خوات زوجي يضربون ولدي

اختي ضحية الواسطه



اعاني من نفس المشكله


والله يضربون عيالي وانا ساكته ماااااااااااااالت على الغباااااااااااء

حرااااااااااااام عليكم تسكتون إذا إنتي أمه ما دافعتي عنه مين رح يدافع ويحميه

أختي النفس البشرية لها طباع هي تشيل منهم و مدايقة منهم وتبغى تعلم زوجها هذي مش مكر أو ملعنة هذي صفات موجوده بالنفس البشرية و الله بنتي لو باخذ منها شي وهي عمرها سنة و خمس شهور تقوم تهجم علي تبي تاكلني عشان زعلتها هل تعتقدين إنو بنتي فيها لئم ترى أنا كنت زيها بس غيرت أسلوبي كنت مائحب أجرح أحد ويكون الحق معي بس غيرت نفسي عشان مره نظلمت وما أبغى أولادي يكونو كذا . وصاحبة الموضوع قوي نفسك وستنيهم لما يزعلوه قولي إيش عشان سكت صار ملطشه ترى الحق معك لا تخافي . والله معك

صراحة بيني وبينكم الأم اللي عيالها ينضربون من قبل عماتهم وتسكت للمجاملة هذي غلطانة لانه ايش ذنب عيالها
أول حاجة انت لا تسكتين أنا لو منك أعلم زوجي على طول بكل شي يصير باسلوب طبعا تصدقين خالتي كانوا أخوان زوجها وبنت أخته يضربون عيالها وكانت تقوله دايم وصار هو يلاحظ من كثر ماتنبهه وتوعيه
وهي بعد كذا تطلقت وأخذ عياله معاه سكنوا عند أمه صاروا أي أحد يلمسهم على طول يضرب أخوانه بشكل ماتتخيلين لو كلمة يقولونها لها
والبنت ماشءالله عليها متبعة سياسة أمها على طول تعلم أبوها بكل اللي يصير مع العلم ان عماتها في الثانوي والجامعة يضربونها وهي عمرها خمس سنين يضربهم أبوها قدامها والان مايتجرأون يلمسونها
أنت اي موقف الاب لازم يدري عنه لان الضرب هذا يأثر في شخصيات عيالك اذا كبروا
وأنت مثلا اذا كنتم تتقهون ولا مجتمعين في كل مرة ينضربون عيالك خذيهم وعلى غرفتك على طول واذا زادت تكلمي المهم لا تسكتين

شكرا يا بنات على ردودكم وعلى تفاعلكم مع الموضوع
احب اقول للبنات اللي ردوا بانه عماته يضربونه للتاديب..فاقول لكم انه صغير على هاالشي لانه صغير واصلا مايسوي لهم شي يعني مثلا اذا كان شال الريموت وطاح من يده يطالعونه بنظرات ويصارخون عليه كانه ارتكب جريمه..وانا مالت علي ساكته مع انه قلبي يعورني بس شو اسوي
مرات اتدرب بيني وبين نفسي عشان ارد عليهم يوم يضربون ولدي بس يوم يستوي الموقف ما اقدر اتكلم..يمكن لاني ساكنه في بيتهم وابصراحه انا ما احس انه هذا بيتي
ووهم يبينون لي هذا الشي مره امهم قالت وبصوت مسموع انتي مثل الضيفه في بيتنا بس ياليتهم يعاملونا مثل الضيوف على الاقل بيسون لي حساب
المشكله انهم خلاص تعودوا اني انا دوم اسكت عن حقي من قبل ما اولد..يعرفون اني مب جريئه واستحي ..بس لازم ابدا بالخطوه الاولى لازم اتكلم للانه هم يعرفون اني ما ارضى ولدي ينضرب بس ما يهمهم شعوري فلازم اتكلم وبصوت عالي واقول لهم لاتضربون ولدي..انا ما قلت لابوه لين الحين لاني انا ابي انهي هالساالفه بنفسي اباهم يعرفون انه زمن الطيبه راح بدون رجعه..وانشاالله ما بسكت عن اي حد يمد يده على ولدي..انشاالله بحاول
ادعوا لي الله يعطيني القوه واتكلم
نسيت اقول لكم انا يوم اروح بيت اهلي مارضى حد ياخذ الالعاب ع ولدي واتكلم على طول ...اخذ راحتي على الاخر في بيت اهلي ..احس انه بيت اهلي هو فعلا بيتي وبيت ولدي واتكلم واضحك بصوت عالي من كل قلبي بس يوم ارد بيت اهل زوجي ما دري ليش احس بكأبه وضيق