•:*:• المنسف... اصل و تاريخ •:*:• مشاركة بمسابقة الاطباق الشعبية القديمة •:*:•

متابعة النقاش، صفحة 7

شاركي في النقاش

سجلي الدخول لإضافة تعليق.

التعليقات

41

  1. @kot_alklob_27 محررة برونزية

    #70808254
    هوم شوفي احنا عنا الجميد عندكم نفسه الكشك عنا

    نفس مكونات الجميد اللهم الاسم بيختلف والاثنين بيختلفوا عن الاقط لاني شفت مرة عضوة نزلت طريقته

    وبالنسبة انه بييفوله طحين فهذا مغشوش الجميد الاصلي مكون من اللبننة وملح فقط لا غير

  2. @tuta_1 محررة

    صاحبة الموضوع #70808604

    هوم <<< امي بالبلاد مخصصة غرفة كاملة للجميد حاطة فيها طاولة سفرة كبيرة و 3 طاولات كوفي تيبل و بتغطيهم بشرشف و بتحط الجميد عليهم و برضه بتغطيه بشرشف كله مخصوص للجميد, بيبقى عندها شهور و هي تنشف فيه و طبعا بتطبخ منه و هو لسه طري مش شرط يكون جامد بالمرة, و لما يجمد خلص و يطلع عليه قشرة الملح بتشيله و بتحطه بالفريزر... بتعرفي عجبتني طريقة عمل الاقط, ان شاء الله بجرب اعملها و اشوف اذا بيطلع نفس الطعم, بس اللي مش قادرة ابلعه هو انه ما بيشيلوا الزبده منه, يعني بيكون اكثر دهنا من الجميد اللي متعودين عليه..
    شوفي هلأ اجت ببالي هالفكرة, في عندك خزانة للمونة او مثلا للجاكيتس؟؟ اكيد في الها رف, نظفيه و غطيه بشرشف قطني و حطي الجميدات عليه و غطيها و ابقى خبرينا شو بيطلع معك. <<<< شو رأيك بالفكرة, هههه تقليد لعلِّيِه زمان بس شو احلى علِّيِه


    اضافة <<< اضم صوتي الى قوت, اللي فيه طحين و نشاء مغشوش من اصلي.. صدقوني ما بنضيف للبنة غير الملح, انا شايفة امي بعيوني اللي راح ياكلها الدود عملته من 20 سنة هيك بدون طحين, و اخذت الطريقة من حماة اخوي برضة ما قالت طحين و لا نشاء, بس قالت خليه على الطاولة ينشف و كل ما زلت منه الماء غيري الوعاء اللي هو فيه و بس هاي هي كل القصة.

  3. @tuta_1 محررة

    صاحبة الموضوع #70809324
    بوادي و هوم <<<< الا وحدة فيكم تنزل موضوع عن تراث اهل الاردن... لانه بالفعل والدي معلوماته انه الاردن عبارة عن قبائل و عشائر و ما ليهم حكومة حتى بزمن العثمانيين ما كانت تطبق عليهم قوانين الدولة, لهيك قلت انه لما جاء عبد الله بناها كدولة, مش قصدي اهينكم و الله.. بس تعالوا نزلوا موضوع و احكولنا عن كل شي بالاردن <<<< و المنفى ما قصده سجن و لا شي هو بس طرد للشخص من منطقته ما بيهمهم وين يروح, مطرح ما تاخذه رجليه.. و سبق شرحت كيف اصلي كان من ناس هاربين, و اللي بعرفه انه جد جد جدي نزل الاردن (و هالحكي قبل الانتداب) و جاب مرته خطيفه من هناك بتكون بنت ابن عمه.. ففيها ناس و عالم, بس ما كان في حكومة و دولة كاملة الا بعد ما دخل عبد الله, شوفي يا بنتي فلسطين نفسها ما الها حكومة و لا بعترف فيها, و سوريا ايمتى بدت حكومتها و مصر و العراق؟؟؟ كلهم بدأوا بعد الانتداب..


    و اذا على ريحة الجميد <<< يا عيني يا عيني... ادمان كانه مخدرات.. بس منين نجيب الشجاعة و نعمله

  4. @lynoara محررة فضية

    #70814434
    تسلم يديكي واعجبني ذكر تاريخ الطبخه
    وشدني اكثر اسماء طبخاتكم
    شكرا لكي

  5. @cold_stone محررة

    #70894111
    ماشاء الله لاقوة الا بالله
    تسلم ايديك على هالموضوع الرائع
    باين عليه لذيذ
    يعطيك العافيه يالغلا

تابعي تجارب أخرى من هذا القسم.