اهلين بنات
انا تعديت التاسع :(
ومافيه بوادر ولاده ولا شئ
تعبت قسم بالله
ماانام زين ولا امشي زين احس اني كبر الباب :(
الدكتورة بتعطيني ابره طلق صناعي
وبنتي مريضه بالتهاب في فمها لا ويعدي وانا اخاف تعدي البيبي اذا جا
تخيلو حالتي مررره صعبه
بنتي محجوره في غرفه ولا تطلع الا قليل ونفسيتها دمااار والالتهاب قريت عنه الظاهر اسمه قلاع بالعربي ماادري اذا عندكم فكره عنه
هو عباره عن حبوب وتنفخات داخل الفم
وماتاكل شئ ابددد تخيلو الحين لها 4 ايام ماتشرب الا مويه وكاس صغير حليب بس هذا باليوم الواحد تخيلو :(
نحفت نحف هلكت
وانا انام وانا اصيح واقوم اصيح والام تجيني ببطني من الصياح
تعبت والله
كرهت الغربه وكرهت الدنيا كلها
بنتي احسها بتموت من هالالتهاب لا اكل ولا شئ وصارت تجيها دوخه ومو راضيه نروح للمستشفى تاخذ مغذي
تعبت معها كثير وصرت اقفل على نفسي بالغرفه واصيح لين انام
صرت مااكل زين
اتحسر بالاكل مابي اكل وهي ماتاكل ادري ان فيه روح جواتي
بس والله اكل لقمه واتنكد
وهي تزيدني انا مااكل انا مشتهيه الاكل الفلاني بس مااقدر اكل
انا صغيره ليش امرض وليش وليش
المدرسه ماتروح لأنه يعدي
طلعت للحديقه اغير لها جو بس جالسه ونفسيتها دمار
تقول ابي العب مع هذول الصغار بس اكيد مايبون يلعبون معي عشان افمي يخوف وشفايفي حبوب سودا
والله رجعت للبيت امشي وهي وراي عشان ماتعديني وانا امشي ودموع حسيت بدوخه والله وحسيت الدنيا تدور
اذا جا وقت النوم اقول انا وش جابني هنا
حالتي مره صعبه
الدكتوره قالت لي نصبر اسبوع عشان بنتك مريضه وعشان ماتعدي البيبي
احس حالتي النفسيه مررررره تحت
ولو ولدت شكله بيجيني اكتئاب ماقد جا لأحد ابد
اصلي وادعي لبنتي انها تخف حالتها تعبتني
اذا شفتها ووجها ذابل ارحمها واحس انا السبب وش جابني هنا
زوجي نفس الشئ نفسيته تعبت يشوف البنت مريضه ويشوف نفسيتي وكل شوي دموعي تنزل وحالتي حاله
اللي في بطني قسم بالله تأذى من بدايه حملي وانا بمشاكل ويوم سافرت وتغربت ارتحت من هالمشاكل وصارت تجيني مشاكل ثانيه
شكله مكتوب لي الشقى بحياتي :(
كل مااصلي افكر هذا اختبار من الله ولازم اتحمل واستغفر
بس احس خلاص ماعاد اقدر اتحمل
اللي يصير لي كثير والله
مو قادره اتحمل
وجهي صارت تطلع فيه حبوب وشعري شاب نصه
ماادري لمين اشكي
لأهلي مابيدهم شئ
لأمي مسكينه ضغط وسكر واكلمها غصب يبين من صوتي بس امسك نفسي عشان ماتتعب وهي مابيدها شئ
ولمن اقفل المكالمه انهار وانا اصيح
فضفضت عليكم وفقعت روسكم :(
والحين ماادري وش اسوي مع الملحقيه
انا بولد ولا اقدر ادرس هالمستوى
ولا ادري ابلغهم او لا
انا بلغت المعهد وعطيتهم العذر عشان يرفعونه للامقريشن انه بجلس وقت بدون دراسه
بس ماادري عن الملحقيه اخاف ابلغهم ويفهمون غلط عاد ياكثر اغلاطهم لا تأمين جا الا بطلعه الروح ولا مكافأه مرافق جت الا بطلعه الروح
اخاف يقطعون المكافأه ونتوهق عاد يجينا مشاكل ثانيه بعد
اللي مر عليها هالشئ تقولي
ودعواتكم بنتي تخف
واولد بصحه ويكون البيبي سليم
وتتسهل ولادتي
بولد لحالي زوجي ماينفع يدخل معي وبنتي من يجلس معها
:(
يااااارب سهل امري واحفظني واحفظ اهلي وزوجي وعيالي وجنيني يارب
★◕‿◕ حوامل ونفــاس الغربــه 6 حيااااااكم◕‿◕★
متابعة النقاش، صفحة 293