كبسة مرت عمي الله يرحمها بالدجاج والخضار والشعيرية طعم ونكهة تجنن كلها بهارات .. صور

@am_byan_almbark

السلام عليكم ورحمة الله وبركاته

اليوم سويت كبسة رز بالدجاج والخضار والشعيرية كانت زوجة عمي الله يرحمها
فنانة بطبخ الاكلات الشعبية ودائما كانت تسويها ماشاءالله نكهتها تجنن وتهبل
ودائما نستمتع بطعمها وانا كنت بين فترة وفترة اطبقها وتطلع نفسها بالتماااااام ماشاءالله

يالله ما اطول عليكم هذي المقادير :

بصلة كبيرة مقطعة صغار
وطماطم مطحون مع فلفل اخضر رومي وصلصة
الخضار : بطاطس + كوسة + جزر + باذنجان = مقطعة مكعبات وحلقات عريضة
دجاج مقطع اثمان ( بالعادة اسوي الكبسة باللحم ولكن ماعندي مع الاسف وبرضو طعمها يجنن ):)
2 ماجي مكعبات
بهارات مشكلة مثل ماتحبون انا استخدم بهارات كل صنف ملعقة يعني اكثر شوي
( كاري وبهارات اسناد وفلفل اسود وكمون ( ليمون اسود عدل + قرفة ( دارسين ) عدل ...



( الدجاج والخضار بعد القلي )


الطريقة :

نحمس البصل عالنار لحد مايشقر لونه
وبعدين نحط ملعقة صغيرة سكر لانه يعطي نكهة مع الحمس اممم على ريحته





وبعدها نضيف الطمطم المطحونة مع الفلفل الرومي والصلصة



بعدها يوضع حبتين مكعبات ماجي والبهارات







يتبع لحد يرد تكفوووون لحد ما اكمل !!

406 تعليق 92,070 مشاهدة

0 0

شاركي في النقاش

سجلي الدخول لإضافة تعليق.

التعليقات

400

  1. @am_byan_almbark

    صاحبة الموضوع
    نكمل
    نضع الخضار على الدجاج ونحرك



    نصب الموية عليهم ونحط القرفة ( الدارسين ) والليمون الاسود ونعناع مفروم اممممم على نكهته
    ونغطي القدر ونخليه نص ساعة عالنار







    بعد النص الساعة يكون محضرين الشعيرية المحموسة وبرضو الرز المنقوع طبعا نسيت اكتبه بالمقادير خخخ



    نضع الشعيرية على المرقة ونحرك
    ثم نضع الرز المنقوع عليهم ونحرك ونغطيهم
    لحد ماتنشف الموية ونوطي عالنار ثم نجيب قصدير ونغطي القدر فيه
    وعليه غطاء ونخلي الرز لحد مايستوي





    يتبع لحد يرد تكفون لحد ما اكمل

  2. @am_byan_almbark

    صاحبة الموضوع
    نكمل

    مثل ماقلت نخلي الرز يطبخ لحد مايستوي ونوطي عليه



    معليييييييش والله نسيت اصور الرز وهو مستوي في وسط القدر اخخخخ يالقهرر
    رن جرس الباب ورحت افتحه وفهيت ونسيت من بعده بالمرة والله ضاق صدري بالمرة :22:

    مو مشكلة نكمل طالعو هنا سلقت بيض وبعدين قليته بالزيت وبرضو قليت شرائح باذنجان
    وقطعت طماطم حلقات وفرمت بقدونس عشان احطهم كلهم عالوجه

    و





    هنا غرفنا الرز وجملناه بالبيض الباذنجان والطماطم والبقدونس





    وهذا مرق بامية باللحم والبطاطس المكعبات والبامية طعمهم يجنن
    اما اللحم باقي شوي منه خخخخ من بعد رمضان قطعته صغار وطبخته :22:



    والله تعبت وانا انزل واحمل الصور
    ان شاءالله يعجبكم وسامحوني اذا نقص اي شي والله النسيان ذابحني
    واتمنى انكم تدعون لمرت عمي ان ربي يغمد روحها الجنة يارب
    وادعوا لي بالشفاء العااااجل انا بحااااااجة للدعاااااء وفي حفظ الله ورعايته

تابعي تجارب أخرى من هذا القسم.