شاركي في النقاش

سجلي الدخول لإضافة تعليق.

التعليقات

18
  1. @shnt_am_aman

    شوفي حبيبتي بما إن أبوكـ قال لكـ :
    ان الرجال ما يبيك خلاص واضح من كلامه لاكن ما نطقها
    خلاص لأن الرجال فاهمين لبعض
    ولاتنسين الإستخاره وصلاة الليل والدعاء
    ربي يكتب لكـ اللي فيه الخير

    بعدين ليه تقولين كذا
    يعوضني خير منه ؟؟؟؟ ما اعتقد اني راح اتزوج مره ثانيه ما دام الزواج كذا ........
    وربي حزنتيني عليكـ
    وربي فيه ناس الزواج الثالث أو الرابع لهم ومتوفقين وعايشين حياة سعيده
    أهم شي الدعاء الدعاء
  2. @am_aalaaaaaaoy_1

    نصيحتي لج حبيبتي:

    المشكله الاساسيه الي وصلت موضوعج و تطورت بايخه وما تستعدي كل هذا
    هدأي من روعج و الشيطان هذه اوقاته يدخل بين الاثنين وخصوصا الازواج و يفرقهم
    انتي عزت نفسج خلتج تتركين بيت زوجج و تهجرينه وهو ايضا عزت نفسه ما سمحت
    له يتنازل و يجبر بخاطرج و الرياييل عندهم ظروف مثل ما قلتي ما يشتغل يمكن علشان
    جدي يتهرب منج لانه محرج وما يقدر يصرف عليج اذا طلعتوا كشته دائما احمليه على
    70 محمل و خليج انتي الأم الحنون و مصدر الدفئ و الحنان
    و بطبعهم الرياييل يقسون شوي و يلينون شويات فلا تخربين حياتج و تهدمينهاو تطلقين
    بسبب شنو؟؟ طلعه ؟؟ تشوفين انها تسوى لالالالا علينا بالصبر و الدعاء و نسايرهم كثر
    ما نقدر بس مو معنى هذا ان نمسح شخصيتنا لا بس بحدود الي نقدر نتفاداه نتركه
    حاولي تكلمينه وجها لوجه و تشعرينه بحبج و حنانج بعدين على سالفة الصوره مو
    يمكن لما يشوفها يحن لج وما يبي يضعف و يبادر بالسلام يبيج انتي تبادرين لان هو
    رجولته وعنفوانه ما يسمح له طبعا هذا تفكيرهم لاتدمرين حياتج بتندمين بكره لما
    يهدأ كل شئ و تحنين له و تحتاجينه وتكتشفين ان فات الاوان و بقولين ياليت الي
    جرى ما كان
    والله ييسر لج و يصلحكم و يهدي سركم ياااارب
  3. صاحبة الموضوع
    جزاكم الله خير على ردودكم الي ما اكذب عليكم شوي كانت قويه علي ...
    تعبت كثير وربي تعبانه ودي اخلص من حياتي كلها الي كلها مشاكل كل ما اطلع من مشكله ادخل لمشكله ثانيه ... الي قالت لي اعرف ناس تتزوج للمراه الثالثه والرابعه ... حبيبتي انا تزوجت وانا مو صغيره كبيره بالثلاثينات لاني كنت محيره لولد عمي لمده سنوات طويله الله لا يوفقه لما نوى الزواج تزوج ببنت غيري وهو يعرف اني ممسوكه له لمده 17 سنه حسبي الله ونعم الوكيل ولما تزوجت تزوجت رجل اصغر مني وغير موظف قلت علشان الحق على روحي لاكن تصرفي كان خاطئ مررره
    المشكله ابوي ما كان راضي اني اتزوج كلش لا انا ولا خواتي ولما تزوجت كان مو راضي والحين احس انه مستانس بمشكلتي لا تستغربون هذا الواقع ابوي كان اكبر عدو لنا للاسف انا وخواتي ضحيه اب يهتم بعيال اخوانه اكثر من عياله للاسف ... الي يقهر ان ابوي بهالوقت الحالي يبيني اتطلق لانه يبي يقهر امي فيني ... انا عارفه انكم ما فهمتوني لان سالفه امي وابوي لها قصه طويله مررررره ما راح اتطرق لها ... لاكن الي يقهر ان ابوي كل شوي يجدع علي كلمه يقهرني فيها من كلام زوجي ومرات يوصل لي الخبر من خلال خواتي ووو ..... المشكله اني بين نارين لو تطلقت راح يفرحون الاعداء وياكثرهم .. وصعبه اني اصبر عليه اكثر لاني وربي تعبت من سنتين مو مع العالم كلش بعالم ثاني كله اكتئاب واهمال بنفسي وعصبيه ووووو ااااه يارب تنفرج وارتاح
  4. صاحبة الموضوع
    ام علاوي حبيبتي عارفه ان السبب تافه كثير وانا لما رحت لاهلي على انه يومين خميس وجمعه ويرجع ياخذني كالعاده لاكن تركني الى يومك ولا اهتم بصورتي عند اهلي كلش
    الي يقهر حساس مرررره كل مشكله بسيطه يتركني ويزعل وش هالحياه الي انا عايشتها قلت له مره ازواج خواتك لو زعلوا عليهن يتركونهن عند اهلك ايام واسابيع وشهور ؟؟؟؟ طبعا ما رد علي لان خواته مقدرات مو مثلي
    وكل ما اكتب له رساله يقول لي ما تغيرتي الى الحين ؟؟؟؟؟ وربي يرفع الضغط شكلي راح اموت بسببه المشكله فيني عين ومريضه منها وهو عارف هالشي ويزيد تعذيبي .... الله يكون بالعون
    كرهت الرجال وسيره الرجال ما ادري كل الرجال مثل زوجي ؟؟؟؟؟؟ حسبي الله عليكم من رجال
  5. @ghnog_homy

    معليش ياختي هذا راسه كابر مبين من كلامك انك انتي اللي تركضين وراااه \

    عشان كذا هو مستغل نقطة انك ماتقدرين على فراقه

    ترى الزواج موده ورحمه بين الزوجين اذا اختفت هالنقطتين وش بقى من الزواج

    استخيري ربك وطلبيه يعجل لك الخيره غي هذا الزواج

    وعطيه فرصه يتخذ قراره من غير ضغوط منك

تابعي تجارب أخرى من هذا القسم.