شاركي في النقاش

سجلي الدخول لإضافة تعليق.

التعليقات

1,793
  1. @dmoooooaa_grhy

    اهلين بنات
    انا تعديت التاسع :(
    ومافيه بوادر ولاده ولا شئ
    تعبت قسم بالله
    ماانام زين ولا امشي زين احس اني كبر الباب :(
    الدكتورة بتعطيني ابره طلق صناعي
    وبنتي مريضه بالتهاب في فمها لا ويعدي وانا اخاف تعدي البيبي اذا جا
    تخيلو حالتي مررره صعبه
    بنتي محجوره في غرفه ولا تطلع الا قليل ونفسيتها دمااار والالتهاب قريت عنه الظاهر اسمه قلاع بالعربي ماادري اذا عندكم فكره عنه
    هو عباره عن حبوب وتنفخات داخل الفم
    وماتاكل شئ ابددد تخيلو الحين لها 4 ايام ماتشرب الا مويه وكاس صغير حليب بس هذا باليوم الواحد تخيلو :(
    نحفت نحف هلكت
    وانا انام وانا اصيح واقوم اصيح والام تجيني ببطني من الصياح
    تعبت والله
    كرهت الغربه وكرهت الدنيا كلها
    بنتي احسها بتموت من هالالتهاب لا اكل ولا شئ وصارت تجيها دوخه ومو راضيه نروح للمستشفى تاخذ مغذي
    تعبت معها كثير وصرت اقفل على نفسي بالغرفه واصيح لين انام
    صرت مااكل زين
    اتحسر بالاكل مابي اكل وهي ماتاكل ادري ان فيه روح جواتي
    بس والله اكل لقمه واتنكد
    وهي تزيدني انا مااكل انا مشتهيه الاكل الفلاني بس مااقدر اكل
    انا صغيره ليش امرض وليش وليش
    المدرسه ماتروح لأنه يعدي
    طلعت للحديقه اغير لها جو بس جالسه ونفسيتها دمار
    تقول ابي العب مع هذول الصغار بس اكيد مايبون يلعبون معي عشان افمي يخوف وشفايفي حبوب سودا
    والله رجعت للبيت امشي وهي وراي عشان ماتعديني وانا امشي ودموع حسيت بدوخه والله وحسيت الدنيا تدور
    اذا جا وقت النوم اقول انا وش جابني هنا
    حالتي مره صعبه

    الدكتوره قالت لي نصبر اسبوع عشان بنتك مريضه وعشان ماتعدي البيبي

    احس حالتي النفسيه مررررره تحت
    ولو ولدت شكله بيجيني اكتئاب ماقد جا لأحد ابد

    اصلي وادعي لبنتي انها تخف حالتها تعبتني
    اذا شفتها ووجها ذابل ارحمها واحس انا السبب وش جابني هنا

    زوجي نفس الشئ نفسيته تعبت يشوف البنت مريضه ويشوف نفسيتي وكل شوي دموعي تنزل وحالتي حاله

    اللي في بطني قسم بالله تأذى من بدايه حملي وانا بمشاكل ويوم سافرت وتغربت ارتحت من هالمشاكل وصارت تجيني مشاكل ثانيه

    شكله مكتوب لي الشقى بحياتي :(

    كل مااصلي افكر هذا اختبار من الله ولازم اتحمل واستغفر
    بس احس خلاص ماعاد اقدر اتحمل
    اللي يصير لي كثير والله
    مو قادره اتحمل
    وجهي صارت تطلع فيه حبوب وشعري شاب نصه

    ماادري لمين اشكي
    لأهلي مابيدهم شئ
    لأمي مسكينه ضغط وسكر واكلمها غصب يبين من صوتي بس امسك نفسي عشان ماتتعب وهي مابيدها شئ
    ولمن اقفل المكالمه انهار وانا اصيح

    فضفضت عليكم وفقعت روسكم :(

    والحين ماادري وش اسوي مع الملحقيه
    انا بولد ولا اقدر ادرس هالمستوى
    ولا ادري ابلغهم او لا
    انا بلغت المعهد وعطيتهم العذر عشان يرفعونه للامقريشن انه بجلس وقت بدون دراسه
    بس ماادري عن الملحقيه اخاف ابلغهم ويفهمون غلط عاد ياكثر اغلاطهم لا تأمين جا الا بطلعه الروح ولا مكافأه مرافق جت الا بطلعه الروح
    اخاف يقطعون المكافأه ونتوهق عاد يجينا مشاكل ثانيه بعد

    اللي مر عليها هالشئ تقولي

    ودعواتكم بنتي تخف
    واولد بصحه ويكون البيبي سليم
    وتتسهل ولادتي
    بولد لحالي زوجي ماينفع يدخل معي وبنتي من يجلس معها
    :(

    يااااارب سهل امري واحفظني واحفظ اهلي وزوجي وعيالي وجنيني يارب
  2. @frashh_saaodyh

    دموووع جرحي ,,,, ياحياتي والله حسيت فيك وبمعاناتك
    ياعمري وسعي صدرك عشان بنتك انا عارفه انه انك مو قادره بس هذه طفله حراام ما تتحمل والله تتعب نفسيها وتتعقد المسكينه وبالنسبه لتعبها اكيد رحتي المستوصف وبعد انصحك تدوري بالنت عن اشياء طبيعيه مره او اي شي والله ياعمري ما عندي خبره بس دوري اشياء تساعد عل علاجها السريع وحاولي توسعي صدرها وتفهميها انه اللي فيها شي عاااااااااااادي ومو شين ,,وانتي ياعمري تحملي ,,انا مثلك لي بالعاشر اسبوعين واختي زواجها بعد اسبوعين ومو قادره احضره وبنتي مشتااااقه لها وميته على شوفتها وهي عند اهلي والله بس اصيح ومع ذلك امي تكلمني وانا اضحك واقولها عادي الوضع مو ضروري وجودي لاني اعرفها يضيق صدرها وش نسوي مضطرين نتحمل عشان ما يحس اللي حووووولنا بالالم والضيق,,وانتي ياعمري وسعي صدرك وادعي ربك الله شفيلك بنتك ويسهل ولادتك ويعافيكم من كل شر
    ويفرج عليك يارب ’’’’’’’امين
  3. @am_lyan_40

    السلام عليكم
    اخبار الجميع
    ام هادي يابعد قلبي تسأل عنك العافيه الحمد لله انا بخير انتي شلونك وكيف امورك
    مقيمه بقلب حبيبي وام يارا ربي يهون عليكم مرحله وتعدي
    فراشه لاتشيلين هم فوق هم ولادتك زواج اختك مو مهم تحضرينه ربي يوفقها انتي معذوره في غربه وحامل ومايمديك لو ولدتي تخلصين اوراقه ربي يهون عليك ويسهلك ولادتك
    دموع جرحي ليش ياختي تعوذي من بليس واذكري الله هذا ابتلاء من رب العالمين احتسبي الأجر لازم تصبرين وتتحملين لاتتعبين نفسيتك لان مهم بهالمرحله تكونين مرتاحه وراك ولاده وتعب وبنتك ربي يشافيها لازم ماتبينين لها انك حزنانه عليها علشان لاتتعب وتتأثر نفسيتها لانها طفله حرام والبيبي الي بيجي ربي يحفضه لك ولا تشوفين فيه مكروه ربي يهون عليك ويرفعك عنك الحزن والبلاء
  4. @althok_4

    والله يادموعي كنت بطلع لكن من القهر قلت برد واطلع الكلمتين الي في خاطري اول شي الله يكون في عونج ويصبرج على مابتلاج ثاني شي دموعج الي تصبحين وتنامين فيها شو بتغير من الحال ؟؟؟!!!؟؟؟ شي غير تاذين الي في بطنج الله يردقج الذريه السليمه بس ترا النفسيه هي الي تحدد صحة الجنين وايد ناس ابتلو بعيال معاقين وغيره وغيره واغلبهم كلنت نفسيتهم زفت وقت الحمل انا مافاول عليج بسم الله عليج بس عشان تاخذين حذرج والي في بنتج ابتلاء من الله عشان يشوف صبرج باجر يوم بيسالج بتقولين كنت اصيح ومااكل وووو لاوانا اختج بنتج تتاثر فيج اذا حسستيها الي فيها شي جايد طبيعي بتحزن واذا حسستيها الي فيها مثل الزجمه بتخفين عليها وبالعكس بتصبر وبعدين شو بنتي مب طايعه تروح المستشفى يعني متى ناويه تودينها يوم بطيح مغمى عليها تليها انتي وابوها خليهم يحطولها مغذي عصب طيب ليش صابره عليها بتخف الاملاح في جسمها وعقب تقعد تتنافظ حليلها ياختي كلنا نمر بظروف الله يعلمها لكن نحاول ونجاهد ان نحسن منها مش نستسلم !!! ولا تحاتين من اللحين اكتئاب وغيره بعد الولاده يعني الا اييبه غصب لي لا ياختي بالعكس تفاءلي ترا نفسيتج تنكس ع بنتج وريلج وحتى البيبي اسفه طولت عليج واسال الله ان يشفي بنتج شفاء لا يغادر سقما. وصلى الله على سيدنا محمد


    والسموحه جان قسيت عليج شوي بغيت مصلحتج والله
  5. @taabt_mn_alghrbh

    فرراشة سعودية
    الله يهديك حبيبتي توكلي على الله وماتدرين وين الخير فية اللي كاتبة ربك كلة خير بأذن الله سوأ حضرتي زواج أختك أو لا أطلبي الله يكون فيها خير

    دموووع جرحي
    يختي والله مدري وش أقولك كلام الأخت الذوق عين العقل
    والله حرام حبيبتي اللي تسوينة بنفسك وببنتك وجنينك ليش كل ذا عشان عديتي التاسع ولسى ماولدتي أنا خلصت 41 أسبوع ومن ونا في الثامن والدكتورة تقولي عملية وتضايقت بس ما سويت بنفسي كذا كنت أصلي أستخارة وأقول لو في العملية خير يكتبها لي ربي وفعلآ ولدت عملية وتخيلي لحااالي وبكرية وزوجي يادوب يعرف يسوي شي بسيط صحيح صديقاتي ماقصروا معاي بس عندي بيبي ولازم أقوم وأهتم فية بالليل والنهار وأنا غصب أقوم لكن الحمدلله عدت على خير
    وبعدين بنتك ليش تحسسينها ان اللي فيها شي مخيف ومالة علاج المفروض تشجعينها وتدعمين نفسيتها مو تطالعينها وتبكين وتحسسينها أنها منبوذة وأن شاءالله اللي فيها بيروح مع الوقت والعلاج
    وبالنسبة للأكتئاب حبيبتي شيلية من بالك صدقيني دامك تفكرين فية من الحين وتتوقعينة راح تعيشين نفسك فية غصب
    توكلي على الله وبأذن الله مافيك الآ الخير
    الله يشفي بنتك يارب ويقومك بالسلامة ويرزقك بالطفل السليم المعافا يارب
    وآسفة حبيبتي لو ضايقتك بكلامي بس حالتك ضيقت صدري وحسيتك أنتي مستسلمة لظروف عادية ممكن تمر فيها أي وحدة
    طمنينا عليك ياقلبي

تابعي تجارب أخرى من هذا القسم.