صباحكم معطر بذكر الرحمن .. صباح مليء بالسعادة والهنا والرضا على الجميع
بالنسبة للنوادي أنا كنت بالامباكت اللي بالمستشفى التخصصي الطابق التامن والتاسع والعاشر اشتركت فيه تلات شهور
كنت ناوية أجدد بس شوي هاي الفترة عندي صعبة
بالنسبة للإشتراك كان ب 2200 الشهرين وبتعملي تحليل دم ب 200 ريال مرة وحدة
بالنسبة للنادي المدربات على كفاءة عالية وبيجننو وجدا رائعات يعني إزا بتسمعي كلامهم منيح بتنزلي وزن وبيتغير الشيب (الشكل )
الدور التامن صالات الأجهزة الرياضية وفي كمان صالون تجميل وغرفة مساج
الدور التاسع الصالات الرياضية الأريع وبالاضافة للإستراحات
الدور العاشر صالة الجونير للبنات الصغار والمسبح وكافي شوب
طبعا النادي مرتب جدا وحلو وفخامة وترتيب ومتل ما حكو الصبايا من الطبقات الراقية الناس اللي فيه
طبعا بالنسبة للكلاسات الحصص اللي فيه كانت كتير منوعة من اللي بيخطر على بالك في أيروبكس بيجنن والمدربة على درجة عاليه
جدا من الكفاءة الله يذكرها بالخير وكأنو جنسيتها سعودية
في شي اسمو تايبو بيجنن ورائع وأكتر شي للزنود وهو عبارة ملاكمةهوائية من دون كيس للضرب بس قوية شوي وبصراحة رائعة
وفي كمان حرق للجزء السفلي رائع جدا ومن كلاسين بتحسي بالفرق
وفي للجزء العلوي وفي شد للجسم ورقص شرقي بس رائعات
وفي آيروبكس مائي هاد بيجنن وما في تعليم سباحة لأنهم مسبحهم صغير وضحل مو عميق يعني ما حدا بيغرق فيه
بس الشي اللي مو منيح الادارة بصراحة سيئة وشو ما بتقدمي شكاوي للأسف ما بتاخدها بعين الاعتبار وفعلا انا كرهتهم وبالزات المديرة اللبنانيه بتضلها تحكيلك مصلحة النادي ومصلحة النادي يمكن لو بيعرف النادي عنها الا يشيلها
هادا اللي أسعفتني الذاكرة فيهم أي سؤال تفضلو واللي ما بقرأ سؤالها هون توديلي إياه رسالة لأنو أغلب المواضيع ما برجع عليها
بالزات إزا رجعت للصفحات اللي ورا وخدمة البحث متعطلة من زمن جدي ومو راضيين يصلحوها :) أو مو عارفة شو مشكلتها الله يعطيهم العافية
ملف جميع ....( ( نوادي الرياض ) ).........لبنات الرياض الي يحبون الرياضه وبس
متابعة النقاش، صفحة 78