////كل ماتقسى في عيني تحلى $$ قصة مشوقه بقلمي //////

صاحبة الموضوع 17 يناير 2012

اسفه على التاخير بس خلصت الحين ونزلته على طول العذر والسموحه

الحين بحط لكم البارت الاخيربس قبل ابدء معليه اعذروني
امس حطيت البارت وطلعت رجعت لقيت ردود كثيره ماقدرت ارد عليها كلها بس والله كثيراعجبتني الله يسعدكم زي ماسعدتوني بردودكم ومتابعتكم وتشجيعكم لي وكلماتكم الحلوه الله لايحرمني منكم وزي ماقالت سارا لوليد الله يعطيكم لحد مايرضيكم حبيباتي ماطول عليكم تفضلوا يارب يعجبك واكون عند حسن ظنكم

الجزء العشرين والاخير
******************
*********************
وليد : نزل عندها وصار يقول منال
منال وانفجع يوم شاف الدم
ما يدري من وين طلع الدم وعلى طول
كلم الاسعاف وجوا اخذوها
*********************
وليد : هلا يمه ترى منال طاحت من الخيل
وتعورت شوي وناديت الاسعاف
يا خذونها للمستشفى وبروح معهم
******************
أم وليد : بسم الله عليها اسعاف عسى
ماتعورت كثير
******************
وليد : والله مدري يمه ادعو لها إن
إن شاء الله خير
يا الله يمه بروح معهم واردعليك اذا
تطمنت عليها
*****************
أم منال : وش فيه من الي جابو له الاسعاف
****************
أم وليد : منال طاحت من الحصان وتعورت شوي
وجاب لها الاسعاف بس إن شاء الله خير
********************
أم منال : يمه بنتي يالله اكيد تعورت جامد ولا
مكان جاب لها الاسعاف بروح اشوفها
*******************
والعنود وريم ومها كلهم خافوا عليها
*****************
العنود : يا الله يابعد عمري يااختي خلينا يمه
نروح معها اقول لخالد زوجي يودينا
*******************
أم وليد : لا احنا كثير وسيارتكم صغيره
نخلي السواق يودينا الله يطمن قلبنا عليها
****************
ريم : بشويش كله منك عطيتيها عين
يابختك بتركبين خيل انا لواقول لزوجي
مايرضى عجبك كذا طاحت الحرمه
من عينك
******************
مها : اششش لحد يسمعك يصدق والله منال
انا احبها وموقصدي احسدها الله
يحفظها
******************
في المستشفى دخلوا منال الغرفه وليد
برى رايح جاي بيموت عليها من الخوف
بعد ماطلع الدكتور ساله وليد
**************
وليد : قولي يادكتور وش فيها
*****************
الدكتور : الحمدالله جت سليمه شكلها طاحت
على حاجه حاده جرحتها بس كم يوم
تقعد عندنا نطمن عليها وتطلع بالسلامه
******************
وليد : الحمد الله طيب اقدر اشوفها الحين
****************
الدكتور : ايو تقدرتشوفها عادي كلها
جرح بسيط
**************
وليد دخل عليها الغرفه كانت على السرير
وسلم عليها وضمها سلامتك ياقلبي
خوفتيني عليك بغيت اموت من الخوف
**************
منال : بسم الله عليك ياحبيبي
احس راسي مصدع وبدوخه
******************
وليد : الحمد الله الدكتور طمني عليك
بس الدوخه من كثر الدم الي نزفتيه
ومسويه فيها بطله في الخيل طلع
بس كلام ماعندك ماعند جدتي خخخ
****************
منال : أي راسي والله إني اول مره
حد يفوز علي بس معليش مره ثانيه
تشوف مهارتي
***************
منال : لاوالله ولا ثانيه ولا ثالثه مو
كل مره تسلم الجرة
*******************
وطلعت منال بالسلامه بعد كم يوم
وسوا لها عزيمه لانها طلعت بالسلامه
العنود : ابشركم طلعت حامل
******************
الجميع فرح لها الف مبروك
أم منال : بس انتبهي يابنتي لنفسك
انتي بكريه لازم ماتتعبين نفسك
ولاتشيلين شيء ثقيل
***************
العنود : والله خالد كل يوم يوصيني
لاتشيلين ولاتحطين
****************
ابوا سارا كان كل يوم يروح يسوي
علاج طبيعي ورغم انه كان يتعب
لكنه ماكان ييئس وبعد ثلاث شهور
متواصله صار يمشي زي من اول
******************
ابوا سارا : الحمد الله إني صرت امشي
لكني ببدء ادور شغل من بكره عشان
اخفف عنك مصاريف البيت واخوانك
**************
سارا : الحمدالله انك قمت لنا بالسلامه
بس مايحتاج يبه انا اشتغل ووليد
ماهو مقصر والله بشيء لاتتعب نفسك
******************
الاب : لا يابنتي وليد ماهو ملزوم فينا
انا وخوانك وانتي الحمل ثقيل عليك
انا مدام إني بصحتي والحمد الله
لازم اساعدك بس إن شاء الله الاقي
****************
سارا : خلاص على راحتك يبه بقول
لوليد يدور لك شقل يناسبك
يبه ودي لوماعليك امر توديني
المستشفى ما ودي اقول لوليد
اخاف يدخل معي عند الدكتوره
انا ابي اتطمن وش فيني لحد الحين
ماحملت احس إني خايفه الله يستر
وليد وده بعيال وام وليد كل مره تسالني
ماصار حمل
******************
الاب : لاتخافين توك ماكملتي سنه من تزوجتي
*****************
سارا : معليه يبه الله يخليك ودي اتطمن
****************
الاب : بسيطه ولايهمك بس لازم تستاذنين
منه قبل تروحين
*****************
سارا : أكيد مراح اروح الامستاذنه منه
انا ماودي يروح معاي
****************
عند الدكتوره
سارا : بشريني يادكتوره وش نتيجة التحليل
***************
الدكتوره : الحمدالله النتايج كلها سليمه لكن
لسه ربي ماكتب لك على العموم انتي
ماكملتي سنه يعني عادي
********************
سارا : طيب يادكتوره مايصلح تكتبين
منشطات
*****************
الدكتوره : بس انتي مو محتاجه منشطات
لواكتب لك احتمال تجبين توم او ثلاثه
اواربعه لانك مومحتاجه
******************
سارا : الله يعافيك يادكتوره مو مشكله
ودي احمل بسرعه
****************
الدكتوره : طيب انا بكتب لك بس انا
قلت لك مومحتاجه وانتي على راحتك
***************
بعد شهرين من وقت ما أخذت سارا
المنشطات
سارا : عبودي تعال خلني البسك
لاتتعبني ياماما تراني تعبانه
*******************
الاب : وشفيك ياسارا هاليومين وجهك
اصفر مو عوايدك
***************
سارا : مدري وش فيني احس إني
مره تعبانه حتى ماقدرت اروح الشغل
اليوم استاذنت منهم ماقدرت اروح
*************
ابوا سارا : لازم تروحين المستشفى
تشوفين وشفيك
*************
يوم الخميس جاء وليد عند سارا

سارا : عندي لك بشارا بتفرح فيها كثير
****************
وليد : قولي وانا بعد عندي لك بشارصغيره
*****************
سارا : والله انت تقول اول وش عندك
*******************
وليد :واحد من اخوياي عنده استراحة
يبي ياجرها وهو مشغول موفاضي
يبي واحد يمسكها وبس شغلته
يأجرها على الناس ويأخذ الاجار منهم
وبيعطيه راتب معقول صحيح موكبير بس
اهم شيء انه راتب وقلت هذه الوظيفه
مره تناسب عمي وشرايك
******************
سارا : والله ابوي بيفرح كثير مسكين طفش
من جلست البيت الله يعطيك العافيه
خلني الحين اقولك البشارا الي
عندي
********************
وليد : قولي شوقتيني
*****************
سارا : انا حامل وبتوم بعد
*****************
وليد : والله صحيح معقوله اخيرا
طيب وكيف عرفتي انهم توم
******************
سارا : رحت المستشفى وسويت سونار
والدكتوره شافته وقالت لي
****************
وليد : الف مبروك ياسارا والله امي
بتطير من الفرحه لو تدري
*********************
سارا : بس هي الي بتفرح وانت مو
فرحان
*****************
وليد : طبعا اكيد فرحان بس ما قالت
لك الدكتوره وش هم بنات اولاد
*******************
سارا : هههههه ههههههه ما يوضح
الحين توهم صغار يمكن في الشهر
الرابع يوضح
******************
وليد : طيب خلاص عاد الحين يكفي شغل
مايحتا تروحين انتي بتصيرين حامل
وتعبانه وانتي اصلامومحتاجه
******************
سارا : لاوليد تكفى كثير حريم حوامل
وموظفات وش معنى انا تعرف اخواني
بسم الله عليهم كثير ومصاريفهم وش كثر
*********************
وليد : اخوانك لايهمك منهم مراح اقصر معهم بشيء
وهذا عمي بيتوظف مايحتاج تتعبين نفسك
*******************
سارا : طيب خلاص الي تشوفه
*******************
ومرت الايام والشهور كبر بطن سارا
وصارت بالشهر التاسع وصارت مره
ثقيله يا الله تتحرك
سارا : احس إني ثقيله موقادره اقعد
ياربي متى اولد وارتاح
*****************
وليد : خلاص راح الكثير مابقى الا القليل
كلها كم يوم وتولدين بالسلامه وتشوفينهم
الحلوين
******************
سارا : مدري ليش احس إني من التعب
اخاف اموت وماشفتهم
*****************
وليد : كل الحريم يحملون ويولدون
ومشاء الله عليهم بعد كم شهر الاوهم
حاملين مره ثانيه
*****************
سارا : مدري بس احس إني مراح اشوفهم
******************
وليد : تعرفين ريم ومها خواتي كل
مايحملن يقولون كذا اكيد بنموت
مراح نشوفهم ومن هالكلام إن شاء الله
بتشوفينهم وتربينهم
*********************
العنود ولدت وجابت ولد وسمته فيصل
وجت عند اهلها منال هي الي كانت تهتم
في ولدها تسبحه وتغيرملابسه وتهتم فيه
وتنومه عندها اذاكان وليد ماهو فيه
العنود : يالله باقي يومين واروح بيتي والله
إني اشتقت لخالد بس الله يعين انتي دلعتيني
وريحتيني بهالفتره الي قعدت عندكم الحين كيف
اذارحت هناك الله يعين على فيصل احس إني
بتعب معه لاوخالد بعد يبينا نسافر مدري كيف
بسافر وفيصل معنا
*******************
منال : ياحبيله والله انا الي تعودت عليه مدري
كيف بفارقه طيب وشرايك تخلينه عندي
وتسافرين تكفين عنودا
******************
العنود : والله ياليت انا اتمنى عشان اخذ
راحتي بالسفر بس فشيله من وليد
وش بيقول اخليه اسبوعين
**********************
منال : تبوس فيه ياقلبي عليه عادي خليه شهر
اذا تبين بعد عادي مراح يقول شيء اذا وليد
فيه بخليه ينام عند امي وبكون معه طول اليوم
لاتحمين هم
******************
العنود : خلاص اجل الله يعطيك العافيه
والله كنت حامله همه كيف باخذه
وهو توه صغير
*****************
وبعد ما سافرت العنود
وليد : كم باقي لها العنود وتجي من السفر
***************
منال : باقي لها اسبوع وتجي ليش
******************
وليد : عشان تاخذ ولدها وتريحنا منه
اخذك مني انا صرت اغار منه
*******************
منال: ههههههههه حرام نونو صغنطوط
تغار من النون
*******************
وليد : أي اغار منه صرتي تدلعينه ونسيتيني
******************
منال : لاحرام هو دلوعي الصغير وانت
دلوعي الكبير
*********************
ودق جوال وليد
وليد: الو هلا عمي
***************
ابوسارا : وليد ترى سارا بتولد والحين احنا
بالمستشفى بيدخلونها غرفة العمليات بس
لازم توقيعك تعال تكفى بسرعه
********************
وليد : طيب الحين انا جايك مسافة الخط
****************
منال : وش فيك
**************
وليد : سارا بتولد وبيدخلونها غرفة العمليات
بروح لهم يبون توقيعي وقام بسرعه يلبس
*******************
منال : طيب اذا ولدت بالسلامه طمني تكفى
*******************
وليد : وهو مرتبك وكنه مايشوف قدامه
حاضر حبيبتي بطمنك
********************
وليد نزل عند امه
وليد : يمه سارا بتولد
*****************
أم وليد : ماشاء الله الله يهون عليها وتولد بالسلامه
********************
وليد : يمه تكفين تعالي معي مدري وش فيني
احس إني خايف وقلبي احس انه بيوقف
********************
الام : طيب خلاص بجي معك بس بلبس عبايتي
******************
وجلس وليد وا على اعصابهم لحد ماولدت سارا
الممرضه : مبروك بابا مروك مدام في جيب
ثنين بيبي بنت وولد بيبي حلو كتير
**********************
وليد : طيب كيف مدام كويس وبيبي زين
*******************
الممرضه : كله كويس بيبي ومدام
*****************
وليد : اعطى الممرضه فلوس حق البشارا
*******************
أم وليد : مبروك ياولدي حمدالله على سلامتهم
*****************
بعد ماطلعت سارا من غرفة العمليات
وليد : حمدالله على سلاتك يالغاليه كيفك الحين
******************
سارا :الحمدالله الحين احس أني بخير
******************
وليد : الحمدالله شفتي ماقلت لك بس
بتولدين بترتاحين كنتي خايفه
وخوفتيني معاك
****************
سارا : الحمد الله والله كنت مره خايفه
من الولاده بس ربي ستر
*****************
وليد : الحمدالله سارا منال يوم عرفت انك ولدتي
قالت ودها تجي تسلم عليك بس اذا ماودك
مولازم
**********************
سارا : بالعكس والله اتمنى انا وياها
نصير صديقات ياليتها تجي
********************
وليد كلم منال وجت
منال : مبروك ياسارا يتربون بعزكم
******************
سارا : الله يبارك فيك
*****************
منال : وش قررتوا تسمونه
*****************
سارا : لسه ماسميناهم وشرايك يامنال
انتي تسمينهم
*****************
منال : انا لا انتي امهم وسميهم
*****************
سارا : عشان خاطري يامنال انتي سميهم
*****************
منال : طيب وشرايكم تسمونهم شهد وفهد
*******************
وليد : الله روعه صراحه وشرايك ياسارا
***********************
سارا : خلاص اجل نسميهم شهد وفهد
******************
بعد ماطلعت من الاربعين سوا لهم تمايم
عزومه عائليه بس بينهم العايلتين بس
وقرروا يسونها في المزرعه وفي
العزومه هذي الكل كان مبسوط وفرحان
حتى منال وسارا جت وجابت معها اخوانها
الاربعه الصغار ابوها وخوانها الثنين الكبار
مارضوا يجون لان ابوهم عنده شغل بعد
ماخلصت العزومه رجعت سارا واخوانها
الاربعه في سيارة مع السواق ومنال وريم
وعيالها في سياره وام وليد وام منال
مع العنود وليد جلس في المزرعه عنده
شوية اشغال بيخلصها
****************
بعد فتره دق جوال وليد
*****************
وليد : الو مين
****************
المستشفى : انت وليد
***************
وليد : ايوا انا وليد من معاي
****************
المستشفى : معك المستشفى زوجتك
صار لها حادث وهي بين الحياة والموت
لازم تجي الحين بسرعه تبي تشوفك
لوتاخرت يمكن ماتلحقها
******************
وليد : زوجتي مين فيهم
********************
المستشفى : ماندري بصراحه عن اسمها
بس تعال بسرعه وشوفها مع السلامه
**************
وليد جن جنونه مايدري مين فيهم
على طول ركب سيارته وانطلق زي
المجنون على المستشفى وهو بطريق
كان يكلم منال ما ترد عليه ويكلم سارا

وماترد عليه وكلم امه

وليد : الو يمه مين الي صار لها الحادث
أي وحده فيهم
**************
الام : بسم الله عليك يا ولدي مين الي صار

لها حادث
******************
وليد : وليد المستشفى كلموني في وحده منهم
صار لها حادث من معك يمه منال معاك
**************
الام : لا مومعاي في السيارا الثانيه مع ريم
*****************
وليد : مدري مين فيهم اكلم منال ماترد واكلم
سارا ماترد ريم ماعندي رقمها كلميها
شوفيها وردي علي يمه انتظرك انا بالخط بس
موقادر اصبر ودي اعرف مين فيهم
*********************
الام : طيب الحين اكلمها وارد عليك وكلمتها
لكن ريم ماعندها ارسال اومسكره جوالها
*****************
وليد : يارب تحفظهم كلهم يارب ماتكون
منال يارب ماتكون منال ويبكي ويمسح
دموعه يارب تحفظهم كلهم يارب وصل وليد
المستشفى وهو مايشوف قدامه وسال الاستقبال
عرف إن سارا هي الي صار لها الحادث ماتوا
اخوانها الاربعه وهي بين الحيات والموت
دخل عليها الغرفه
*******************
وليد : سارا سلامتك يالغاليه
*****************
سارا : وهي بالعافيه تقدر تتكلم وليد
كويس إني شفتك قبل ماموت
قلت لك إني حاسه إني مراح اربيهم
****************
وليد : لاتقولين كذا محد راح يربيهم غيرك
****************
سارا : انا عارفه انك عمرك ماحبيتني
لكن اجمل ايام عمري قضيتها معاك
وصيتك اولادي خل نال تربيهم
زي عيالها ولاتقولون لهم إني
امهم قولو لهم إن منال امهم عشان
مايحسون انهم ناقصين وليد بطلب منك
طلب
****************
وليد : وهو يبكي اطلبي الي تبين
*****************
سارا : تكفى لاتمسح رقم جوالي واذا
في يوم حسيت انك ضايق صدرك
ارسلي وقول كل الي في قلبك خلني
معك دايما
****************
وماتت سارا وحزن عليها وليد كثير
وربت منال شهد وفهد كانهم اولادها
ودلعتهم ماكانت ترضى ابد احد يزعلهم
وكانوا ينادونها ماما مايعرفون غيرها
وبكذا انتهت قصتنى اتمنى تكون نالت
على اعجابكم والى اللقاء في قصه جديده
والف شكر لكم حبيباتي وردودكم تسعدني
0000000الماهرات

////كل ماتقسى في عيني تحلى $$ قصة مشوقه بقلمي //////

التعليقات

كل اللي ردو على موضوعي>>> خطيبي يقول انتي ماتحسين ... شوفو وش رد علي

تجمع بنات قروب أنتهت كل الجمل مابقى غير الأمل والمتوكلات على الله وتجمع سكنون..حياكم

خاص بمحاضرات قورب •.♥.•أنتهت كل الجمل مابقى غير الأمــــل •.♥.• يمنع الردود

قورب •.♥.•أنتهت كل الجمل مابقى غير الأمــــل •.♥.•

اداب الكلام مع الزوج هل لها حدود والا كل اللي بقلبك تطلعينه والوضع يكون عادي زي ماتجي