السلام عليكم
حبيباتي امس تعرضت لموقف من اهل زوجي بكاني بكا مابكيته من زمان
امه من قبل اسبوعين قالت بتسوي حفلة نجاح للصغار واتطوعت بعمل المسابقات واتحمستلها من قلبي لانها اول حفلة احضرها وكنت ابغاها تنجح وينبسطوا فيها الصغار
جهزت نفسي واطفالي واطباقي ومسابقاتي
ورحنا للحفلة في بيت ام زوجي
قالوا يلا ادخلي للمطبخ عشان يصلحوا سماعات اللاب توب وشوي الا بدات الاغاني تلعلع ودخلوا جميع اولاد اخواته شباب ومراهقين واخوانه واخوه الكبير 45 سنة واخذو يرقصوا وانا في المطبخ وقعدت ساعتين جالسة فيه مع الشغالات وباب المطبخ مفتوح والاولاد واقفين على الباب وانا ماني عارفة وين اروح وصارت الحفلة دسكو واختلاط بنات على اولاد
وقالوا يلا عشى عبيت صحني وحبيت اجلس معاهم قالوا ادخلي في المطبخ كلي
يبغوا يعبوا الاولاد
جلست في المطبخ وخلصت وفعلا وقتها انخنقت من الاحتقار هذا
وما اعرف كم جلسوا بس نعست ووقتها نادوني يلا اعملي مسبقاتك
رحت عملتها للصغار وانبسطوا جدا ووزعت الهدايا وامه قالت يلا ولدي يستناك يوصلك لان زوجي مسافر وهم اللي اخذوني
وعلى طول نادت ولدها يوديني
يعني الحفلة كلها ما انبسطت فيها الا وقت المسابقة
ورجعت البيت
واليوم العصر اتصلت على اخته قلت لها تراني انحرجت من وجودي امس ايش رايكم لو تخلوها حفلة للكبار وحفل للصغار عشان لاينحرموا اطفالي من الاحساس بجو العائلة
قالت مانبغ حفلتين وكيكتين واولادنا وين تبغينا نوديهم
ويلا مع السلامة
يابنااات ايش انفجرت بكا اهااانة بشكل فظيع
مالقيو من الا الطيب وانا لما اسلم على امه ابوس يدها وخدها وراسها اخواته اعاملهم بكل حب
وكل ما افتكر الموقف قلبي يوجعني واحس برغبة اني اخبر زوجي وهو مسافر يرجع الخميس ان شاء الله
وولدهم ادرى بالتعامل معاهم
قلبي مليان غيظ على قد حبي لهم قبل الموقف على قد كرهي لهم الان
ايش تنصحوني :44:
شاركي في النقاش
سجلي الدخول لإضافة تعليق.
التعليقات
95- حبيبتي الموقف هاذا ماينسكت عليه أبدا أبدا ........لو حركه صغيره من شخص واحد يمكن تغمضي عينيك ..........أنا لو في مكانك أول ما يوصل زوجي بالسلامه أخليه يرتاح ثم أقوله عن اللي حصل والله ما راح أفوتها ...............
نسيت أقولك : لا تتكلمين مع أهل زوجك في الموضوع ........خلي كل شي بقلبك - حبيبتي لما بجب زوجك بالسلامة لازم يعرف كل شي صار بس اهم شي مو اول ما يوصل تفاتحيه بالموضوع وتقوليله دلعيه باالأول واذا رجع من صلاة الجمعة جهزي القهوة والشاي ومن بين المواضيع احكيله باسلوب شكوى
- انتي الي مستحقره عمرك ليه راضيه وساكته
ليه تدقين عليها بعد الي سووه وتحقرين نفسك اكثر واكثر
من اول حركه سووها كان زعلتي وقلتي ماني شغاله تحطووني بالمطبخ وتخلوني ساعتين وعلى حسب ردهم لك اما يعتذرون ولا تدقين على احد يجي ياخذك بلا حفله بلا هم
ولك نفس تاكلين معهم بعد الي سووه ولا تسوين مسابقاات
لو منك لااسحب عليهم واخليهم مع نفسهم مو لازم احضر حفلاتهم اذا كذا يبون البنات والعيال مع بعض لايعزمون احد ثاني طيب
مرره قله ادب لو منك اعلم زووجي بحركتهم واستحقاارهم قولي هذا جزااي اقل شي يقلونلك تاخذين جلال وتجلسين معهم عادي مو استحقار حتى العشاء رجعوك للمطبخ مدري كيف طاوعتيهم مره ثانيه والله ماذوق عشااهم ماني ميته عليهم - نهائي لو منك ماعد لا انا ولا عيالي نشاركهم بشي واذا عالحفله اعملها لعيالي لو اعدم عيال الجيران .... حفلتهم ببيت ابوهم أزين...... شغلي كيد الحريم والمفروض أرسلتي الشغاله تجيب عباتك و لبستيها ورحتي عندهم واعتذرتي انك بتروحي واخذتي عيالك ورحتي بدل قعدت المطبخ واللي يرضى يرضى واللي يزعل يزعل...... اللي صار صار والحياة تجارب والإنسان يتعلم...
مستقبلا/ لا تعطينهم وجه بزياده يا اختي انتي وش ناقصك ورش بيزيدونك دعيهم للحي القيوم تجاهليهم تمام هم وجمعاتهم خلهم يحسون واخته راعيه كيكتين وحفلتين هذه خلااااص اعملي عليها اكس من حياتك وخلك رسميه ان وجدتيها باي مكان
اما زوجك/ بعد ما يرتاح احكي له عن كل شي كل شي وقولي رحت وما قدروني اخواتك وهذه اخر مره امر باللي مريت في من جد لو انت احد من اهلي او إخواني عاملوك كذا مارضيتها لك عموما اللي صار صار وسكت احتراما لك هالمره
وأهل زوجك أبدا مهما زعلتي لا تتشرهين على احد ولا تعاتبينهم أبدا - الله يصلح حالكم
خلي تعاملك معاهم رسمي
مواضيع مشابهة
تابعي تجارب أخرى من هذا القسم.