صديقاتي العوانس ( الرد الآنس لكل عانس تبي العرس ) 

اهنيك على عقليتك السليمممه خيتووو
يالييييييت كل البنات يفكرون مثلك
كنا بخير

كل اللي هنوك خايفات من زواج أزواجهم

بس الواقع يقول أن كلامك خرااااافي

والعنوسه صعبه لو تكلمنا ولو خففنا الجرح وكذبنا

وان الوحده تكون زوجه ثانيه

يا سوكره هذا مكتوب في قدرها

لاحظي مكتوووووب
وإن أختلفت الأسباب

تظل قدر

وكون أختك زعلت أيه عادي أي وحده تحس حالها رخيصه بعين زوجها بتطييييييييييييييييير من النار اللي بجوفها
أولى ثانيه ثالثه اللي هي بتظل المره هي المره بغيرتها

أما حكاية الكذبه الكبيره اللي أسمها (ما الحب الأ للحيب الأول )

هذي بنج يختارونه الحريم الأولات يخدرون به جراحهم ويسلون خواطرهم

لأن ممكن الحب الأول تكون عشيقته لما كان مراهق حب غنجها ودلعها ونعومتها وجمالها
و أن مارضاها زوجه لكنها تظل هي الحب بالتفاصيل
أما حكاية التجارب الـ,,,,,, أسمحي لي

تجارب الشباب قبل الزواج مأنتظرت أنك تحددين متى وكم

شيء ثاني

بيت الشعر يقول (مالحب إلا للحيب الأول ) ما قال (مالحب إلا للزوجه ألأولى)

بلاش علاك مصدي وبطيخ مبسمر

أنا عاااااانس

وارفض أني اكون زوجه ثانيه

لكن حرام أسوي هالخرابيط وأكذب على بنيات ظروفهن صعبه وأقول الزواج الثاني فاشل

لو كان فاشل بمقياسك (ما كان خافن الحريم وأنهبلن )

كان تقول مصيرها بترخص بعينه ويرجع لي

لكن لأنه ثبت حقيقه وبلا شك أن الزوجه الثانيه لها الغلا والحب والفلوس والدلال والغنج

تحاولون تزيفون الواقع الأليم

لاتاكلوني وعلى بالكم اني زوجة ثانيه

قبل أسبوع أنخطبت لواحد رااااااااااااااهي ورجال منصب وجاه وثقل بين الرجال وفلوسه تسد عين الشمس

بس مبدأي نصف رجل ما يرضيني

ولا أحب تبنيجكم الأهبل

سي يو

الكونكت تبيعي بيخلص وماراح أتصل بالنت غير لما أشغل خط الـ dsl بكره أو بعده

اللي بخاطرها هوشه تنتظر

^

^

^

اللي بخاطرهاا هوشه تنتظر ههههههه الله يعين بس (مالفظ من قول الا له رقيب عتيد) انتبهي

وانتي يااصاحبه الموضوع كثر الله من امثاااااالك صدق ضرسك وياااااااارب يرزقك الزوج الصالح التقي اللي يحبك ويقدرك ويصونك وماعنده احد وتظلي الاولى الاخيرررررره قولي آآآآآمين

فديت روحك الشجاااعيه اعجبني كلامك الله يزيدك عقل ودين ياليت مثلك كثير كااااان الدنياااا بخير

شوفي حبيبتي دنيا الفرح مافي ياعمري حرمه تخاف من حرمه الا الي مثلك انخطبت من رجل فلوسه تسد عين الشمس على قولك بس خافت من الحرمه وماني مقتنعه ان الزواج نصف الدين بس طيري قعده طبطبين على نفسك تلقين تتمنين لو الرابعه

البنات اللي ردوا وشكروني يعلم الله ماقصدت اتودد لاحد بس هذا هو الواقع مافي شي كامل
لازم الانسان يرضى بأنصاف الحلول 

يعطيكم العافيه ويسعدكم ربي وين ماكنتو:26:


الحبيبه دنيا من الفرح 

راجعي كلامي يالغاليه في بنات ترضى تكون زوجة ثانيه هي حره وانا وجهت كلامي للي بتكون الثانيه لان الرجال يبي تعدد فقط وعطيتها نصيحه انه لودام لغيرك ماكان وصل لعندك
وتأكدي اي رجال يتزوج عشان يجدد شبابه بيكون ظالم فلاتقولين الزوجه الاولى ماقدرته وانتي وش دراك بالحريم يعني يوم صار عياله كبره رد عقله اجل وش صبرك كل هالمده وليه تخلف منها يومك ماتحبها
ولانه ناكر للعشره طبيعي بيطير بعجة الزوجة الثانيه 

لكن لي صار وقت الحساب وشق مايل ساعتها خلي الزوجة الثانيه واللي رضت بظلم الأولى تتحمل معه الاثم


غريبه حالت بعض الناس تظلم وتتكبر وتتجبر ونست ان فيه آخره وحساب وعقاب
خافي الله ترى النهاية تراب وربي مايرضى الظلم لو كل وحده خافت ربي وحمدت ربي انها عفت نفسها بالحلال تتحول لوحش وتظلم ليه وعشان مين ؟!

غيرة الحريم موجوده عائشه تقول لرسول عن خديجه حمراء الشدقين كنايه عن اسنانها اللي تساقطت فغضب الرسول وهو يحب عائشه فكيف بحالنا بنات عاديات اكيد بنغار لكن ليه نخلي الغيره سبب لتبرير الظلم والحقد؟! 

انا برضى في حال كانت مريضه اوعقيم ولازم برضاها فهمتي  

اما سالفة الحب للحبيب الأولي واثقه من كلامي واتحدى وحده تنكر هالشي :)

اكيد مو كل الرجال لكن الاغلب اممممم يعني نسبة ٩٠٪ 

يوم تقولي رفضتي عالشيخ اللؤطه لأنها قناعتك خلاص يعني هذا شي مقتنعه فيه الله يوفقك

وحده غيرك بترضى يعني وقف التعدد عليك

الزبده ومافيه هوشه ان شاء الله انا نصحت البنات المتأخرات
١- اذا حدها الزمن ماباليد حيله والله يعينها على حياتها الجديده والامر له توابع لازم تتحملها الحياة مو كلها حبني واحبك ولاكانت الدنيا جنه وسعاده
٢-في بنات متأخرات بالزواج فترمي نفسها على اول واحد يطق الباب وبعدها ياليت الي جرى ماكان:(
٣- في بنات على بالها الدنيا على كيفها اجرب والادهى لو كانت التجربه ثمنها عيال مالهم ذنب
٤-في بنات كسرت نفسها عشان تأخرت بالزواج ليه حرام عليك هذا اعتراض على حكم ربي
٥- هذي وجهة نظر واحنا نتحاور وكلن بعقله راضي:26:

بنات البنت دخلت موضوعي وداست بساطي فلها الحشيمه وان كان غلطت فامسحوها بوجهي
انا مانزلت الموضوع الا وعارفه وش بيصير ويشهد الله علي مابي مادح ولاشي كل اللي بخاطري
مجرد توضيح ونصيحة من محبه لكم فقط لا اكثر ولا اقل ربي يجمعني واياكم بجنة الفردوس