ماهي الاشياء اللي تضايقك من الضيوف

اكثر شي المبزره
اللي تفتش بالغرف والله وحده الله يهديها حتى دولاب الملابس تفتحه خير وش تحسين به؟؟؟؟
اللي تدخل بجزمتها معليش هذا قلة احترام لاصحاب البيت يعني لو ببيتها ماترضى
ضيوف الغفله اه منهم
كل هذا كوم واللي تواعدك بتجيك بكره ويلا تقومين تدابكين ببيتك ومطبخك وحوسه ويجي بكره وتنتظرين وتقولك لا خلاص هونت والله طيب في ادب اذا انتي ناويه تهونين ليش مادقيتي واعتذرتي والله صايره معي اكثر من مره بس وش تسوين طولتها صح؟؟

انا مره عزمت الجيران وجيت اصب القهوه ال تجي ذيك الحرمه كبيرت السن وتذب الفنجال وقولها ليش الله يهديك تقول معجبنى الفنجال انا اشرب في فنجال شفاف ومره تقول قومى جيبى الدخون طيب لو ماعندى عود وش وجهى عند الناس الى ملى المجلس ماقول الا الله يطول في عمره

انا الحمد لله قلبي وسيع احب الضيوف وعيالهم واكرمهم احسن كرم واحب كل من يدخل بيتي يخرج وهو راضي وما ادقق على شي مع اني مثلكم ماعندي شغاله ولا يخرجون الا والبيت حوسه بس مي ذي مشكلتي
مشكلتي لما اتكلف واتعب واسوي لهم احسن قهوه وضيافه وعشى وياكلون وينبسطون ويخرجون من عندي ويصيبني منهم عين او حسد وانا احب الخير لهم وادعي ان الله يتم عليهم نعمه