مشاكل من 3 سنوات

سوي زيي ولا تروحين لاهله الا بالمناسبات وتعاملي معاهم رسمي اذا هم يجرحونك ولا تجيبين سيرتهم قدامه خير شر ولا تمنعيه منهم

والشقه عادي شوفيني صابره 10 سنوات ماغيرت شقتي وكل يوم عددنا يزيد مع اولادي ربي يحفظهم لي , وعفشي كل يوم احول الكنب من غرفة لغرفة ومن زاوية لزاوية عشان الحياة تمشي لانه رافض يغير شي بس خلاص ما وقفت الحياة على تغيير العفش او الشقة

والصبر الصبر الصبر مفتاح الفرج > الله يفرجها علينا وعليك وعلى جميع المسلمين ويهديلك زوجك ياااااارب

من كرهي للشقة كل اسبوع اروح لا اهلي بالرياض مشوار 4 ساعات لاني ماعاد اتحمل الشقة كل اسبوع اروح لا اهلي مشواررررر الرياض طويل كرهت الشقة المشكلة انه مايبي كل اسبوع يوديني لا اهلي بالرياض ما اقدر اجلس باالشقة تجيني قلق ونفسيتي تتعب بقوة واكره كل شي بالشقة مدري ماعاد اتحمل انا وعدته لو غير الشقة والاثاث بقلل روحتي لا اهلي واذا ماغير الشقة يتحمل روحتي اسبوعيا للرياض عند اهلي

أختي العزيزه الحياه ماتمشي باالعناد...مو شيء حطيتيه برأسك لازم يتم

عني أنا كل مانزلت السوق اشتريت لي لوحه أو تحفه أو اجمع لين أجيب شيء عليه القيمه طبعن من فلوسه
لكن لما تصير بيدي يصير فيها بركه :)

أختي الحياه بالمسايسه وكل شيء باللين يصير، حببي أهله فيك عشان عيون زوجك كل شيء يهون

ياكم استحملنا وسمعنا وسكتنا....وهذه الحياه عدت ومانقص مني شيء

بلمساتك بالبيت تقلبينه جنه، أنت تتكلمين عن أهله وعن البيت وشكل زوجك طيب فلا تخسرينه :angry2:

لازم تغيرين بأسلوبك اضغطي على نفسك وناظري مشاكل غيرك تهون عليك مشكلتك

الله يديم عليك نعمه...ويهدي سرك..وكل شيء بالصبر يصير:26:

شغلي سورة البقره في شقتك واحتوي زوجك حسسيه بالحب غيري معاملتك له لاعاد تطرين اثاث الشقه لين تحسسين انك ملكتيييه اما بالنسبه لخواته اللي تغلط عليك وانتي ماسويتي شي اخذي حقك بيدك ترا الرجال مايحب الضعيفه اللي بس تبيه يدافع عنها كان رديتي عليها برساله زي كلامها وزي ماقالوا البنات مانتي ملزومه تروحين لهم عليك بس من امه زوريها متى ماقدرتي ولاتهتمين لخواته خلي شخصيتك قوويه وافرضي نفسسك وتشوفين ولاوحده فيهن تتجرأ تقولك كلمه