سبحــان الله جنج تتكلمين عني ... انا والله بدون مبالغه جتني فتره ما أقفل باب الحمام و انتو بكرامه و أخلي امي تنطرني من الخوف و أخاف أقعد بروحي لازم أحد معاي ..
و هذي أعراض القولون اللي اهي أساسا بالطب النفسي اسمها نوبات الهلع .. و اذا أخذ حبوب تروح عنه بس انا ما أنصحه .. انا الحمدلله يارب .. بفضل ربي و مساعدة أهلي قدرت أتخطى هالمرحله 80 بالمية ... بعد معاناة سنتين تقريبا ..
خل يروح شخص يقرا عليه .. و يروح عند دكتور تغذيه أهـــــــــــم شي .. يصرفله فيتامينات .. لأن انا كان عندي فيتامينات ناقصه بس الدكاتره ما يعترفون بهالأشياء اللي تروح مع الوقت و التغذيه اهم بس يفحصون القلب و الضغط ..الخ .. والفيتامينات حيل تأثر بالصحه العامه .. خل ياخذ mutiplus هذا فيتامين شامل بس يبيله استمرار عالأقل 6 شهور .. و خل يكثر من الماي صج راح يتضايق بس عادي ..
و ضيق التنفس خل يطنشـه .. انا والله قبل كنت أخاف من ضيق التنفس و مرات أحس خلاص نفسي بيوقف و احس انه ما يكفي حق جسمي .. بس لما طنشت الحمدلله ياارب خف ضيق التنفس حيل .. خل ينسى شي اسمه تنفس و يشغل تفكيره بأي شي لا يقعد فاضي أبدا بعدين تهجم عليه الوساوس ..
هذا تقريبا اللي أقدر أفيدج فيه و اذا تذكرت شي بعد ما راح أبخل عليج ان شاءالله:26:
وش الحل مع اضطرابات القولون العصبي.../ تم
متابعة النقاش، صفحة 564