% ما مثل اخوك اللي يحبك ويغليك %

قصيدة أعجبتني للشاعرة / ليلى سعد عباس الحربي تقول فيها:


الناس واجد مير ما مثل الاخوان .... ما مثل اخوك اللي يحبك ويغليك
ما مثل اخوك اللي صدوق ومعوان .... تفديه بالغالـي وبالـروح يفديـك
يشكي لك جروحه وهمه والاحزان .... ولا ضاقت الدنيا بهمك يواسيـك
لو كان لك ربعٍ ونـاسٍ وجيـران .... ما مثل اخوك اللي عن الناس يغنيك
أخوك هو عزك ولو كان ما كـان .... يبيع كل الناس لأجلك ويشريـك
أنا أشهد أنه لك على الصدر نيشان .... تاجٍ على راسك وستـر يغطيـك
وانا اشهد انه مـا يثاقـل بميـزان .... مثل الذهب والماس مافيه تشكيك
وانا اشهد إنه ما يقـدر بالاثمـان .... عن العدو حصـن ودرع يوقيـك
إياك لا تفتـح طريـق لشيطـان .... بينك وبينه جعـل ربـي ينجيـك
ولا تستمع لاجاك علان وفـلان .... يا كثر ما تسمع من اللي يعاديـك
ولا تجعل لغيرك على العقل سلطان .... ترى كثير اللي بشـوره يدهويـك
ترى الدهر دوار يا سرع الأزمـان .... يومٍ تواريـه الثـرى أو يواريـك
تقول يا ليت الذي كـان ماكـان .... يا ليتني بالقبر جنبـك واخاويـك
يا ليتك تعود واضمك بالاحضـان .... أضمك لصدري واقبـل أياديـك
يا ليتك تعود ترى القلـب ندمـان .... وده يسوق المعذرة ثـم يراضيـك
مير البلا يا ليت مـاردت إنسـان .... ويا ليت ما تمحي ظلام بما ضيـك
تماكن الدنيا وواصـل بالاحسـان .... قبل الندم يطويك والهـم يبريـك
ونهاية المشوار ما غيـر الاكفـان .... ويبقى مع السارين ذكرك وطاريك
وسلامتكم...

18 تعليق 2,680 مشاهدة

شاركي في النقاش

سجلي الدخول لإضافة تعليق.

التعليقات

18
  1. @dyrh_ofa

    لله درك على ما كتبتي يا الغلا....
    واهديها للأخوي عزوتي فديييييييييييييييييييييييييييته....
  2. @dr_albhr_1

    صاحبة الموضوع
    ديره وفا
    تسلمين يالغلا على مرورج الطيب
    والله يخليلج اخوج ذخر وسند ياااااااااااااااارب
  3. @am_amaryg

    صحيح زي اخوك ماتحصل .........
    ولو انه في بعض حالات شفتها الغريب يكون احسن من القريب.........
    هذا هو زمنا.....ولي الله الحمد......
    ...........ولك شكري يادرة البحر................
  4. @dr_albhr_1

    صاحبة الموضوع
    أم أماريج
    ايه والله انج صادقه والله يستر علينا من هالزمن
    والشكر لك على المرور الطيب

تابعي تجارب أخرى من هذا القسم.