شاركي في النقاش

سجلي الدخول لإضافة تعليق.

التعليقات

30
  1. @ahat_fy_klby

    هلا اختي
    ان شاء الله انه طبيعي لان الاطفال بسنه متشتتين ويحبون يلعبون ومايركزون
    اما من ناحية نطق بعض الحروف مايعرفها فنصيحه مني وديه مركز للنطق
    واذا انتي بجده فاحسن مركز هو مركز جش لنطق
  2. @dlooooaah_33

    كأنك تتكلمي على ولدي كلللل اللي قلتيه ينطبق على ولدي

    بس انا ولدي عمره 4 سنين باقيله اسبوعين ويكمل 4 سنوات الله يحميه

    فهمه مو زي اللي في عمره وكلام معدوم بعد ما دخلته روضه قبل شهرين بدأ يتحسن في الكلام

    بس طبعا الفهم على قده ما يعرف يعني ايش ليل او صبح او معني كلمة بكره

    بس صار يقول ماما ابغى كورن فليكس صار يقولي حليب يعني نحطه في الحليب

    وصار يقول ماما ابغى سندوشت وياخدني المطبخ ويأشر على الجبنه مثلا

    يقول ابغى عصير قبل يومين اتعلم كلمة عطشان

    فاهمتني بس زي كذا

    طبعا انا زعلانه عليه لانه اللي اصغر منه يقولو قصص وحكايات ويفهمو ما شالله

    اولاد اخواني يضحكو على ولدي طبعا انا ازعل بس ما ابين

    لمن دخلته الروضه اشتكو من حركته وقالولي ولدك عنده فرط حركه لازم توديه دكتور

    وديته لدكتورة نفسية اطفال قالتلي ولدك ما فيه شي بس يمكن شوية تشتت يروح ان شالله مع الروضه ولمن يكبر

    بس اتوقع ان شالله انه ما عنده الا تشتت الاطفال العادي لانها حكمت عليه بالتشتت عشان سألتني سؤال

    قالتلي لو تبغو تعدي الشارع يعرف انه خطر السيارات وما يعدي ولا يعدي وما يقدر الخطر

    قلتلها لاعادي ممكن يعدي ما يفهم انه خطر

    فعلى هذا الاساس قالت عنده تشتت

    بس وحده اعرفها جلست تضحك علي تقولي ولدك صغير ايش يفهمه انه هذا خطر قالتلي الاطفال قدرات

    قالتلي انا ولدي كان زي ولدك بالضبط شوفيه الحين ما شالله عليه صار يفهم وصار زي الفل ما فيه شي تمام الله يحميه

    معليش طولت عليكي بس بجد الروضه عيشتني في قلق وتعب نفسي الله لا يوريه لاحد

    كنت كل يوم ابكي وحالتي حاله

    ولدك الله يحميه طبيعي وما فيه شي

    وزي الكل ما يقول الاطفال قدرات زينا احنا الكبار احنا قدرات في الشاطر وفيه الكسلان

    فيه الدكتور وفيه الموظف وفيه رجل الاعمال

    فانا اتوقع انها مسألة قدرات لاطفالنا

    ايوا صح انا كمان سبب ولدي لانه الوحيد وما كنت اعطيه وجه انا موظفه وارجع ما ابغى ازعاج كنت اخليه على توم وجيري وانا يا نايمه يا على اللاب توب والله اكره نفسي كل ما اتذكر اني انا سبب ولدي واني ما كنت اتكلم معاه وخليته كذا

    الله يحفظهم ويخليهم يارب
  3. @abtsam_fgr_3

    هو تاخر بالكلام مره يمكن ماتكلم الا عمره ثلاث سنوات ونص


    أختي بخرج عن الموضوع شوي ولدي عمره سنتين ونص ماقال ولا كلمه صح حتى ماما وبابا ومايفهم علي كثير يعني تصرفاته مو مثل الأطفال ألي بسنه سؤالي هل بينطق ولدي ويتكلم لأنك أعطيتيني بصيص أمل الله يحفضه ويشفيه ويخليه لك يااارب تشوفينه أحسن الرجال..

تابعي تجارب أخرى من هذا القسم.