السلام عليكم ورحمة الله وبركاته
وش ردت فعلك لما يكون اخوك توووه ماله كم
من رجع من شهر العسل جاي هاااد بكل قوووه
ينافخ على اخوك لان زوجته حرشته عليه ؟؟
قمت من النوم البيت قالب بسبة هاالسالفه
بغيت امسك اخوي وانفضه مالك كم يوم
ومعطينك اكبر من حجمك ؟؟
راح اقولكم وش سوينا ووش صار
تخيلووو عروس معطينها شبكه الماس
وصباحيه ذهب باللولو
وساعه الماس
وغيره من الهدايا الثانيه ..
ماراح اذكرها يعني ما ناقصها الا شغلات العروس المتعارف
عليها
مع مهر وقدره < ماراح اذكره لكن اكثر من خمسين الف بكثير
جت لنا بدوون مفاااااااارش نهائي مفارش العروس مافيه :44: رحت لاخوي فلان زوجتك
كذا كذا المهم اخوي عنيد جدا ومن قلت له وامي بعد
راح وشرى لها وعشاها في مطعم وهذا من ردات حظي انا معلمته ومهددته مايرجع بدون ما يعشيها برا
لبس شاريه لبس يفشششششل بمعنى الكلمه
واحد تخيلوووو خيوط من ورا مثل ملابسنا وحنا بزران ؟؟
لاتقولون ذوقهم لالالا والله هم ذوقهم روووعه ويعرفون بالموضه
وتنانيرها تقولين لبس شغاله وربي كانه من ابو عشره وعشرين
< انا عارفه ان فيه بعض الملابس رخيصه وحلوه لكن هي عرووووووووووس لازم لبسها يكون ذوق وعلى مستوى
راحت امي وشرت لها لبس اخرها اليوم
تحسبونها قالت مشكوره خاله بين بعينها لا عااادكانه فرض عليها خلت اللي شرت امي لها في محله :mad:
وبالاخير اكتشفت البارح ان اختها مدخلينها جامعه بفلوووس وهم ماديتهم ماتسمح واخوها الروضه وهم مايدخلون عيالهم روضه ابد
لا وفوق ذا كللله المصوره حقتها تطلبهم الفين ريال يبون اخوي يسددها
واللي يبط الكبد محرضه اخوووي على اخويه الثاني على سالفه
تافهه جدآ لدرجة ان اخوي يطلعني مع الباب حق المجلس
من التناحه عندي قلت : خييير تراه مجلس ابوي مهوب بيتك انت واياها
وانتفخ عليها من القهر سالفه تافهه كبرتها واضافة شىء كثير لين تكوك اخوي
وانا قفلت معي صرت ما اناظر فيها يعني انتي ما اشوفك
ابد مالك وجووود
هي تحسفت بس وش عقبه بعد ما خلاااااص كلنا صرنا شايلين انا واخوي اللي اتهمته ظلم بسالفه حتى تكبرها
طبعآ امي ماتكرها بالعكس تقول مسكينه :mad: قلت انا جعلها السكينه مهيب مسكينه لوكانت مسكينه ما سوت سالفه من لاشىء
اخوي اللي هو زوجها اعتذر عن الخطا بعد ماعرف الحقيقه
والى الان يحاول يدور رضاي وانا حااااز بخاطري لمى طلعني
وفي نفس الوقت راحمته لانه متضايق انه طلعني من الباب
لدرجة انه يكلمها ويقولها اهم شىء اختي
ويكلمني ويقول تبين شىء وهي تكلمه وساحب عليها
بالله ماتقهررررر المشكله تقول انا مبسوووطه وكلهم طيبين
ليه تستنذل ليه تالف سالفه من لاشىء واللي يقهر
امهاااااا لطشت مهرها لا وتقووول مهرها مافيه بركه :mad:
هم يظنون ان حنا ماديتنا فوق الريح ..
وداخلين على طمع بقووووه وحنا ماديتنا عاديه الحمدلله
لكن على قولتهم ناس يبين عليهم وناس لا
شاركي في النقاش
سجلي الدخول لإضافة تعليق.
التعليقات
42- الله المستعان
- بصراحه انتم طمعتوهم فيكم وخلاص مادام اخوك فتح جيبه لهم الله يعين وزوجه اخوك لاتعطينها وجه ابدا لاانه اذا سامحتيهم راح تالف من جديد لاانها تبغى زوجها البنك لها ولااهلها وخايفه منكم تقولون شيء له يطيرها هي واهلها من النعيم اللي غرقانه فيه وماراح ترتاح الا لما تخليه لها لاانه تفكيرها وشيطانها كذا يقولها حتى لو مايصرف عليكم ريال واخوكي توه عريس خليه لحد مايعرفهم مظبوط بس الحين يبغى يبين الكرم الحاتمي وانه غني مررره وهم يغرفون ويمكن هذي المره ماظبطت لكن المره الثانيه هتطبخها على نار هاديه ابعدي عنها وخليكي رسميه معها لاانها هترجع للتفريق بينكم بأي شكل هي اتحسفت على خراب خطتها في التفريق بينكم وانها انكشفت لكم بسرعه والله يعينكم
- أختي
دام انتم عطيتوها المهر خلاص يصير مهرها تحكم فيه وتاخذ راحتها
يعني سواءاً ما اشترت الا ملابس رخيصة او اشياء قليله او اي شي براحتها الناس راح ينقدون عليها هي مو أنتم
وبعدين ماتدرين عن ظروفها يمكن البنت عند ابوها او اخوها كم دين وسددت دين أخوها او ابوها ومابقى الا القليل وشرت هالأشياء
التمسوا لها العذر واحسنوا الظن
أما سالفة اخوانك
فأحسن لكم سامحوا اخوكم أنتي وأخوك
لا تخلون مشكله من بدايتها تاثر على أخوتكم وتفرقكم
والله بياخذ حقكم منها
بس تجنبوهاااا قد ماتقدرون
والله يهديكم أجمعين - الله يسر اموركم
- حسبي الله عليها الرجل بعضهم لااعرس ياحياتي يصير زي المهبول بس مصيره يرد لصوابه
مواضيع مشابهة
تابعي تجارب أخرى من هذا القسم.