قصتي مع اهل زوجي للعبرة و العظة حسبي الله و نعم الوكيل

يا اختي انتي كتير حساسه معقول هيك اشيا تافهه تحطم حياتك وتخليكي تكتئبي وتوصلي للطلاق ؟؟
ليه انتي متزوجه زوجك ولا العيله كلها
انتي خليكي بزوجك وماعليكي بغيرو يستفلو يحبو فلانه يهدو علانه مالك شغل فيهم الزم ماعليكي بيتك واطفالك وزوجك
ومن التفاصيل اللي حكيتيها فهمت انو اللي مضايقك انو اهل زوجك ما قدروك
بس بدي قلك شغله حطيها براسك اهل زوجك مش غلطانين بالمره اهلك هني اللي ما قدروكي وهني الي ما طلبو المهر ورخصوكي عند الناس كيف تطلبي من اهل زوجك التقدير ؟؟؟؟
مثل ما انتي كونتي عنهم فكرة سيئه من البدايه وهني كمان كونو عنك فكره
وكمان اتعلمو فيكي لانك زوجه الكبير وطبقو اللي اتعلموه بغيرك فهمتي؟؟

حاولي تكوني ايجابيه اكتر واحلى نعمة هي نعمة النسيان الانسان لازم يعدي كتير ويفوت كتير عشان يقدر يعيش حياته اما انك تحسبي على كل كبيرة وصغيره وتفضل براسك اتفه الامور هيك مش رح يكون عندك صاحب
خليكي متفائله وايجابيه وخدي الامور بحسن نية وبساطه واهتمي بنفسك وزوجك وعيالك وما عليكي من الناس ماحدا بينفعك

الله يعجل بموتها وترتاحو منها العقربه ونصيحه أقطعي علاقتك فيها

شوفي عزيزتي ..

الكلام اللي قلتيه انا مريت به .. مع اختلافات ثانيه طبعا .. وتعرضت للظلم والقهر وانا بحملي .. حتى ان الشبكه مالتي كانت قديــــــــــــــــــــمه .. يعني كان عمر الشبكه عشرين سنه ما تصدقين يا اختي .. امه ما رضت يشترولي وقالت انا عندي وبعطيها .. هههه .. حريم مال اول .. المهم عزيزتي .. ابي انصحج نصيحه لوجه الله تعالى .. اول شي ترى كل ما اتذكرتي سوالفها كل ما بتموتين قهر وكل ما بتعصبين زياده والنار بيشتعل من جديد بقلبج .. لذا .. ابيج تسوين هالشي .. وهالشي يبيله شجاعه .. سامحيها لله .. من اجله سبحانه سامحيها .. من قلبج سامحيها .. هذه اول نقطه ..

ثانيا اختي العزيزه .. طنشيها .. قدر المستطاع ... وبعدين .. في اي يوم واي لحظه هي غلطت عليج .. انتي ردي عليها بس لا تدرين عليها بعصبيه وقلة ادب .. لا يا اختي . ردي بضحك ومزح .. خليج دوم مزوحه ..

يعني مثال هي قالت لج مابينا هدايا شفت ما عندج شرشف يبت لج .. ابتسمي واضحكي .. قوليلها هيه والله تسلم ايدج اتعيشي واتجيبي .. هذي انا ما بستخدمها . هذي ببروزها للذكرى .

حاولي تتعايشين مع الموقف .. الطلاق مش حل ..لانه مستحيل انها تقعد طول عمرها بهالطريقه .. ترى الدنيا مواقف وهي بتكبر بالعمر .. صديقه لي نصحتني وقالت .. انا ياما صبرت على ام زوجي .. وراعيتها وسكت عليها .. ويوم كبرت بالسن وجالها الزهايمر ما تذكرت احد الا انا تذكرتني بس انا حتى بناتها ما تذكرتهم .. وقالت حبتني وتستانس لما تشوفني واتقول انا اعرفج انتي مرة ولدي حبيبتي .. تخيلي !!

وبعدين لاتفكرين ان ريلج ما يعرف ولا يفهم .. بالعكس يعرف ويفهم بس. اصبري واستعيني بالله .. صدقيني بيعوضج .. شوفي زوجي بدال الطقم جاب اطقم وحتى معاملته كانت غير ايام الخطوبه والحين غير لانه حس اني انظلمت .. صدقيني اختي الله ما يرضى بالظلم ..
لازم يوم من الايام تاخذين حقج . ولازم يوم من الايام الله يعوضج .. ولازم يوم من الايام يعرفون ويفهمون .. ليش اتخربين على روحج علشان امه .. انتي المستقبل جدامج .. ولا تزعلين ابدا يوم تقولج شي .. بالعكس.. اضحكي .. وردي بضحك ..
واتعملي السياسه وكيف اتسايسينها .. لا تشردي من الواقع .. واجهي الواقع ..

اذا قعدتي تتذكرين ووتنقهرين كل يوم وكل ساعه صدقيني بتمرضين .. ماا تصدقين انا كنت اكلم نفسي وكل يوم كنت على هالموال اصحى اكلم نفسي واقول ياريت قلت وياريت تكلمت . ونفس الشي اختي المسكينه .. بس بعد ما سمعت شريط لخالد الجبير .. لله ولله فقط سامحتها .. هي حرمه عجوز .. شو بنسوي يعني ..

انا واختي انتهجنا نفس المنهج والحمد لله مرتاحه انا وهي .. بس سلفتني للحين حاطه في خاطرها .. للحين تعيد السالفه يوم كانت تتضارب وياها وتسبها ..
الحين تعبانه ومريضه ... لان الحقد ياكل القلب .. وياكل الحسنات ..

اختي والله لو اقولج شو قالت عن ابهاتنا وعن امهاتنا .. لو اتعرفين شو كانت من كلمات الذل والاهانه تستخدمها .. بتحمدين ربج . انه عمرج ما سمعتي هالكلام .. وانج احسن من غيرج ..

يالا عادي اختي .. لا تكبرين السالفه .. احمدي ربج ريلج لا يشرب ولا يطلع وما يرد ولا عنده خرابيط ...
واستغفري ربج وتوبي.. واقري البقره كل يوم وادعي له ولها ولاهلج بالهدايه والصلاح

:eek:الله يعجل بموتها وترتاحو منها العقربه ونصيحه أقطعي علاقتك

يا اختي قل خيرا او اصمت