زوووجي نحيــــــــــف // وش السواة

الله يسمنه بصحه وعافيه..

جاي رمضان..اكليه من هالمقالي والمعجنات والثريد وغيره وبيسمن ان شاءالله..

up

ههههههههه بنات انا زوجي نحيف مرة واسمر تقولين بنقالي من اخدته وهدا شكله كل شي سويته معه ابية يسمن وينتفخ لان كل من شافة ارتاع منه وقالي انتي مجوعته ولاتهتمين فية وانا زهقت من كلام الناس ودي انه يتغير ويزين حاله نصحتة بترك الزقاير وحاول ماقدر اكل من الحبوب اللي تساعد في تركهن ولافادة معه صرت اقط علية كلام يجرخه ابي تجي عزيمة من داخة بتغيير نفسة بس ولاعلى بالله يسمع كلام من الناس بان شكلة يخوف بهدا النحف بس مايتاثر تكفون اللي تعرف طريقة تخلية يسمن وينتفخ تقولي اما الزقاير انا غسلت يدي منه لانه ماعنده عزيمة:arb:

والله اذا هذه طبيعه جسمه مستحيل يزيد وزنه خاصه اذا اهله نفس الشئ والدخان ما ينحف على فكره ونصيحه لاتخلين هذا اكبر همك بيضيق صدرك وهو مافيه امل خاصه انك جربتي ومانفع ...واذا لابد تحاولين غيري نظام اكلكم وغذيه ههههه سوي له اكلات من البر الطبيعي والسمن البقري وعطيه حليب السعوديه كامل الدسم والزبيب اليمني يقولون انه فاتح شهيه وكثري الوجبات بدل ثلاث وجبات رئيسيه حطي بين الوجبات وجبات خفيفه وسوي بطاطس مقلي وشاورما تراها تزيد الوزن وهكذا بس نصيحه اذا صحته زينه وما يشكي من شئ تراه وراثه ريحي نفسك وريحي ولاتذبين عليه كلام وهو مايقدر يسوي شئ انتي جربي بنفسك لو سمينه حاولي تنقصين وزنك والله انه عذاب وماينزل او لو كنتي نحيفه زيدي لو اثنين كيلو صعب مره انا بنت عمي نحيفه مره مره وكل شئ جربته عصيرات دسمه وايس كريم ومكسرات حتى المسمنه الي عند العطار والله مازاد فيها ولاكيلو لأن هذه بنيتها ....

على فكره انا نفس معاناتك بس فرق ان زوجي كان سمين ونحف وتعقدت من الكلام اخذتيه سمين والحين نحف من قله الأهتمام مع اني والله مهتمه فيه بس الشكوى لله امر مو بيدنا .