روعه شابورتها بس استحيت اسالها \ سؤال \ تم التعديل

الشـــآبوره



3 بيضـآت ..
كاس زيــت ..
كاس سكــر ..
ملعقـه صغيـره فـآنيلا ..

نخلطهـــم بالخلاط الكهربـآئي ..

نضع كـآسين دقيق في زبديـه ونضع معـه بيـآلتين مويـه وملعقـه كبيره بيكنج بودر
ونضـع الخليط اللي خلطنـآه معـه ونحطـه بصينيه مدهونه بزيـت ونرش فوقـه السمسم ..
وندخلـه الفرن ليــن يحمر ..
طبعـآ ندخل سكين او شووكـه نشوف اذا زآنت من جوآ او لا ...
بعدين نطلــعه ونقطــعه ..

وهذي الطريقة الثالثة
المقادير:

كاستين ونص دقيق
ملعقتين طعام بكنج بودر
خمس بيضات
ملعقة طعام فانليا
كاسه زيت مخلوطه بملعقة سمن بري
(يعني احسبي السمن البري من ضمن الكاسه مو زياده)
نص كاسه من السكر
ملعقتين طعام من حبة البركه
سمسم
.....
الطريقة سهله جداااا
اول شئ نخلط البيض والسكر والزيت وحبة البركه مع بعض بالخلاط الكهربائي

(للمعلوميه حبة البركه لما تكون مكسره تستفيدي من فوائدها الصحيه اكثر
عشان كذا هي راح تتكسر بعضها معاك بالخلاط)
المهم
وبعدين نضيف الدقيق والبكنج بودر بعد ماننخلها ونضيف الفانليا
ونخلطها مزبوط
في صينيه تكون كبيره جداااااااااا اكبر صينيه عندك في البيت
لاننا نبيها تكون رفيعه بقدر الامكان
تدهني الصينيه بالزيت وترشي في قاعها السمسم

وتصبي الخليط عليه بشويش من جميع الجهات عشان السمسم مايتركز في مكان واحد
يعني تصبي شوي بالنص وشوي بالطرف وشوي ...الخ
المهم
وعلى الوجه كمان ترشي السمسم

وتدخلينها الفرن على نار هاديه من فوق وتحت
الين ماتتحمر معاك مزبوط ولونها يكون متوسط زي لون الشابوره يعني لا تحرقينها ولا تخلينها فاتحه مره

بعدين تطلعينها وتخلينها تبرد شوي وبعدين تقطعينها مستطيلات بقدر الامكان تكون نحيفه
وتقلبينها يعني تخلينها تتحمر من الجنب زي الي بالصوره

طبعا راح تكفي في هذه المرحله صينيه ثانيه صغيره عشان تتوزع
تصير عندك صينيتين كلها الشابوره فيها مع ع الجنب لاننا نبي الجوانب تتحمر
الان نخلينها في الفرن على النار فوق وتحت الين ماتتحمر كمان
وتطلعينها وتخلينها معرضه للهواء زي ماهي الين ماتنشف انا خليتها ساعتين
وبعدين شليها من الصينيه ورصيها
وكليه


يارب تلقين طلبك في واحدة منها

دعواتك :)

شكرا للجميع ما قصرتو بجربها
واذا ارسلت لك جارتك خبرينا

الوصف:
طبق يصلح كوجبه خفيفه
المقادير:
2 كوب طحين
3\4 كوب زيت
3 بيض
رشة فنيليا
رشة ملح
3\4 كوب سكر
1 ملعقه كبيره بيكنج باودر
1 ملعقه متوسطه حبة البركه
للوجه :
سمسم
الطريقه:
نسخن الفرن
نضع المقادير السائله في خلاط الكيك
ونخفقها

ثم نضع المقادير الجافه

ثم نصبه في صينية فايركس مدهونه بالزيت
ونرش الوجه بالسمسم

نضعها في الفرن على درجة حراره متوسطه
مدة 1\2 ساعه ويمكن اختبار نضجها بادخال عود اسنان
فاذا خرج جاف نطفىء النار من الاسفل ونشعلها من الاعلى لتحمير الوجه

ثم نخرجها من الفرن ونقطعها بالسكين تقطيع طولي
ثم نتركها تبرد قليلا
ثم نخرجها وعلى حسب الرغبه نقطع القطع انصاف(اختياري)


ثم ندخلها الفرن مرة اخرى حتى تكتسب اللاطراف الغير محمره لون ذهبي


التقديم:
تقدم مع الشاي

هذي اسمها كيكه الشابوره
نسخت لك طريقتها من موقع ثاني
بسم الله الرحمن الرحيم






نبدأ بالمقادير :


- 2 كاس دقيق

- 1 كاس سكر

- 1/5 حليب سائل

- 1/5 زيت

- 1 م شاي بيكنج بودر

- 2 بيض

- فانيليا



الطريقة

- يخلط البيض والسكر الزيت و الحليب بالخلاط ثم المقادير الجافة

- تدهن الصينية بزيت ويوضع الخليط بالصينية ويدخل الفرن

- اذا بدت تنضج الكيكة قطعيها بشكل طولي ودخليها للفرن الى ان تتحمر ( بس انتبهي تحترق)

الله لا يحرمني منكم كلكم ياللي رديتوا تسلمون يارب اشكرك يا رومانسيه وحرمان الطفوله على المقادير وجاري التنفيذ
اختي شجره مورقه

لا مو شاريتها لانها واضحه انها في البيت لان بعض القطع باين انها كانت في اطراف الصينيه

عموما اشكركم جميعا اخواتي الله لايحرمني منكم