بِ أمانه وش جدولكم , ووش هي الإضافات اللي قررتي تضيفينها له "متجدد"

تفضلي ياختي هذا الجدول للاخت الواثقة مرة يفيدك

http://forum.hawaaworld.com/showthread.php?t=1099294

اذا كنت نشيطه نظفت كل شي مره وحده وانهديت واذا كنت تعبانه غلب شي الشغل المعتاد مالي جدول محدد

ما بصحى بموعد محدد احيانا 9 واحيانا عشره واحيانا بدلع نفسي وبصحى 11 اكتر شي طبعا بس بكون صحيت صليت الفجر وطلع زوجي عالشغل وبنتي عالمدرسه وبرجع انام وحاليا شغل وترتيب سريع ويومي عشان الامتحانات متل ترتيب وكنيس البيت تنظيف الحمامات تنظيف سريع ومره بالاسبوع تنظيف عميق الحمدلله ما يتوسخه لانه اطفالي انا اوديهم وانظف اول باول والمطبخ بنظفه بالليل بس احيانا من البرد ما بجلي يحيح بس المطبخ يومي مع الغاز والترتيب والجلي و شطف المطبخ لما يكون وسخ ما في يوم محدد حسب شو الطبيخ خخخخخ ومسح غبرة كل يومين او مره بالاسبوع كمان حسب الجو ووووو والطبيخ كل يوم تقريبا عل 2 الظهر لانه زوجي ع 5 ييجي واولادي بصبرهم بغدى امبارح او ساندويشات سريعه وهكذا بس اخلص امتحانات بفضى للتعزيل متل اول الغسيل اول الاسبوع واخر الاسبوع الكوي اول الاسبوع وشكرا

لي عودة
تعجبني هالمواضيع

بالنسبه الي

بيتي 4 غرف وصالون وحمامين ومطبخ وعندي ولد واحد

شغلي اليومي من بعد الساعه 9
ترتيب اوضة القعده كنسها .. مسح السيراميك ... التلفزيون ومكتبته
ترتيب اوضة النوم .. السرير .. فرشة ابني و غراضو .. التسريحه
تنظيف الحمامين ( مغسله .. بيديه .. بانيو .. الارض )
تنظيف المطبخ ( مواعين .. الارض .. الفرن .. اسطح العمل .. التجهيز للعشاء لانو ماعندي غداء )


شغلي الاسبوعي هادا الشغل بيبلش من بعد الساعه 12 الظهر او اوقات في الصباح الباكر جدا

يوم السبت (( تنظيف اوضة العقده واوضة الضيوف تنظيف شامل يشمل ))
1- نفض الستائر
2- مسح الشبابيك
3- كنس السجاد ولفه ووضعه على جنب
4- كنس الارض السيراميك ومسحها
5- مسح الاثاث الخشبي واللوحات والمكتبات
6- مسح الباب
7- تنظيف التحف وتبديل المفارش لغسلها

يوم الاحد(( يوم المطبخ))
1- تنظيف الفرن تنظيف عميق من جوى وبرى (( عيون الغاز و الحدايد وصواني الفرن ومسحه من ورى والحيد الي وراه))
2- تنظيف خزانات المطبخ من برى ومن جوى .. من برى اكتر لانها عرضه للزيت والاوساخ
3- تنظيف برادة الماء كويس وجوالين الماء لانو بيكونو واصلين من الشركه جديد لسا
4- غسيل المماسح والمناشف
5- تلييف المجلى كويس وتعقيمه و تنظيف مشبك المواعين
6- تنظيف الاسطح الي بشتغل عليها
7- تنظيف البراد من برى مسحه .. من جوى (( الالكلات الي بايته وماعاد ناكلها والخضار بمكانها والارفف مسحها وهكذا ))
8- تنظيف الارض ومصرف المياه عادي بماء وكلوركس و فيري ودعك بالسيفه مكان الاوساخ العالقه
9- تنظيف البرنده شطف الارض فقط لاني مابستعملها كتير بس حاطه عليها سلة المهملات

يوم الاثنين (( يوم الغسيل وترتيب الخزانات والكوي))
1- غسيل الابيض ونشره ولمه وطوي وترتيبه بالخزانات
2- نفس الشي الملون والاسود
3- بالليل بحط لوح الكوي وبكوي كلشي كوي من الغسيل لو بدي اضل للفجر

يوم الثلاثاء (( يوم الحمامات والصالون ))
1- تنظيف البيديه من جميع الجوانب و فركها بالسائل المبيض (( هاربك))
2- تنظيف البانيو والدوش
3- تنظيف المغسله كامله من فوق لتحت
4- مسح الحيطان بملمع الزجاج ((الطريقه : اضع ملمع الزجاج في سطل ماء و اضع كميه من الماء وممسحة السيراميك بمسح الحيط
5- تنظيف ستارة الحمام للبانيو وجميع اكسسوارات الحمام
6- تنظيف الغساله لاني حاططتها بالحمام
7- شطف وفرك وتعقيم الارض و شحاطة الحمام
8- بمسح طاولة السفره من فوق لتحت مع اكسسواراتها و بمسح ارض الصالون .. كويس مافي اشياء كتير

يوم الاربعاء (( غرفة النوم ))
1- تغيير الشراشف ووجوه المخدات
2- تغيير المفارش تبع الكومدينات ومسح الاكسسوارات
3- مسح الاثاث الخشبي كلو
4- كنس السجاد ولفه
5- كنس ومسح السيراميك
6- الستائر كل 3 اسابيع بنفضها لانو مابتلم غبره
7- مسح الباب وخلص

يوم الخميس (( غرفة المستودع ))

هيك ضبه ع الماشي حسب الاغراض
ومسح الارض السيراميك والباب

يوم الجمعه ((((((((((( راحه ))))))))))

طبعا بفطر الصبح ع الماشي وانا واقفه وبتغدى وانا واقفه

وابني بيصحى ع 12 بغيرلو تيابو وبطعميه وبفردلو الالعاب

وبعد الساعه 4 بتحمم و برتب حالي وزوجي بيجي 5

5 ونص بينام زوجي او بيقعد يرتاح

انا بقوم بطبخ العشاء
الساعه 7 العشاء (( مستحيل يتاخر بعد 7 ))
لو في سلق دجاج بحطو ينسلق قبل مايجي زوجي مشان يكون جاهز

وبعد العشاء بنظف المواعين و بعمل شاي وبنظف مواعين الشاي

وهيك خلص يومي وبعدين بتسلى مع زوجي وابني

و مابطلع من البيت الا ازا الي شغله مابحب الطلعات

كنت كل خميس اروح عند اهلي هلاء انتقلت لجنبهم خلص بطلت اطلع من البيت

وشكرا طولت :35:

ادعولي الله يبعتلي توأم صبيان يارب يارب