرزة من المر وكبسولات زيت كبد الحوت ..
حياتنا حلوة مع الروماتويد - التجمع الثالث - بيت الروماتويديات
متابعة النقاش، صفحة 327