انا تعبانة ونفسيتي متدمرة مرة وصابرة وساكتة على شي ماينسكت عليه بس علشان اولادي
قبل زواجي كان في مشكلة بيني وبين مرة اخوي الله لايسامحها والمشكلة بسيطة بس كبرتها الله لايسامحها وامي وقفت معاها لانها يتيمة وتشوف امي نفسها في مرة اخوي لان امي يتيمة وتعذبت مع عمتها وحنت عليها مرة تظن انها مثلها
والله العظيم تبلتني بشي قسم بالله ماسويته ولاقدرت ارد عليها من امي واقفة معها ضدي وتعبت نفسيا حسيت نفسي انا اليتيمة
زوجي كان قبل مايخطبني صاحب اخوي ولمى خطبني وافقت عليه من مدح اخوي له
ومرة عزم اخوي وزوجته وراحت عندهم الله لايسامحها وشوهت سمعتي عندهم لدرجة كرهوني مرة وحاولو يفسخو الخطوبة بس العريس رفض
بعد الزواج لاحظت ان ام زوجي وبناتها متغيرات علي
قلت في نفسي يمكن علشاني لسه غريبه يبغالهم وقت لاحد مايرتاحون لي
لكن ام زوجي مارضيت تعطيني فرصة في اي شي اي شي اسويه تقلب معناه كل كلمة اقولها تفهمها غلط وليتها تفهمها غلط وتسكت لا تروح تشكي على الحريم وعلى اهلها وكرهت بناتها وزوجها فيني مع اني والله العظيم ماسويت لهم شي
طلعت كلام عني والله ماينقال وصبرت خمس سنين على ذالحال ومطنشة على ماقدر ولما قللو ادبهم على اهلي رديت وراحو على زوجي وعبو راسه وداني عند اهلي واخذو اولادي عني وقامو يهددون وبيزوجون زوجي ويربون اولادي
والله العظيم هاذا اللي صار وصار اكثر من كذا لاحد مابوي تدخل ووقفهم عند حدهم ورجعت لبيتي بدون رضا ابوي علشان اولادي
لمارجعت قطعو العلاقة بيني وبينهم وحرمت ام زوجي انها ماتدخل بيتي مادري على ايش وقالت انها ماتبيني اروح عليهم ولايروحون عليه وقاطعوني البنات شوهت سمعتي في كل مكان ماعد احد يدخل بيتي من الحريم وقالت اني انا مابي احد يجيني
زوجي رفض اني اروح عند اي احد ولا لنفاس ولا لعزى ولاحفلات بس حفلات اهلي اروحها
وسبحان الله حاولت تفرق بيني وبين زوجي بس ماقدرت بس ماقول الا حسبي الله ونعم الوكيل الله لايسامح كل من ظلمني وحاول يخرب بيتي
والله المشكلة انها اكبر من كذا وكتبتها هنا اكثر من مرة وذلحين لي سنتين وعليها وانا محبوسة في الشقة الحريم اللي كنت ازورهم يمرون من عند بابي ويطلعون عندها من دون مايقولون لي سلام حتى
وذلحين تحاول تبعد اولادي عني وتمنيهم بالسفر معها الله يشغلها بنفسها عني وعن اولادي يارب والله ان ايدي على قلبي واقول يارب الطف بحالي يارب
وذلحين يبغون يخطبون لولدهم مادري اروح والا لا زوجي طيب واقف معي وطيب مع اهلي ولو اروح لحفلتهم اتوقع اتسوي اي شي علشان تفشلني قدام الناس زي كل مرة واخاف واحدة من الحريم تجي تسالني عن سبب المشكلة اللي بيننا واخاف ارد ويوصل الكلام لام زوجي وتقول لزوجي واخاف اسكت و يصدقون كلامها
حسبي الله ونعم الوكيل
شاركي في النقاش
سجلي الدخول لإضافة تعليق.
التعليقات
23- طيب ليش ماتروحين لهاتكلمين زوجك يجمع مابينكم وترتمين بحضنها وتقوليلها معاك بنات وانا زي بنتك وانتي بحسبة امي وخلاص نسكر صفحة ونفتح جديدة ونبدأ من الان وننسى كل اللي فات وربي فوق الكل وان شاء الله ما يجيك مني الا كل خير..
واذا شفتيها رفضت وانتي متأذية لهالدرجة منهم وانهم متبلينك زي ماذكرتي
فخلاص لا تروحين من الاساس
خليك ببيتك ووجهي وجهك لربك وادعية وكثري الاستغفار وادعي ان ربي يشغلها بنفسها بعيد عنك وعن بيتك وحياتك - كلام ندى صحيح لكن افضل ما تدعين عليها ..طيب معاملتهم من اول ماتزوجتي كذا ؟او تغيرو فجئه ؟هل زوجة اخوك صاحبه لهم ؟
يمكن فيه سبب غاب عنك ..لازم تروحين لاهل زوجك وتعرفين الحقيقه ويكون فيه مصارحه بينكم..يمكن عندهم فكره عنك مهي حلوه ..الله يصلح ما بينكم ويهديكم ويخلي لك عيالك وزوجك - الله يعيينك
ياقلبي دام الامور باقي متأزمه لا تحضرين العرس وتقعدين على اعصابك
خيرها بغيرها
وادعي دااائما االهم من ارادني بسوء اللهم اشغله في نفسه - رفع
- الله يكون بعونك
مواضيع مشابهة
تابعي تجارب أخرى من هذا القسم.