ابغى انحف 25 كيلو ...ممكن نصايحكم يا احلى اخوات

ام لليانا انتي سوياي الابر اصينيه لسد الشهيه وهل تنصحيني فيها

انا نفسك اتوقع لو تلغي النشويات تماما من اكلاتك راح تنزلي الخمس وعشرين كيلو في اربع شهور المشكله مين يقدر ياكل بدون خبز او رز ؟؟؟؟؟؟؟؟؟؟؟؟

اذا تبغين نصيحتي خففي من اكلك فقط واستبدلي كل شي تاكليه كامل الدسم بقليل او منزوع الدسم ووجبه العشاء كليها على الساعه سبعه يعني بعد ثمانيه ماتاكلي شي ابدا + المشي والرياضه اهم شي قومي تحركي اعملي اي شي اما اذا حابه تعملي رجيم قاسي + تشربي خلطات وخرابيط ابشرك من الحين انو 25 كيلو بيصيرو 55 ووقتها وش ينقصهم

نصيحتي لج خففي وكثري من شرب الشاي الاخضر إحنا اللي اوزانه كبيره صعب اهو مب صعب بس إحنا ماعندنا اراده فالتخفيف مابيخليج تحرمين نفسج ولابتحسين بالجوع أبدا أنا الحين بديت بالتخفيف من اربع ايام والصراحه ماصدقت نزلت كيلو وأربعمئة جرام والله أني ماحارمه نفسي بس الصبح اشرب نسكافيه لان مالي خاطر بالاكل واذا طابخين مثلاً بلاليط وبيض اكل اربع ملاعق وكوب حليب وأقوم على طول والغدا نفس الشي وأحاول عالغدا اكل مشاوي وخضره مطبوخه وسلطه واذا مسوين مرقه لحم او دياي اكثر منها واحط ملعقتين عيش والعصر اكل قطعة شوكلاطه وطبعاً بعد كل وجبة اشرب شاي اخضر خليه مشروبك الدائم وعلى فكره والله مابتحسين بجوع بس اول يوم واذا حسيتي بجوع بين الوجبات قاومي بشرب الماي او عصاير فرش انتي تسوينها من دون سكر وأحسنها البرتقال وكثري من شرب الماي قبل الوجبات بساعه وان شاالله بتنزلين بسهوله وبدون تجويع وحاولي تمشين ساعه والشي المهم اللي بيخليج تنزلين بسرعه مافي عشا فقط زبادي واذا متي من الجوع لقمتين من الموجود ورآهم شاي اخضر صدقيني يوم بتشوفين وزنج نزل كيلو فاليوم او نص كيلو صدقيني بتتحمسين فجربي هالاسبوع وبتشوفين