قصتي مع مشرفة رياض اطفال

السلم عليكم ورحمة الله وبركاته

اخواتي ابي اقولكم قصتي وانتوا احكموا,,,
قصتي بدت مع بداية العام الدراسي قدمت على مدارس اهليه جديده قبال بيتي بحي الربيع شارع القلم
قدمت عندهم وقبلوني مشرفة ورشة عمل وداومت على هذا الاساس وكل يوم اجي تصرفني هالمشرفه للفصول امسك الاطفال وانا مو اختصاصي واذا جيت اتكلم معها بخصوص مجالي تصرفني وتقول اخر الدوام واذا جا اخر الدوام اختفت ماعاد اشوفها ولا تسوي اجتماع مع طاقم العمل وانا ومعي ثنتين ماتجتمع فينا تصرفنا ويجي اليوم الثاني وبرضوا تدخلنا الفصول وتجي تحاسب ليه الاطفال جالسين كذا سوي لهم برنامج طيب انا مو تخصصي رياض اطفال انا تربية فنيه وقدرالله اني غبت يوم واحد فقط بسبب ظرف صحي قاهر وداومت اليوم الثاني على مسكن قوي مع الملاحظه ولدي عمره 6 شهور وتعبان وممرمطته رايح جاي لهلي حتى زوجي الله يعافيه كان تعبان وتعبته معي زياده شايل هالولد ورايح جاي فيه لهلي المهم في اليوم هذا كانوا جايبين وحده يقابلونها انا حسيت بالامر شي قامت المشرفه دخلتني على فصل معلمته غايبه واطفال صغار بعمر ثلاث سنوات دخلتني عليهم وهي عافه ان المدرسة استغنت عن خدماتي عشني غبت وكرفتني واستغلتني استغلال رهيب وفوق هذا تهزءوالله لايوريكم اطفال يسونها على انفسهم وتقول تصرفي واجلسي معهم في الفصل اقولها ابحطهم برى يتنفسون تقول اجلسي معهم في الفصل حسبي الله عليها نفسها شينه بالحيل المهم ولازلت مستمرة بالدوام مع انهم تعاقدو مع وحده مكاني وهي تخليني اجي تستغلني وانا ياغافلين لكم الله اكرف واجيب جهدتي ويوم عرفت انهم جابوا وحده غيري اسالها وش وضعي تقول بعدين اخر الدوام خليك مع الاطفال<< مره مقهورة:06: المهم رحت للمديرة وقلت وش وضعي قالت المفروض من زمان ماعد تداومين والمشرفه معها خبر المفروض قايله لك انا هنا مت قهر وشلت شلايلي وطلعت




وش رايكم وش اسوي؟؟؟؟

11 تعليق 3,087 مشاهدة

شاركي في النقاش

سجلي الدخول لإضافة تعليق.

التعليقات

11
  1. نفس قصتي قلت لزوجي طفشت من بعده البيت قال اجل دوري على مدرسه أهليه حي الوادي وقلت لهم ابي اتوظف ماني بحاجه فلوس بس احب اشتغل ماصدقوا على الله واخذوني لرياض أطفال وانا على نياتي انهم وظفوني رغم شهادتي بكالوريوس دراسات اسلاميه كرفوني ثلاث ايام وعقبها يسألوني وش تخصصك قلت ليش ماشفتم شهادتي قالوا مانتبهنا أوف ذاك الله
    لايعودها طقت كلمتين على راسهم وقلت أنا ماني بحاجه بفلوسكم بس اتسلى
  2. @kabtshyno_star

    صاحبة الموضوع
    شكرا على مرورك عزيزتي

    بس انا ماهمتني فلوسهم بس قاهرني استغلال المشرفه اللي جدا" سخيف واسلوب تعامل سيء جدا"

    الله يكون بالعون من تعامل المدارس الاهليه
  3. @kabtshyno_star

    صاحبة الموضوع
    وين رايكم يابنات حواء تدخلون ولا تعطون راي ترى مرة منقهرة ابي ردود واراء تهدي قهري

    حسبي الله عليها
  4. المدارس الخاصة انواع الاستغلال وهذي المشرفة وغيرها كثير تمشي مصالحها على حساب الاخرين الله ياخذ حق منها بس المفروض ماتسكتين لها لان عندها خبر بالموضوع وماقالت لك وتصرفك

تابعي تجارب أخرى من هذا القسم.