انا صديقه احتياط

السلام عليكم بنات
في شغله مضايقتني قريبتي (في سني و احتكاكان دايم) تستخدمني احتياط فقط
يعني لو مشغوله بصديقاتها تنسى اسمي ولا تعزمني حتى (ماشاءالله مستواهم المادي كويس و نحن اقل من العادي لبسها ماركات و كم مره تدقني بالكلام اذا كان في عزيمه حتى البس حلو و اتشيك تخاف تجلس معاي و افشلها)

بس اوقات الملل تستخدمني
و انا الصراحه احبها طيبه معاي و اسمتع جدااا معاها
اهلي متشددين شوي ما اطلع لصديقات ابدا ولا اروح بيوتهم (اصلا صديقاتي ينعدو على اصابع اليد الواحده) بس هذي قريبتني يسمحو لي اطلع معاها اماكن قريبه او نسائيه
يعني انا لما تقول لي اروح معاها اتحمس و اظل ايام اتحمس للطلعه


الموهيم انا لما تنشغل بصديقاتها لا تتذكرني ولا ترد على مسجاتي او اتصلاتي (انا مو مزعجه ما اتصل الا اذا كان عندي موضوع و اتصل مره و خلاص اذا فضت اقول رح تشوف اني اتصلت و رح تتصل)
بس ابددددددددا
والفترات الي ما تطلع مع صديقاتها طول الوقت معاي اروح معاها اماكن او نجلس مع بعض
مشكلتي ما احب احس اني احتياط اتضايق
و اخر كم مره (بالتحديد اخر 4 مرات) اخر لحظه تلغي الزياره او الطلعه لانه فجاه صديقاتها اقترحو عليها مكان وودهم يروحو معاها المشكله ينكسر خاطري اكون متجهزه و كل شي و فجاه يوصلني مسج تقولي اسفه ما اقدر او خليها مره ثانيه
و بعد ما تستمتع تحس بتانيب الضمير و تخطط معاي ايام ثانيه و احيانا ترجع تلغي اخر لحظه (نفس ما قلت اخر 4 مرات عملتني الحركه وراء بعض)

و انا مفكره اقولها ما اقدر اروح معاها خلاص كرامتي انجرحت بس لو جلست بالبيت بجلس بطفش ما عندي شي :( انا استمتع معاها

ملاحظه مهممممممممممممممممممممممممه انا عمررررررررررررررررررررررري ما طلبت منها شي
يعني كل الطلعات الي طلعتها معها فطرتها و اقتراحها مو انا

8 تعليق 1,388 مشاهدة

شاركي في النقاش

سجلي الدخول لإضافة تعليق.

التعليقات

8
  1. @nidooo

    يا عمري .. انا رأيي تطنشيها وتشوفي لك صديقات غيرها وهي الخسرانة مش انتِ ..
    يا شين اللي زي كذا ما اطيقهم :mad:
  2. @tkhss_flsfh

    كرامتك فوق كل شي

    اعملي فيها متل ما بتعمل فيكي عشان تعرف انك مش اقل منها

    ولمى تتصل فيكي اوقات قوليلها مو فاضيه او ورايا شغل موضوع احكي اي حكي

    هي عارفه ومتاكده انها مهمه بالنسبه لك وهادا اللي مقويها عليكي

    اقعدي لحالك بالطفش ولا انك تهيني نفسك مع واحده ما بتقدر صداقتك

    ربي يسعدك ويحبب فيكي خلقو يااااارب
  3. معلش حبيبتي انتي لازم تسوين لنفسك قيمه
    قولي لها بهدوء بدون عصبيه انتي اللي تسوينه غلط
    انا اجهز نفسي وانتي تلغي كل شي بدون ماتفكرين فيني
    وعاتبيها اذا ماردت على اتصالاتك
    ازعلي وهي راح تحترمك وتقدرك وتحسب لك حساب
    لانها تشوفك ساكته ولا تزعلي تتمادى
    المؤمن القوي ياقلبي خير عند الله من المؤمن الضعيف
    وانتي اذا بتعاملين الناس كذا بتتعبين
    حطي حد لكل شي وقيمي نفسك يقيمك غيرك

تابعي تجارب أخرى من هذا القسم.