ايش رايكم بالناس الي كذا

السلام عليكم

كيفكم
وش علومكم

بدخل بالموضوع على طول

ايش رايكم
بالي يخيبي انها حامل مره تقهرني هالحركه
يعني حتى القطط تحمل وتخلف
ماله داعي الوحده تخبي

صار معي موقف
تزوجنا انا ووحده من صحباتي بنفس الشهر طبعا انا زوجي يستخدم عازل لاني لسى ادرس ومتفقين طبعا
وصاحبتي هذي تعرف معظم صحباتي اصلا يعرفون لانهم سالوني وقلت لهم
المهم تزوجنا في شهر 8 وسالتها في شهر 9قلت انتي حامل قالت لا
وسالتها في شهر 11 قلت انتي حامل قالت لا
المهم في شهر 12 سالتها وقالت ايه
قلت باي شهر قالت بالخامس انا تفاجأت مره
وزعلت منها قالوت والله كنت مضطره اخبي لاني كنت بجهض
قلت طيب عادي واذا اجهضتي والناس كانت تعرف ايش المشكله
وبعدين انا مااعرفها هي من قبيله وانا من قبيله يعني انا لمين بقول
المهم واجي بشتكي لصديقة عمري << لاحظا احنا اصحاب من اول ابتدائي حتى اخر سنه بالجامعه حتى داخلين نفس التخصص
قالت لي صديقتي ماعليك منها شوي وتقولي تصدقين طلعت حامل وانا مادري
قلت باي شهر قالت بالثالث
اوف يالهاكذبه بالثالث وماتدري
قالت لاني كنت ارضع وخواتي قالولي مع الرضاعه ماتجي الدوره
سكت عن الموضوع مع انه مادخل مزاجي حتى لو ماجت شهر مستحيل اني مااروح احلل الشهر الثاني
يصير فيني فضول

والموقف الثاني مرة اخوي جتنا قبل سنتين بشهر 6 وقالت لها امي الله يرحمها انتي حامل قالت لا
سكتت امي ولمن راحت
قالت امي شكلها حامل معها كرشه بس ماتبي تقول
وبعدين عرفنا في شهر 9 انها حامل

وفي شهر 10 توفت امي الله يرحمها وبعدها باسبوعين ولدت
يعني يوم امي سالتها كانت حامل ويمكن بالرابع بعد

وجع ليش تسوي كذا

وربي مره قهروني وقلت اذا حملت ان شاءالله صحباتي الثنتين بسوي نفس الشي
ايه صح ونسيت اقولكم
صديقة عمري انخطبت وملكت وبعد الملكه بيومين عرفت
شوفتوا كيف الصحبه ؟؟؟؟؟؟
وانا مااخبي عنها شي كل شي اقوله لها
بس خلاص ماعاد اني قايله لها شي

تصدقون حتى اختي خبت علي انها حامل
وبعدين اختي الكبيره خبرتتني لمن صارت اختي حامل بالثالث
وقالت انه توها عرفت وانه ماتبي احد يعرف عشان العين

انا طبعا مااتصلت على اختي ولا باركت لها وبعد فتره اتصلت علي تقولي
قلت بدري تو الناس

وسالتها في اي شهر رفضت تقولي
قلت بكيفك ياحبيبتي
صح العين حق لكن انا مو متلهفة على الاطفال
حتى اعطيك عين
طبعا اختي هذي مو قريبه مني

ايه صح حتى اخت زوجي حملت واتصلت على سلفاتي كلهم تخبرهم الا انا
حتى زوجي ماقالي
وانا عرفت من وحده من سلفاتي
وانقهرت مره مادري ليه يسووا كذا
يعلم الله اني اتمنى الخير للكل وماعمري حسدت احد ولا انقل كلام ومن حالي في حالي
وربي اني بس اكلم خواتي وزوجة ابوي ومااكلم احد عشان المشاكل ونقل الكلام

حتى حريم اخواني مااكلمهم وهم يحبوني لاني بعيده يعني مااكلمهم بكثيره وطيبه معهم واحن عليهم
ويشهد ربي علي حتى بناات اخوي اخاصمهم اذا ماساعدوا امهم
يعني احتسبها مثل اختي

بس مادري ليه الناس كذا تخاف من العين
هو صح من خاف سلم بس مو لهالدرجه كل شي مكتوب
مهما حرصت المكتوب بيصير

يالله الله يعينهم على مابتلاهم


البنات الي قالوا ليه تسالينها لقافه
اول شي انا ماسألتها الا بعد ماسالتي هي
بحكم انه انا وياها تزوجنا بنفس الشهر
وهي سالتني وانا رديت لها السؤال
الا انا مو من عادتي اتدخل بخصوصيات احد
ابدن