لا حبيبتي لاتخلي امك تقطعهم لانها صلة رحم وشي تافه زي هذا ما يسوا ان الله يقطعها لان اللي يقطع صلة الرحم الله يقطعه واللي يوصلها الله يوصله خليها تشاور نفسها هل يتارى هم يستاهلون انها تغضب الله عليها
وبالنسبه لموضوع اخوك خلي ابوك واخوك يروحون لابو البنت ويقولون له ان الموضوع جاء من تدخلات حريم وانه لاهو ولا ولده عندهم علم باللي صار الا بعد ما اتفقو
ويمدح بنته وانها ماتنعاب بس الولد ماجاب طاري زواج الحين ويبغى يكمل دراسته وان الله كان كاتبه من نصيبه فهي من نصيبه بس حنا خفنا يجي نصيبها وتردونه
واذا الولد جاني وقال لي اخطبها لي وهو مقتنع اخطبها له واعزها وارد الغلط عنها
بس اذا الولد مو مقتنع فيها والهرجه جات من حريم وتممنا الامور ولاقدر الله بكره حصلت مشاكل بينهم وتفرقت الاسره وش نسوي
ويقول له ان الزواج لازم باقتناع الطرفين عشان كل واحد يتحمل نتيجة اختياره
مو فرض نفرضه عليهم حنا الكبار
وصدقيني الامور مع الرجال تنحل بسهاله والرجال يتفهمون وعقلاء عشان كذا لهم القوامه
اما لا دخلت في السالفه العنصر النسائي فقولو وعلى الدنيا السلام
بس عيني امك على البر
هالحركة وش تتسمى غباء والا خبث والا وقاحة ؟؟؟ لو صارت لكم وش تسوون؟
متابعة النقاش، صفحة 2