
قبل كم يوم صحيت من النوم مع صلاة الظهر الا واسمع صوت بدورة المياة تيش وتاش وغير الصراخ واروح واحصل ولدي جاء من المدرسة ودخل يسبح بس طقيت عليه الباب الا طلع لي راسه وهو :icon33: قلت له خير ايش صاير قالي شوفي ايدي وسخني قورمن ههههه مو عارف اسمه قلت معليه امره هين الا وشوي ويقولي شوفي بعد شعري واطل :o والاقي بقعة كبيره ماسكه بالشعر والفروة بغيت انجن غير الريحة :eek: تصرع .. طبعآ صاده من طالب بالمدرسه معه وهم طالعين اخذ عصا ماادري ايش وحط فيها ورماها على ولدي وجات بشعره وقام فرك اللي بشعره بيده ..
المهم غسلته بالشامبو وانا عارفه اصلا ماراح يروح منه ..
اشوي وادق على :arb: واقوله عن السالفه وكيف اطيره منه قالي ماراح يطير طيب ايش الحل قالي قصي شعره قلت لا مستحيل لانه مايبغي له قص يبغي له حلاقه مرة وحدة وانا ماحب القرعه على ولدي ..
قالي ولدي امي السواق قالي
حط فيه مبيد البخاخ حق الحشرات قلت لا مستحييييل اولا ريحته وعيالي معهم حساسية بالصدر وثانيآ خفت عليه بصراحه يضره ..
قمت ورحت المطبخ وبدت العملية ::
جبت خل ابيض وجربته مافاد
فتحت الصيدلية بأخذ قطنه قلت بجرب فيها الخل وحطيت فيها ومسحت بيده مافي اي نتيجه ابد
الا واشوف السحر قدام عيني وهو زيت اللوز المر للجسم
حطيت منه بشاش ومسحت اللي بأيده ماتتخيلون كيف اختفى عاد انا ماصدقت وعلى طول اصب بشعره وامسح بالشاش وراح كل اللي فيه بفضل الله ... انا ماجربت اي زيت اخر ممكن بعد النوعيات الاخرى تنفع
وتوته توته خلصت الحتوته
كتبت الموضوع لافادة البنات لاني تعبت وانا ابحث بالنت فقلت بنزل تجربتي عشان لو وحده صادفت هذا الموقف تجد الحل بسرعه ...
واللي مايعرفون القار هو اللي يحطونه بالازفلت بالشوارع وتراه سايل يذوبونه بالنار تقريبآ يعني بسرعه تلاقينه جف ومسك بالجسم
وهذي صورته للتوضيح

يحطونه فوق هذا

اتمنى افدتكم
ولاتنسوني من دعواتكم
