عروسه جديده وماعرف اطبخخخخ تكفون ساعدوني

حبيبتي الطبخ فن ولازم ونتي تطبخين تحاولين تتقنين الطبخ سبيلك لمسات فنيه وتركزين وتحاولون تحطين ببالك انك راح تتقنين الطبخه الي انتي بتسوينها وبعدين الحين الانتر نت فك ازمه عند البنات اكتبي اي طبخه وتطلع لك بصور بعد واذا ماعندك نت او ماتوفر فيه كتب طبخ تجنن. عندك كتاب النخبه وكتاب ام ريما وكتاب ام شهد انني بس حطي بالك للطبخ وصدقيني يتطلعين فنانه بطبخ  

رفع

صح كتاب اطباق النخبة يعلمكي كمبتدئة والله ان شاء الله يخليكي فنانة.
البهارات افضل نوع ليكي كمبتدئة تلاقين بهارات اسمها بهارات مهران المشكله خذيها واستخدميها على اي شي مررة حلوة.

ما شاءالله البنات مااقصرو واحب اشجعك واقولك تزوجت واني مااعرف شي والحين يالله لك الحمد بعد سنتين ونص من زواجي حتى بعزايم الرجال اطبخ بالبيت

والبهارات سواء اسناد او مهران تهبل بس نصيحه مني خدي فلفل اسود غير غير مطحون و في كل اكله تحتاج بهارات دقي بالهاوند شوي فلفل اسود وحطيه ورررررررررربي يخلي الاكل يممممممي ..

بعطيك وصفة الرز الايراااني يمممي:
في قدر اسلقي نص دجاجه في موية وحطي داااايم في ماء السلق بهارات صحيحه يعني غير مطحونه يعني حب ياعروسه
وهيه : 3حبات هيل و عود قرفه وسط و حبتين ورق غار و 3حبات قرنفل وبصل مو لازم تقطعيها بس قشريها ونظفيها وحطيها
وبدوووووون ملح ...انتبهي

الكلام كثير لكن التطبيق سهللللل..
خلي الدجاجه لين تستوي مزبوط في القدر العادي خليها 20 دقيقه وفي قدر الضغط 10 او 15 دقيقه..

ع بال ماتستوي النص دجاجه ابشري جزرتين كبار و قطعي بصله كبيره شراااايح رفيعه ( خدي البصله واقطعيها بالطول من النص واقلبيهم ع الجهه المقطوعه وبعدين قصصيهم شرايح رفيعه )
وحطي شوية زيت تقريبا اربع ملاعق بقدر تيفال افضل وحطي البصل ودااايم خلي النار وسط الى هادية يعطي نكهه يممي
وقلبي البصل دقيقه وبعدها حطي الجزر و حطي مكعب واحد ماجي و ملعقة صغيرة حقت الشاي من بهارات الكاري و نص الملعقة الصغيره فلفل اسود توك طاجنته ولوتحبوه حار خلي ملعقة وكمان فلفل حار واحد
و ملعقة صغير زنجبيل طازج ياتدقيه بالهوند او تبشريه
ملعقة طعام او ملعقتين سكر محروق وانا استخدم تبع الكريمه هداك الكيس الاسود احط نصه يممممممي تري ما يطلع حالي بالعكس لديييييد

وحركيهم يدوبو ...وقلبيهم 5دقايق
لمن يسلق الدجاج نتفيه مثل قطع الشوارما وحطي فوق كشنة الجزر وخليهم يتسبكو مزبوط وحطي رشه باصابعك ملح شوووي بس ودوقي لو يحتاجو شي

وفي موية الدجاج صفي البهارات وحطي الرز ويكون مغسول لو تحبي انقعيه عشان يستوي بسرعه
وحطي غطاية ماءكادي و نص ملعقه طعام ملح و بالنسبه للملح حطي شوي ودوقي ولوناقص ارجعي حطي شوي ودوقي ينقص ولايزيد وهكدا

ولمن يقرب يستوي الرز حطي براس الملعقة شوووي لون الطعام صفارالزعفران بالنص
وغطي عليه لين يكمل الاستواء

وعند التقديم حطي الرز اولا ثم فوقه كشنة الجزر فوقه بالتساوي يممممممممي وبالعافيه
ولو كنتي محتاره في اكله معينه راسليني وابشري باللي يرضيك :)

الله يوووووووووووووووفقك :)

حسيت فيك ياعيوني
طيب انا بفيدك بالبهارات لأنها اهم شي هي اللي تضبط الأكل صح
بقولك على طريقة والله لتدعيلي شوفي لي 8 سنوات متزوجة وللأسف
توي القى لي طريقة بهارات تقنعني من شهرين تقريبا وهي طبعا تسوينها في البيت
لكن عليك اول خطوة تنزلين انتي بنفسك العطارة وتشترين كل البهارات اللي بقولك عليها
@"فلفل اسود ٍ
@كمون
@كزبرة ناشفة
هذي الثلاثة تحطين مقدار منها فنجان قهوة ما بكثر عليك لأنها اذا طولت تروح نكهتها
@كركم مطحون ملعقة وسط
@عصفر أسألي عنة راعي العطارة خذي ملعقة وسط
@قرفة عود وسط يعني 3 سم
@حبتين هيل بس تعطيك نكهة جنان
@زعفران خذي مسكة بأصابعك
@فلفل ابيض ملعقة كبيرة منة
طبعا حطيها في الفرامة وافرميها فرم ناعم
وحطيها في علبة بهارات زجاج علشان تحتفظ بريحتها ونكهتها
وعلى كل طبخة استخدميها
والله اني اعبي لأهلي كل شهر تقريبا علبة ومررررررررة عاجبتهم
ويازوجة اخوي انهبلت فيها واخذت طريقتها
فية اضافة اذا بغيتي وتحبون الفلافل جففي فلفل هندي حارواطحني حبة مع البهارات اونص حبة حسب رغبتكم
عاد الفلافل روووووووووووعة على الاكل وتعطية طعم مميز
وبالنسبة للباقي من البهارات حطيها في علب بلاستيك خذيها من محل الكماليات
ووزعيها فيها ورصيها في درج عندك وكلما انتهت البهارات سوي غيرها
وبرضه عندي ملاحظة خذي كل البهارات غير مطحونة حتى تضمنين نظافتها
الا الكركم لأن طحنة صعب