معاناتي مع زوجي واهله

مشكلة زوجك لاتهاوشتو والسبب أهله راح وكلمهم وكبرت المشكله هالشئ ماله داعي من زوجك بس الشكوى لله
هذا طبعه وأنتي مجبور تتحمليه وتسايريه لا تجيبين طاري أهله عنده طالما هو من النوع إلي كذا ..

ونصيحه روحي لأم زوجك وزوريها وإذا هاوشت وفتحت الموضوع قولي لها بكل أدب أنا قلت ألي صار بيننا
وكنا نسولف أنا و زوجي وجت الهرجه وهو ماصدق وحب يتأكد فقط لاغير .. أما إذا مارحتي وحطيتي براسك رد إعتبار
فأنا أقولك الله يعينك على المشاكل ما جابت خبرك أمه ولا راح ترد إعتبار لك لذلك كبري عقلك وتعوذي من إبليس وروحي
وإذا خاصمت طنشيها وبرري موقفك مثل ماقلت لك وبس

ولا له داعي تورينه رسايل أخته خلاص قفلي على الموضوع و مو مهم تولدين بحكومي ولا أهلي المهم تقومين بالسلامه
أنتي والنونو وقولي هالكلام لزوجك .. الموضوع بيدك أنتي تقدرين تصغرينه وتعيشين بسلام بدون قيل وقال وتقدرين
تكبرينه وتعيشين بجحيم الله لايقوله ..

انا عادي ما عندي مشكله اقفل على المووضوع ولا اخليه يراضيني واروح لهم عادي بس انا عارفه وش راح يصير بعدين
في كل جمعه يمدحون فلان يحب حرمته وعلان سفر حرمته وفلان الفلاني جاب شغاله لحرمته وكله حكي يجيب المرض واذا دروا اني بسوي او أأأأفكر اسوي شي صرت شغلهم الشاغل لا تسوين لا لالا وفري فلوسكم و من هالحكي اللي يرفع ضغطك علما اني ما تدخل بأي شي يخصهم ابيهم يفهمون اني ما احب اللقافه لكن لا حياة لمن تنادي
ساعدووني وربي احس راسي بينفجر كرهت الحمل بسبببهم مو معقوله كل ولاده بيسوون كذا ؟؟؟

انا لو في مكانك بصراحه حتى لو تفرق عندي الولاده بحكومي او اهلي بتصير تفرق وباصر اولد باهلي وباقول انت وعدتني ولازم توفي مادام يقدر عشان ما يفهمون لنهم قدروا ياثرون في حياتك ويتحكمون فيكم والرسايل لا تورينها لزوجك ولا شي خلاص يبي يصدق والا بكيفه ماراح تجيب لك الا وجع الراس وطبعا لازم تستمرين بالاحسان لام زوجك ومعاملة خواته معامله طيبه بس ردي اعتبارك بان كلامهم ما يمشي عليك واولدي باهلي