راتبي سبب تعاستي .... وش الحل؟

انتي مجنونه تدفعين 4500بدون شي يثبت لك حقك تعبك
افرضي انه تزوج او مات اوتطلقتي وين اللي بيعطيك حقك قولي الف الفين تنبلع
اوخذي قرض واشتري ارض او سكن بس باسمك
ساعديه قد ماتقدري بس تثبتي انك حقك اول مره اتكلم بالاسلوب هذا
والله زوج اختي الله يرحمها الدين والله مافكر يدفع منه ولاريال
والاملاك من بيت وسياره وارض ب200الف كلها له هي مالها ولاريال
ماتت ولا عندها ولاريال ماغير دين البنك واللي على الناس ومارضى يدفع ولاريال
الابالهوش والمشاكل ابوي اخذ منه مبلغ وسدد الدين وسوى لها صدقه جاريه
واخوي راجع البنك حتى تنازلواعنه وزوجها غرته دنيا حتى ماذكرها بصدقه وتزوج على طول ورمى عيالها ولا درى عنهم
صارت مشاكل كثير بس اختصر الكلام
مااقول لاتساعديه بس بمعقول وشي يثبت لك حقك

اربع الاف وخمس ميه


بعد كم سنه بيطق عليك حرمه من فلوسك والمهر من جيبك


وبتتندمين


لاان الرجال الي يلاحق ورا فلوس زوجته مهب رجال مع احترامي

الغلطه غلطتك تعطينه وجه من البدايه ليه تعطينه وجه ؟؟؟؟ :mad:
المفروض راتبك ما ياخذ منه ولا فلس .. راتبك لك ولإحتياجاتك الخاصه
ومقاضي البيت هو الملزوم يجيبها لو انه افقر رجل بالعالم وانتي اغنى منه!
ان شاءالله تاكلون كل يوم عدس:mad: بس ما ياخذ منك بالغصب وكانه شي واجب عليك
هو الرجال وهو اللي يصرف على البيت .. وش ذا الرجاجيل ما عليهم حلا

حبيبتي لاتزعلين من كلامي والله العلي العظيم من جد مقهوره عليك
إيش هذا التصرف ليش انتي 4500 وهو بس2000
لا4500 ولا حتى ريال واحد حبيبتي الرجال كذا يتمسكنون الى يتمكنون واذا خلاص تمصلح منك رماك مثل مايرمي الحاجه اللي في يده بالشارع بالزباله بأي مكان اهم شئ هو استفاد ويروح يتزوج لا ياماما يزعل يطق راسه بأكبر طوفه
حبيبتي جمعي فلوسك ولو يزعل سنين لايشوف منك ريال واحد ولايعرف كم معك ولاشئ