أمي ... ليش اتسوي فيني شذيه ..؟؟؟

ابنتي طلبت مني أن تصبغ شعرها
طبعا أنا رفضت وقلت لها لا تصبغين
وهي حاولت وتترجاني وتقول بأنها من سنة ما اصبغت شعرها
وهي تعلم أن كثرة صبغة الشعر يضر
فسمحت لها بأن تصبغ شعرها
وجاءت ابنتي وهي سعيدة لأنها أصبغت شعرها
لتريني شعرها وبالفعل كان جميل جدا
المهم
أخبرتني ابنتي أن مديرة المدرسة شددت عليهم كثيرا
بأن لا تضع الماكياج كل يوم
بصراحة سعدت بهذا الخبر
لأن أبنتي في الصباح
تضيع وقتها في الماكياج
في خلال ساعتين وتعطلني
وتعطل أخواتها في الصباح

المهم
وإنا سعيدة بهذا الخبر
رحت لوالدتي لأخبرها
بأن مديرة المدرسة شددت عليهم
وان ما يحطون الماكياج
لكن فوجئت بوالدتي وهجمت علي
وقالت هذا من تربيتج ما اتعرفين اتربين
أنتي ما عندج راي
رايج كله عند بناتج
وأشرت علي بوجهي يعني
( مالت عليج )

استغربت
ووايد تضايقت L
تدرون يا بنات حواء
أنا دايما ابتسم لها ،
وأخدمها ،
واعطيها اللي تبغيه ،
وأوديها المكان اللي تبيه
والله العظيم ساعات أكون تعبانة
وهي تطلبني أساعدها وأنفذ لها اللي تبيه

تصدقون
ما كان يمشي لها معاش
وانا راكضت وراكضت
علشان يعطونها
وعطوها فعلا
وهي تدري ان رجلي مكسور
وألبس جهاز طبي
لكن
ليش اتسوي فيني شذيه ..؟؟؟
:(

14 تعليق 1,511 مشاهدة

شاركي في النقاش

سجلي الدخول لإضافة تعليق.

التعليقات

14
  1. @meemoo_6

    عادي حبيبتي لاتشيلين بخاطرك امكن امك كانت معصبه
    وقطت كلام بدون ماتحس
    الله يهديها
  2. @shyryn_mhmod

    يا حبيبتي الله يعينك والله هذا ابتلاء من الله ليراك ستصبري وتبقين بارة بها ام لا .. فاصبري فإن الاجر لك ان شاء الله..
  3. صاحبة الموضوع
    أكيد ما باشيل في خاطري

    والله العظيم لو اطلبت مني وانا متضايقة

    أساعدها واعطيها اعيوني

    بس المشكلة أنها تفضل أخواتي واخواني علي

    والله العظيم ساعات أختي تغلط علي واتقول لي انتي غلطانة

    واقول لها نعم انا الغطانة

    يعلم الله أني ابحث عن رضاها

    لكن


    لا حول ولا قوة إلا بالله

    والله العظيم أنا أتألم الحين
    ومقهورة :(

تابعي تجارب أخرى من هذا القسم.