شاركي في النقاش

سجلي الدخول لإضافة تعليق.

التعليقات

1,176
  1. @aoshy_2

    المشاركة الأصلية كتبت بواسطة جنان92




    حلو حلو حلوة ياجنونة وما خطرتش علي بكل

    صعبة
    صعبة صعبة صعبة


    خطرتيها علي جايينك جايينك في عقر دارك

    تذكري الشبوب اللي يقول فيها
    ماسك في يده قطعة خبزة ويقول فيها لمعمر وهو مبتسم
    هذة الكلمة عاد طيرت اللي باقي في راس الساعدي وطلع يعاير في الثوار ويقوللهم هو في جيش يوكلو فية خبزة وجبنة وسنتب

    طبعا تغميز انكم هالكون اها الثوار لاننا نحنا كتائب القذافي ناكلو في احسن الاطعمة

    وشوي انقلب الحال وقعدن كتائب القذافي بلا طعام وبلا ماء
    خاصة في البريقة فيقعدو الثوار يحكو مع كتائب القذافي عبر اللاسلكي ويقولو لهم تعالو ما تخافوش احنا خوتكم عليكم امان الله
    رانا ذابحين ذبايح وكسكسو ورز وامية مصقعة
    ومشاريب وعصائر
    طبعا مجموعة كبيرة جت خاصة اللي كانو ما يبوش يقتلو خوتهم الليبيين

  2. صاحبة الموضوع
    جنااااااااااااااان ابداع ماشاء الله اول مره اسمعه وخاصه من انتم عجبتني موووووووت صحيتي بارك الله فيك
    تعرفي الراجل اللي يقدم لابس قميص ابيض كان مسجون في بوسليم و شفته مره يقول في قصيده قالها لعبد الله السنوسي لما كان في السجن روووووووووعه قمه يشرح فيها يومياتهم في السجن طبعا بعد مااعطاه السنوسي الامان انه يقوله والحلو يقول بعد ماكمل اصبح وجه السنوسي اسووووود كالغوريلا ههههه
  3. صاحبة الموضوع
    احاسيس ذباحه
    عوااااااافي
    هذا أزمة الكلام بالتلفونات طبعا الشرق تحرر خلاص واحنا لازلنا ذاك الوقت

    WIDTH=400 HEIGHT=350



    وهذا تقليد روعه لشاكير و رضوان


    WIDTH=400 HEIGHT=350



    حبيت أحكيلكم على مواقف مرن علي في الثوره وياريت أي أحد عنده موقف يحطه

    *مره اول مادخل النيتو وقبل ماتطلع أي مظاهره في سبها كنت ماشيه عند ناس وكانت زوجة ابنهم من قبيلة القذاذفه ومن لما جلسنا وهي الجرذان عملو والجرذان سوو وإحنا نغير السالفه وهي ترجعنا لها والقائد مالقائد طبعا هي تظن اننا مؤيدين للقذافي, أنا الصراحه فار دمي طبعا فقلت لها قالو السوريين اللي بيقتل شعبو خاين , وهنا ولعت هي عالاخر وانا ماسكتلها و معايا أختي تسكت فيا ورجعت للبيت طبعا أختي حكت لأمي والكل لامني لو خبرت فيا والصراحه حتى انا خفت وبينما أنا جالسه ويجي مسج عالنقال من ليبيانا يقول أي أحد ينزعج من أحد يبلغ عنه فورا على الرقم كذا كذا خخخخخخ, طبعا خويتكم راحت فيها قلت حتى ان ماكان عندها نيه تخبر عليا شيشوها علي وقعدت كم يوم استنى وعدت على خير.
    * موقف ثاني كمان مع وحده متزوجه قذافي وزوجها في الامن الداخلي وهالمره عند وحده والده من جلست هالمرأه وهي الجرذان مالجرذان وفلان صفته وفلان عمل وإحنا ساكتين انا اغلي بس هي حرمه كبيره في السن وواصله وامي كمان معي وهي ماخلت ماتكلمت ,حتى قالت والشرقاويات صايعات بايعات شرفهن في تونس ومصر بخمسه دينار , أنا هنا خلاص كله ولا الاعراض قلتلها حرام عليك هذي اعراض ناس وهذا اسمه قذف المحصنات وانت عندك بناات اتقي الله , قامت امي قالت تراها نسووم متدينه ماتحب هذا الكلام , وطبعا دائما اسمع من امي احلى كلام لما نرجع اقوللها عادي وان جوو يقتلوني مش مشكله مش الموت احسن من حياه بدون ضئ وميه تقولي ياريتهم يقتلو هم ياخذوك معهم مايقتلوك قلتلها خلاص بينما هم واخذيني طلعو سلاح واقتلوني:hahaha: خخخخخ طبعا امي معاها حق وحتى الاستاذ االمعارض علي زيدان مره نبه على اهل سبها انهم مايطلعو اي مظاهرات لان وضعنا غير والمفروض ننتظر حتى يجينا السلاح وحكى عن القصف الكبير اللي صار عندنا وانا عندي الفيديو بس تصوير تلفزيون عندي عالكمبيوتر مالقيته في النت وماعرفت احطه.
    *وهذا موقف ثالث مش لي , مره جالسين في البيت وطبعا لان الكهرباء مقطوعه ينسمع كلام الشارع وكانت الحاله مزريه من قلت الماء, فنسمع في مرأه فايته بالشارع قاللها واحد من الجيران كيف حالكم وهي ماصدقت ردت عليه وروحها راح تطلع: فرقت حالنا كان غير يجي النيتو يقصفنا ويمسحنا من الوجود نفتكو من هالحياه هههه, طبعا كلنا مررنا بهالحاله بصراحه ماننلام لكن كان بخاطري اعرف من هي .
    *ومره في ليله من الليالي وقصف شديد علينا واحنا خايفين وساكتين وطبعا شبابنا في الشارع وكنت اسمع في طفل يبكي كثير طول وهو يبكي وانا اقول ياربييي مسكين شكله ابن جيراننا الصغير نايمين في السور من الحر وخايف من القصف لكن كيف نامو بره في السور, وبعد ساعه ممكن دخل اخويا من الشارع وقام بطرد القطه تصورو كانت قطه تبكي بكاء أطفال من الخوف سبحان الله يعني انا واختي وامي واخواني كلنا حسبناه ابن الجيران وانا للأن ماني مصدقه انها قطه.
    *وآخر موقف يوم قصف النيتو القوي كانو اخواني في الشارع هم والشباب وكان بجنبهم بيت مؤيدين للقذافي ومعلقين العلم الاخضر ومع قوة زلزلة القصف تفتح المرأه في الدور الثاني نافذتها وترمي صورة القذافي وتركض نازله هي وزوجها واولادها وهربو من القصف ,ههههه الظاهر لخبطت تظن الثوار وصلو خلاص.
    أنتظر تعليقاتكم
    ومنكم المزيد
  4. صاحبة الموضوع
    ملكه ان مافيها تعب عيدي الفيديوات اللي بالردين
    740 و735
    ماكانو طالعينلي

تابعي تجارب أخرى من هذا القسم.