يلا يابنات الهمة شدو حيلكم وماورا هذا التعب الا الرشاقة باذن الله
أنا عن نفسي ما اكل 21 تمرة لكن أكل 5 تمرات في كل وجبة لأني التمر الي عندي معرف نوعه لكن أعتقد أنه سكري ..تنصحوني بأية نوع من التمر مايكون يحتوي على سكريات كثيرة؟؟؟
أختي رياح الخريف ..تبارك الرحمن وألف مبروك لك وعقبالي والجميع يارب ...
خلينا نحط في بالنا أشياء ممكن ترفع معنوياتنا ..يعني حتى لو خبصت لاتيأسي وتسبي في نفسك لأنه صراحة أشوف انه طبيعي ان الانسان يشتهي من مالذ وطاب لأنها سبحان الله من نعم الله في الأرض ..وأنا من يوم مسكت الريجيم والمغريات تجيني من كل جهة لكن الحمد لله للان صامدة وممكن أفك الربوع والخميس كتغيير للنفسية ولأني معزومة على مطعم ..لكن بحاول حتى لو فكيت اني ما أكثر يعني وجبة وحدة فقط باليوم تكون دسمة
تخيلي نفسك وانت قد وصلتي لوزنك المثالي..رشيقة وكأنك تسبحين في الهوا ..أكيد كلنا لنا دوافع مشتركة للرشاقة وهي الصحة والشكل الحلو والملابس تحلى على الجسم ونظرات الناس وانذهالهم يوم يقولو هذي أنت؟ ماعرفناك ..وزيادة الثقة في النفس والتعبير عن عمرك الحقيقي
لكن بعضنا مر بمواقف جعلته ينتبه لحاله ويبدأ بالريجيم..صدقيني اذا كان حصل لك موقف أو سمعت كلمة جارحة فانك اذا استرجعتيها كلما تضعف نفسك راح تنقطع شهيتك وتبذلي جهد أكبر بالربجبم..
بالنسبة لي أنا مايعتبر موقف واحد لكن احدى قريباتي دايم تحاولي تدقني بالهرج وتقول هذا اللبس مايناسب على جسمك ومن أنحف أنا ولا أنت؟؟ والسبب بهذا كله انها غارت مني يوم جاتني فترة ونحفت وهي كانت متينة لكن للأسف اني رجعت كثير من مانزلته بينما نزلت هي ماشاء الله الان وصارت أنحف مني .. لكن ماتفكر ان ممكن يوم ربي يردها للي كانت فيه من السمنة؟؟والله الشاهد علي اني ماعمري عايرتها أو حسستها بأنها تحتاج ريجيم أو أني أفضل منها..بالعكس كنت لمن نزلت أنتبه لكلامي جدا,, ماأحب أي وحدة أسمن مني تنجرح أو تحسب اني أتكبر عليها.
لكن بحاول أستغل هذا الشي لصالحي ..يعنيقد ما إني زعلانة من هذا الموضوع ومن كلامها لكن صراحة ماأنكر اني ممتنة لها لأنه بفضل كلامها هذا تحمست وعدت للريجيم ..هيا استلهمت مني وأنا الان أستلهم منها وأسأل الله انه يوصلني للجسم الي أحلم به
وانتو ياحلوين؟؟ كل وحدة تكتب موقف أو شي يحفزها على متابعة الريجيم كلما تحس ان نفسها ضعفت ..تلهم نفسها وتلهمنا اننا نتابع لاخر المشوار.....وموفقين
قروووووب رجيم اللبن والتمر
متابعة النقاش، صفحة 195