السلام عليكم
من تزوجت وانا كل وقتي واهتمامي بزوجي صار همي الشاغل شلون ارضيه ؟
شلون اشبعه واعمي عينه عن كل الحريم :)
ماخليت لا كتاب ولا مجله تفيدني بهالموضوع
كنت اسجل بالدورات التكوينيه واحضر الندوات المتخصصه بالعلاقات الزوجيه وكل شي يتعلق فيها
كنت اقلب المحطات الاذاعيه بدون تعب اقول يمكن اصادف برنامج يكون عون لي في تحقيق هدفي :)
(( ان اكون زوجه مثاليه في عيون زوجي وان احقق الحياة الزوجيه المنشوده ))
راح عن بالي ونسيت انها سعاده زائفه
وبسرعه تنقلب بسبب المشاكل اليوميه اللي نصادفها يوم بعد يوم
صارت علاقتي بحبيبي فيها فتور مو مثل قبل':(
وماعطيت هالعلاقه اهتمام ،، لان كان كل اهتمامي بعلاقتي مع زوجي
عرفتو منو حبيبي. الحين ؟؟؟؟؟؟
اهوه الله عز وجل
غرقت بدوامة الحياة فانستني الغايه من وجودي اللي اهيه عبادته وطاعته
وغفلت عن قوله تعالى [ ومن اعرض عن ذكري فان له معيشة ضنكا )
ماتشوفين ان مفتاح السعاده الزوجيه بيده عز وجل ؟
مما راق لي نقلته من كتاب عجبني وترجمته بالكويتي
همسه مني لك زوجه مهمومه
لا تقولين كل الريايل نفس بعض خلاص ماقدر اسوي شي
تقدرين
فرشي سيادتج وادعي ربج وارضيه (( ولسوف يعطيك ربك فترضى )))
الله سبحانه مو بس بيعطينا بل وعدنا بالرضا
سبحانه ارحم الراحمين اللي يقول للشي كن فيكون
لا تياسين من رحمته
اذا عجبكم الموضوع اتمنى ان تدعولي بالتوفيق بجميع اموري ويحققلي مرادي وربي يزوجني الزوج الصالح الي يستاهلني يارب
*
شاركي في النقاش
سجلي الدخول لإضافة تعليق.
التعليقات
68- الله يسعدك يارب بالدنيا والاخره
توقيعك ياعمري يتعبني مره احب اقرأ مواضيعك بس توقيعك متعب لحد ماتتصوريه - كلآم جميل
جزاك الله كل خير
اللهم ارزقها زوجا صالحا تقيا نقيا عاجلا - الله يجزاك خير موضوع مهم جدآ
- الله يرزقك الزوج الصالح الذي لا يشفلك عن حبيبك(الله) وحبيبنااااااااا
وإياااك - موضوع جاء في وقته الله يعلقنا فيه دوم
مواضيع مشابهة
تابعي تجارب أخرى من هذا القسم.