شاركي في النقاش

سجلي الدخول لإضافة تعليق.

التعليقات

45
  1. @maoy

    صاحبة الموضوع
    شكرا لكم جميعا ,,

    سعدت بتواجدكم ومروركم ,, وكنت ساسعد اكثر لو وضعتوا رايكم ومناقشتكم للموضوع ..
    رفع الله قدركم جميعا ..
  2. @tranym_klby

    جزاك الله خير الجزاء ماويه موضوع جميل جداااااا لو ماشفته في توقعيك ماكان دخلت فحلو هالحركه منك الله يعطيك العافيه

    مو ضوعك أثار في بالي اشياء متعدده فماراح اكتب بترتيب علشان الحق عليها قبل لا تضيع *_^

    صدقتي حكايه انو اللي يكتبون باسلوب ساخر على مجتمعهم كثرت شايفتها بشكل مممممل فعلا
    في البدايه كنا نضحك ونقول ايوه صح هذا فينا هذا يعيبنا لكن لما صارت شغلهم الشغل وبدأوا يتجاوزون حدودهم في اشياء كثيره صرت احس الشغله لها اهدافها وصارت نكت بس بشكل مختلف وفنون مختلفه وللاسف هذولا صاروا يسعون لارضاء الجماهير ويله مين اكثر واحد يقدر يسخر بشكل اكبر المشكله اللي يدعون الانصاف وانه هذا شيء صح يقهر بس احسن علشان يعدل الصفات السيئه بالمجتمع
    طيب لو جا واحد من ( المطاوعه ) وسخر بنفس الأسلوب من الأشياء اللي يسوونها الشباب على سبيل المثال هل راح نتقبل هذا الشي منه ؟؟!
    طبعا لا وراح نتكلم بالعقل والمنطق ومراعاه السن والمجتمع ونطلع كلللللل الفلسفه اللي بروسنا

    لكن لما يجي واحد اسمه ( غير مطوع ) ويجي يستهزأ في المجتمع بلاش نقول ع الدين
    يتكلم في المجتمع بس راح نضحك ويعجبنا مع انه اي انسان عاقل ماراح يضحك على شي يمس كرامته <<< اتكلم ع الاستهزاء من العيار الثقيل طبعا واللي غثونا بكثرته

    وغير كذا فضلا عن هذا يجي يتكلم في الدين بشكل غير مباشر طبعا وللاسف حنا نضحك
    يعني مثلا يتكلم عن صفات حسنه بصيغه الذم
    واحد ينبه على شي غلط مثلا ويمس الدين يجيك الاستهزاء مثلا سعودي ماعليه شرهه
    صاروا كيف اقولك يعني يجيبون الصفه الزينه المنتشره في المجتمع ويخلونها محل استهزاء علشان يرسخ بالذهن انها غلط ويكره المجتمع في بعضه او اي صفه ثانيه

    وترى للاسف فيه ناس ماتحس انه هذا شي مخطط له ماخذه المسأله تريقه وضحك

    انا كنت ارفض بعض النكت لاعتبارين فيه حديث فيما معناه من حديث حديث بالكذب ليضحك القوم ويل له ويل له وكمان اعتبار ان مايجوز الاستهزاء بأحد
    لكن الان اضفت اعتبار ثالث اللي هو انه هذي النكته لها غايه ومقصده والحين ماصارت نكت بس صارت كاركتير ومقطع فديو ومقالات يعني مو بس شي هدفه الضحك بس لا فيه كتاب ومبدعين في الاخراج يسوون شي بين انه هادف وبين انه سخريه علشان يجذب اكثر

    طبعا حطيت هذا الاعتبار في بالي بعد ما سمعت كلام جميل للشيخ ابو اسحاق الحويني لما قال انه النكت هذا ماجات ع الفاضي جات مخطط لها انها تكره المسلمين في قيمهم واخلاقهم وعاداتهم الحسنه

    <<< المقطع هذا سبق وكتبت موضوع عنه

    وانا اقول يمكن صح زمان كان مخطط لها من الغيرمسلمين لكن الان للاسف صار مخطط لها من المسلمين انفسهم اما بجهل واستهتار او لغايات سيئه

    ولو افترضنا انوه اللي يخالفون اراء المنحرفين من العقلاء والمحافظين استخدموا نفس الاسلوب في نقد هؤلاء لكان لهم مجال اوسع في النقد وألذع بعد لكن هم يتعاملون مع الناس باسلوب ارقى من كذا


    ------

    ثاني شي قضية الحريات للاسف احس من كثر ماصار عنده شده عداوه وكره لما هو مرتبط بالدين صار حتى مايتعامل بالعدل اللي يزعمه فصار زي ماقلتي لما احد يبدي وجهه نظره بعيد عن الدين تتحترم وجهه نظره ولما يكون شي فيه دين للاسف تعامل خلاف ذلك
    وهذا منحى خطير لازم الواحد ينتبه لنفسه حتى لا ينزلق فيه تحت اي مسمى كان
    حتى ماتشملنا هالايه ( واذا ذكر الله وحده أشمأزت قلوب الذين لا يؤمنون بالاخره واذا ذكر الذين من دونه اذا هم يستبشرون )
    للاسف البعض يرى من العدل اني اعامل المجتمع المسلم بأخلاقيات المجتمع الكافر ولا هو من العدل اني اعامل المجتمع الكافر بمنهج الاسلام !

    شوفي ( شفاحه ) الحريه واعذروني ع الكلمه لوين وصلتنا .. وهي بالأحرى مو شفاحه حريات هي أهواء انغمسنا فيها حد الثماله
    وصارت هي مقياسنا في كل شي بحيث اذا ما اعجبنا شي نطلع الاحاديث والايات اللي ربما في ظاهرها تأيده واذا ما أعجبنا نسوي العكس وصار فهمنا للدين حسب أهوائنا
    علشان كذا كان التحذير من الهوى والنفس في عده مواضع في القران والسنه لانها هي اللي سبب هالخلل بالعقائد فمابالنا بالسلوك والاخلاق

    للاسف اصبح بعضنا يغضب لو احد تعدى على شي حسي مادي له لكن مايغضب لو احد تعدى على قيمه وكسرها يوم ورى يوم انا لما فلان يجرأو ويشرب الخمر قدامي مثلا هو انتهك قيمي انتهك تربيت وتربيه ابنائي للاسف احنا مو حاسين بهالشي انه تعدي وتطاول علينا وفي النفس الوقت جالسين نتسائل من وين جاتنا هالمصايب وليش تغير المجتمع
    محسسنا كأننا أول جيل فيه شرب الخمر وزنا أبدا مو اول جيل اذا جيل الرسول وهو اخير جيل كان فيه هالامور ورغم كذا سمي بالجيل المثالي يترى ليش ؟؟ لانه هذا الشي مو ظاهر بالمجتمع محد كان يتجرأ ويسويه علنا كان في الخفاء وبكذا ما اقدر احاجج المجتمع بوه واتهمه بالسلوكيات السيئه
    لكن الان لما سمحنا لانتهاك تربيتنا اللي ربينا عيالنا عليها وانتهاك حقنا في حمايه انظارنا
    حنا نسوي مثاليين ونقول من حقنا على الوطن انه يحمي انظارنا من منظر الزباله وهي كذا بالشارع
    وماقلنا من حقنا انه نحمي انظارنا من التصرفات القذره اللي تنتهك حرمه انظارنا !!

    للاسف الناس صايره تغطي على تصرفاتها السيئه باسم الحريه .....!!!!

    للاسف الاستخدام الخاطيء للحريه هو اللي خلا المجتمعات متفكك هو اللي خلاهم يعيشون الحياه البهيمه اللي البهايم فيها تسوي فيه اللي تبغى حتى لو كانت تمارس ... امام الناس !!!

    وش الفرق بالله وش الفرق !!!

    الله فرقنا عن الحيوانات بالعقول طيب اذا ما استخدمناها راح يفرق ؟؟؟!

    سبحان الله لما تجي للمجتمعات اللي تدعي الحريه سواءا مسلمه او غير مسلمه وتقارنيها بالمجتمعات اللي الناس يشوفونها متزمته متشدده تسوي شي ماهو من الدين .....الخ من الكلام اللي ينقال عنها

    وتجي تقارني مدرى الاستقرار النفسي والاجتماعي ومدى الترابط ! تستغربي الناس هذي كيف تفكر كيف تجر التفكك لنفسها بدون ماتدري
    لكن مانقول الا زي ماقال عمر بن الخطاب رضي الله عنه لما سأله رجل كيف كنتم تعبدون الصنم من التمر وبعدين تاكلونه مالكم عقول ؟ قاله فيما معنى كلامه انه السالفه مو سالفه عقول سالفه هدايه من الله لو ربي هداهم كان استخدموا عقولهم
    وهذا اكبر شي ينقال للي يحطون معاني الحريه بعقولهم القاصره مو بالدين اللي فرضه خالق هالعقول

    والحريات المزعومه هذه غير انها فككت المجتمع وصار كلن يعمل بهواه ايضا زرعت الانانيه وحب النفس لما يكون يكون مجتمع متكامل تضبطه القوانين الربانيه مو الحريات ماراح افكر في نفسي وبس ماراح افكر كيف والله أتجمل واصير حلوه علشان نظرات الرجال بره ترضي غروري وترضي شهوتي لا راح افكر اني ممكن اغوي انسان بسببي وممكن هذا اللي ممكن يكون مجاهد ولا عماد من اعمده الامه ونذوق عز الامه بسببه يصير اكبر مدمر لها بكره الكل راح يقول انا مالي صلاح وهو حر لو شافوه انتهك عرضك وسيبوه
    انت لما كشفتي عن نفسك وقلتي حره انتهكتي حرمه نظره فهل ترضين انك تعاملين بالمثل !
    طبعا لا وبتصير فيه حقوق انسان ووو ...الخ وتصير من قضايانا المهمه ليش شبابانا مو شايفين خير وليش وليش ...الخ

    كان لي سالفه مع اختي كنت مشتركه بمنتدى والمنتدى له غرض معين ماهوب بعام ومحترم تماما وقوانينه صارمه فكان رد لاحد الاخوه على اخت شكرا حبـ .... المهم اني انغضت ع هالاسلوب طبعا انا ما اشكك في احترام الاعضاء لكن خفت انه يكون الشي عادي عنده او يبغى يخليه عادي قمت وبلغت عن رده وع بال ينحذف كنت اكلم اختي في المسن ع الموقف وانا مطرطعه قامت قالتلي ياشيخه الناس صاروا كذا استغفروا الله بقلعتهم ... الخ من كلامها السلبي اللي دايم اسمعه منها وينرفزني قمت قلتلها يعني لو وحده قالت لزوجك هالكلمه عادي قامت قالت لا والله لا اسويبها وفيها ويخطيها ومدري وشو قلتلها خلاص غيري ع حرمات الله كذا
    طبعا انا ما الومها ومقفها لو سوته عادي جدا ومن حقها اذا الرسول قال فيما معنى الحديث لو شفت احد يتجسس عليك ارميه بحصى في عينه حتى لو فقأ عينه
    لكن شوفي لما صار موقفها حرمت هالشي على زوجها وهي شايفته حرام طبعا لكن استسهلت في الرد عليهم صارت أنانيه وكأن عرضها هي مو زي باقي النساء وكأنهم هم لا يستحقون هالتكريم
    مع انو هي ابدا ماتقصد هالشي لكن بسسسس علشانها تركتهم على حريتهم اخذنا هالنظره عنها وصار موقفها مكروه لبعض النفوس

    اي صح كملتلها الكلام وقلتلها لما انت تشوفي فلانه لبسها غلط او كلامها غلط وماتنصحينها بحجه هي حره وبكيفها بكره هي بتتعدى على حريتك وحرمه بيتك وزوجك وتلبسلك هالعبايه المخصره قدام زوجك وانت ماتقدرين تتدخلين في حريتها

    <<<< طبعا هذا مو منطق ديني ابدا لكنه منطق اللي يتكلمون بالحريات فرديت عليها من منطقها بس

    لكن اللي يقدموا الدين ع الحريات راح ينصحون بحب ويتركوا هالانانيه الطاغيه راح يعطون قبل لا ياخذون راح يضحون من اجل مجتمعهم بخلاف من يتعامل بالحريه فقط

    اي صح تذكرت شي لما حنا منعنا الفطره الالهيه بانفسنا ان الواحد لا شاف الغلط ينكره طبعا منعناها باسم عدم التدخل في حريات الغير
    للاسف الكثير والغالب فجرها في الغيبه والنميمه والدعاء عليهم وليس لهم للأسف الا من رحم ربي وعرف ماله وماعليه



    اسفه ع الاطاله وان كنت نحيت بالموضوع منحى اخر

تابعي تجارب أخرى من هذا القسم.