هذي أخرتها يا فتافيت: اهانة القران الكريم في كتب الطبخ

حسبي الله ونعم الوكيل

هذا نتاج الانفتاح الغير مدروس والإستعانه بالعماله الأجنبيه الغير مسلمه
يعني لازم يكون لبناني والا غربي عشان يطلع كل شي توب زبرقه والداخل خرطي والراتب اضعاف

والا علينا قاصر بالخليج مصورين ومصممين ورجال اعمال وشباب وشابات كفو بس عطوهم فرصه بيبدعون في حدود الدين ولا نشوف هالاستخفاف وضياع الهويه

انتوا متأكدين انه كتاب فتافيت

انا عندي شك كبير في مثل هالمواضيع بصراحه وغالبيتها يطلع ماله اي اساس من الصحه

يؤ وش فيكم علي!!
الحمدلله انا انسانه اخاف ربي واصوم واصلي واحاول قد ما اقدر اني ابعد عن اللي يغضب ربي
وربي يعلم اني لما كتبت الرد انه اتوقع انه شي عادي انا كتبت رأيي وانا لاني مفتيه ولاني فقيهه بالدين
كل الموضوع وما فيه كنت افكر باللي جالس يصور هالصوره من مبدأ التمس لأخيك سبعين عذرا "واللي المفروض كلكم التمستو لي العذر لما كتبت ردي وعذرتو قل فهمي" فأنا قلت يمكن اللي مصورها اجنبي من دوله عربيه شقيقه مسلم ومن حبه لدينه حب يدخل كلمات اسلاميه على الصوره عشان ربي يبارك له فيها واكيد انه ما حط هالايات الا من حبه لدينه
ومو قصده انه يهين كتاب الله ولا اسم رسولنا
واكيد انه بعد ما صور هالصوره رفع الاكله عنها
فما فكرت في انها مقصوده اهانه لنا ولا لديننا
فحرام عليكم المفروض بدال ما تجون تهاوشون علي وتحطون اني وحده ما اخاف ربي تجون لي باللين وتنصحوني وتبينون لي خطأي
ما فيه انسان ما يخطي وانا بعد ما رجعت لردودكم وفهمت وجهة نظركم عرفت اني غلطانه والحين جايه اصحح خطأي واعتذر
واتمنى مره ثانيه اللي تشوف رد ما يعجبها تنصح اللي كاتبته وما تسوي فيها انها هي اللي فاهمه وتجلس تهاوش وتصغر باللي كاتبه الرد
الله يهديكم النصيحه مو كذا
كيف تبون الواحد يهتدي وهذا اسلوب البعض منكم
ومشكوره صاحبة الموضوع على غيرتك على دينك
ربي يحفظك ويوفقك