مررره انكسر خاطري وانحرجت

السلام عليكم 
حصل لي موقف من صديقه واخت مقربه لي والا الحين مانسيته 
وكل مااتذكر الموقف انحرج وينكسر خاطري
السالفه ممكن تكون بايخه وسخيفه بس كل ماتجي في بالي ينكسر خاطري لاني احب هاالبنت وأقدرها وماتوقعت هاالموقف يصدر منها
السالفه نادتني صديقتي وجيتها وانا مبسوطه زرتها في بيتها اول مره لانها عروسه توها متزوجه المهم ضيفتني وسولفنا ونبسطنا
بعد ماخلصنا متقهوين ورتني بيتها كان روعه نظيف وكشخه
المهم شالت قهوتها بتجيب الشاهي قلت اغراض القهوه بغسلهم قالت لا أنا اغسلهم بعدين قلتلها عروس لازم ندلعك وغسلتهم لها وجابت الشاهي وخلصنا من الشاهي واصريت أني اغسلهم وغسلتها كله ابي اريحها ولا اكون ثقيله عليها المهم دخلت المطبخ بتجيب العشا رحت معها بجيب بساعدها التفت علي وطالعتني بنظرات حاده وقالت لو سمحتي ياليت ترتاحين برى وانا اجيب كل شي ممكن تطلعين برى المطبخ 
وكانت زعلانه وشكلها متضايقه مررره مني لاني نشبتلها بتغسيل اغراض القهوه والشاي وزياده لاني كنت بساعدها بالعشاء وشكلها من النوع اللي ماتحب احد يتلقف في بيتها
من يومها وانا محرجه جداً من تصرفي قصدي ابي أساعد بس طلع العكس هاالشيء يضايقها 
اتذكر بعد ماقلتلي كذا جلست بالمجلس وفيني الصيحه خلاص دمعتي بتطلع بس مسكت نفسي 
هاالموقف حصل من اسبوع بس اليومكم مو قادره انساه

89 تعليق 12,842 مشاهدة

شاركي في النقاش

سجلي الدخول لإضافة تعليق.

التعليقات

86
  1. @ghngghng

    مالومك صراحه دامكم صديقات مابينكم هالامور بس هي تصرفها ماله داعي وعاددي تساعديها تحمد ربها بس لوني منك اقولها عن الموقف هذا بس بطريقه عتاب والعتب ع قدر المحبه وبس 
  2. @knda_aotaoa

    والله ماالومك لان سبحان الله بعض الناس ماتحب احد يساعدها تتوتر...
    مو مثل اول كأننا عايله وحده نشيل ونرتب وسواليف لان النفوس قريبه من بعض اما اللحين للاسف للمصلحه ...فنادتك علشان تشوفينها عروس وبيتها وضيافتها ومفااااااااخره بس بعدين والله لتسحب عليك وتقولي صدقت كندا اوتاوا....لاني جربت النوعيه هاذي ....
  3. ياختي اسمحيلي أنا وانا اقرأ ارتفع ضغطي وشلون هي
    خلاص ماله داعي ساعدتيها بالغسل خلاص سويتي خير
    روحي وأجلسي ماله داعي كل شوي وانتي ناطه مع الحرمه
    انتي ضيييييييييفه ولو كنتي صديقتها انتي رايحه تسولفين وتوسعين صدرك
    ليش اللقافه عني أنا ماأحب احد يساعدني خلاص شغلي وانتي ضيفه عندي ليش الزحمه بالمطبخ!!؟
    وبعدين يمكن زوجها كان موجود وخايفه لايشوفك والا شي اشغلتيها بصراحه عيب 
  4. @aashky_alngom

    ياقلبي

    بجد تصرف قووي
    بس ولايهمك دام انتي راضيه عن نفسك وربي عارف نيتك

    هونيهاا


    وهي الله يهديهاا ترى الناس تختلف اطباعهم

    موووفقه
  5. @blnsya

    صاحبة الموضوع
    <<جــــــــــوري>>
    ياختي اسمحيلي أنا وانا اقرأ ارتفع ضغطي وشلون هي خلاص ماله داعي ساعدتيها بالغسل خلاص سويتي خير روحي وأجلسي ماله داعي كل شوي وانتي ناطه مع الحرمه انتي ضيييييييييفه ولو كنتي صديقتها انتي رايحه تسولفين وتوسعين صدرك ليش اللقافه عني أنا ماأحب اح…
    أنا حسيت أني نشبه واحساس النشبه يقهر ويرفع الضغط عاد مابالك هي وانا عارفه أني غلطانه ومن بعد هاالموقف استفدت وتعلمت انه مو كل الناس تبي اللي يساعد بعضهم يتضايقون
    بس ترى زوجها مو موجود

تابعي تجارب أخرى من هذا القسم.