شوفوا وش قالت الشغالة عني عند زوجي / قديم

سلام عليكم
بقولكم القصة من البداية عشان يكون عندكم علم عن طفلين وحامل وهذا الحمل هلكني دوخة ولا اكل ولاشيء بس طايحة وتعبانة
وتجمع الغسيل وقلت لزوجي ساعدني بس شيلة وحطة في النشافة وانا بغسل قال لالا انا بجبلك شغالة بكرة قلت طيب
وجات قالت مايمديني ورايا ناس ينتظروني بس بغسلك سراميك قلت متى تجين قالت بعد 8 ايام قلت اوك ننتظر
واتصلنا عليها بعد 8 ايام قالت بكرة وكل يوم تقول بكرة وقلت لزوجي الغسيل كثير قال انا بجيبها بكرة واتصلنا قالت والله تعبانة
بكرة بجيكم وانتظرنا راحت ثلاث اسابيع وانا اتصل وتقول بكرة مو انا اللي اتصل زوجي اللي يتصل عليها تقولوا بكرة
بعدين جبت شغالة تانية قالت غسيلك كثير قلت وش اسوي وحدة تضحك علي كل يوم تقول بكرة غسلت نصة وراحت قالت مقدر
عندي ناس المهم رحت غسلت منة شوي اليوم الثاني وزوجي شالة نقلة في النشافة ونشرة وبعدين غسلتة بالصابون وحطيتو في الكراون قلت بعدين اشطفة وقلت لزوجي انقلة لي في الغسالة بشطفة قال بعدين في الليل وانا ظهري يوجعني وانتظر انتظر وهو يقول بعدين بعدين وراح اسبوع على الغسيل وهو
يقول بكرة قلت ريحة الغسيل مع الموية طلعت قال خلية بجيب شغالة وجاتني شغالتين قالوا الغسيل كثير قلت اسفين عشاني تعبانة
وحدة محترمة ساكتة قاعدة تغسل والثانية تقول لزوجي ايش هذا معفينين ايش دا معفنين قال زوجي تيب معفنين يلا اشتغلي قلت لها مسحيلي المطبخ بس الجدار من فوق قام تعصب وتقول فلوس تاني قال زوجي مافيها شيء بعطيكي بس انتي اشتغلي وهي تضحك تبغاه يزودها وطلعت تمسح قالت ايش هذا وسخ كثير كيف انظف قلت عادي مسحي بالمنشفة وهيا مسوية نفسها معصبة عشان زوجي يزودها المهم قلت لها امسحي الجبس اللي فوق قالت صعب كيف امسحو وسخ ؟؟ استغربت قلت عادي مسحي بمنشفة وراحت تمسح قلت امسحي الشفاط (هواية المطبخ) رمت بالمنشفة ونزلت من فوق الدولاب قالت حتى انا ظهري عتبانة تقصد تعبان قلت لها حبيبتي ماتبغي تشتغلي خلاص اجلسي خلي اختك تشتغل واختها قالت انا بمسح
المهم خرجوا راح يوصلهم زوجي.. دخل عليا قالي انتي وسخة قلت ليش وسخة قال غسيلك ريحتو طالعة حتى الشغالة تتكلم عليكي تقول كيف هذا حرمة ماتنظف قلتلها حرمة حقي تعبانة قالت عادي في ناس تعبانين مو كذا قال هيا حامل قالتلو انا اعرف ناس حامل وانحف منها بس كيف حرمتك هذة وساخة لها شهرين ماتغسل غسيل ؟؟ يقول حتى الشغالات تتكلم عليكي ياوسخة وربي يابنات انصدمت قلت انت مو انت اللي قلت خلية كل يوم بتتصل على الشغالة ...قال لالا نظفي انتي قلت مو انا غسلت الغسيل وقلت انقلة لي في النشافة قال لا انا رجال ليش تزوجت؟؟
والله يابنات امس غسلت الثلاجة وبخرتها ومسحت الفرن ورتبت مطبخي زي الفل وهذا وانا تعبانة ونحفت يابنات سرت عظمة من الوحم وهم عيالي
والله مو عارفة ايش اسوي رحت ادعي علية لانة هو اللي كل يوم يجي يقول خلي الغسيل الشغالة بتجي بكرة وهو اللي عطلني عن الغسيل بس
افتح معاه الموضوع والا اسكت حسبي الله ونعم الوكيل ع هالشغالات