الي تنتظر طلاقها وبيت اهلها والي جربت وحست بزواج طليقها تجي

بدون زعل اتمنى من اللي تطلقت بسبب ان طليقها فيه عيب لايطاق او مدمن او مايصلي انك تقولين للي بتتزوجه بعدك خصوصا لو سألوك

واذا مافيه عيب وطلاقكم لسبب تافه او ماتوفقتو مايجوز لك تشوهين صورته ومايجوز انك تخربين على زوجته الجديده ولاتحاولين ترجعين له عشان يطلق الثانيه لان يعتبر لها خلاص او بس ودك يتبهذل ويطلق وانتي ماتبينه اصلا لاني اشوف حريم الله يهديهم بس تسمع زواج طليقها تحاول تخرب عليه مايجوز لك اذا حاقده عليه مالها ذنب بنت الناس
خلاص حصل طلاق انتي الله يعوضك ويرزقك احسن منه وهو الله يوفقه بحياته الجديده مهما كان السبب بينكم ماله داعي تحسدون بعض وتحقدون على بعض امر قدره الله عليكم واذا يبيك وانتي تبينه الله يرجعكم لبعض

ترى مااقصد كل مطلقه اقصد بعضهم وشفت بعيني كيف نيتهم يخربون

انا تزوجت وزوجي كان مطلق ولما سالنا قالوا ماحب زوجته من اول ليله ولا قعد معاها اسبوع فقلت البيوت اسرار ... ماحد يعرف ايش بينهم ... وبعد الزواج اكتشفت انه يعاني من ضعف جنسي ولما سالته هل كان معاك من اول قصدي زوجته الاولى وقال مااتذكر ... ولما سالت بنات اخته عن الموضوع تخيلوا وش قالت .. انه ماشفناها الا يوم وسافروا يومين ورجع فجاه وهي مو معاه وداها بيت اهلها وشكلها كانت مو بنت واكتشفت انهم كذابين .. كذب جماعي صارت جالسه معهم في بيتهم 3 شهور... والله العالم انها تطلقت بسبب مشكلته الجنسيه
تحملت ورحنا مستشفيات وقلق لكن مافيه فايده .... وفوق هذا كان بخيل ويضرب ولايصرف على البيت ولا على البنت بالعربي ماكنت متزوجه .... طلبت الطلاق بعد ماكتشفت علاقاته ببنات يعني قلت ليه اصبر وعلى ايش ؟؟ !!
الحين تزوج اول ماسمعت الخبر حزنت على بنت الناس والله ... اخذ وحده اكبر منه لكن ماتزوجت وظول الوقت بس اتخيل صدمتها اتخيل معاناتها ... لكن هي ماسالتني ولو سالتني قلت لها الصدق والمشكله الاعظم انهم سالوا عنه ويقولون رجال وطيب ومادري ايش
لكن ماقول الا الله يشغله بنفسه عني وعن ينتي

اسال الله ان يرزقكن الأزواج الصالحين ..وقصيدة المساء ..فعلاً مشكلة المطلق ..أهله غالباً مايعترفون بالسبب ..والناس للأسف تمدح وتخاف تذم ..مع أن الشرع دعانا للوضوح والصدق حيث لاغيبة في مثل هذه الأمور ..لأنها ليست يوم أو يومين ..حياااااااة

الله يفرجها علي و عليكم يا أخواتي
أنا بعد في بيت اهلي من شهرين ضربني زوجي ضرب مبرح و طفح الكيل عندي
تزوجت من اربع سنوات من واحد خليت فيه كل آمال الدنيااااااااااا
بس للأسف ذوقني المر و ضربني و أنا عروس ماكملت اسبوع
ومع ذلك صبرت و تحملت و رزقني ربي منه ببنت عمرها الحين ثلاث سنوات
وأخذها مني ماشفتها من اخر ذو القعدة وقلبي عليها نار
ذلني و قهرني وترجيته ومع ذلك ما حن قلبه
أنا ماتصدقون لو اقول اللي بداخلي
بس أنا ما اقدر اكرهه
ما ادري ليه بس والله لو اعد مميزاته والا جمايله معاي ما اتذكر شي
وفي المقابل اهاني قدام الناس و جحد افضال أبوي عليه ووصلت فيه المواصيل
انه يسوي اشياء والله ياهي تحرق القلب من جد
انسان ضحيت بالكثير علشانه وما أخذت منه الا الإهانة و المذلة
حسبي الله ونعم الوكيل على كل ظالم
ولو تزوج فأكيد ماراح يعامل زوجته زي مايعاملني والا بيطلع كذا غلطان في نظر الناس
وما اكذب بينحرق قلبي لو عرفت لان الله يشهد بس ماقصرت معاه بشي
عشان كذا أنا أخذت قرار اني ارفع قضية فسخ نكاح عشان ما اندم عليه
والا اترك له مجال يهدم مستقبلي مثل ماهدم حياتي من يوم عرفته
الله لايسامحه وانا اعتبر السنه الجديدة صفحة جديدة في حياتي من دونه

الله يعينا وياكم ويصبرنا يارب وويجعلنانشكر على كل حال