بسرعه قبل فوات الاوان ........انصحوني الله يصلحكن 00000

بنات السلام عليكم ورحمة الله وبركاته
مدري كيف ابدى ولكن اللي اعرفه اني ابيكم تساعدوني

وتصارحوني وتقولولي الحل

انا رومانسيه

واحاول اسعد زوجي واطفالي

مع اني كبيره بس احس اني لازلت طفلهوعلى نياتي اذا قارنت نفسي با الاخرين

وعلى قولتهم مسييييييييكينه وقلبي طيب وعلى نياتي

انا صريحه وصادقه واحب الخير للناس بس تجريحهم لي يعذبني مع انه احياننا له سنيين

انا قلقه بشان تصرفاتي ابي اكون مثاليه واسعد اللي حوليه

زوجي جاد + عاقل+كتوم +ملتزم+طيب

انا زي كل الحريم ابيه يتكلم معي ويسولف ويضحك بس للاسف البيت عنده بس للنوم والاكل

ونامابي اظلمه اهو كادح ويحاول يسدد ديونه

بس من يوم عرفته وهو كذا ويش اسوي هل انا مقصره في جذبه للبيت مع اني مخليته معمل للتجارب من وصفاتكم الرائعه بس ما يعجبه ويقول هذا كمالي اهم شي الفعل للتعبير عن الحب

واذا سالته عن اخلاقي معه يقول مره في اقصى اليمين ومرة اقصى الشمال مع اني اظغط على نفسي
لانه سلبي ولا يبين مشاعره
وابي ارفع معنوياته لانه مسحور في تجارته يعني كل مشاريعه تفشل ولا ندري السبب

احس انه محبط وجالس على برميل من البارود واخاف يصير له شئ من كثر ضغطه وكتمانه لمشاعره
وهوسريع الانفعال

هاه ويش رايكم مابقى شي الا قلته
اااااااااااااااه
اكتبوا اي شي ساعدوني ويش اسوي

تصدقون اخاف انه يحتقرني ويعتبرني بزر لذلك لا ياخذ رايئ في شي لان الفرق بينا 10 سنوات
في العمر
اي سؤال انا انتظركم بس بسرعه لان اشتراكي باقيله كم ساعه وينتهي

سلام يا احلى بنوتات

خوله محبتكم

:44:

14 تعليق 2,183 مشاهدة

شاركي في النقاش

سجلي الدخول لإضافة تعليق.

التعليقات

13
  1. مدري شقولك بس كل سن وله احكامه
    وكل ما كبر الانسان زاد وقار عشان كذا فيه اشياء ما تناسب انك تسوينها الحين لان بعض الازواج يعتبرونها قلة عقل من الزوجه وهذا اشياء امكن كانت تنفع قبل 10 سنوات
    اما عن التجريح فهو شي طبيعي عند الرجال والتقليل من قيمة الزوجه
    والرجل يحب الحرمه تدلق وتكب كل مشاعرها وهو لا حرام
    مدري امكن ما اعطيتك جواب شافي بس الاخوات انشاء الله ما يقصرون
  2. @shryfh_1

    شوفي حبيبتي ..

    فرق العمر عادي ما يأثر لأن اللي ناوي يحتقر مرته بيحتقرها حتى لو هي كبره !

    بعدين السحر له علاج وهو الرقيه ..

    وانت عليك الصبر لأن زوجك مزاجي على حسب عمله ..

    بعدين على كلامك انه يقول الحب بالفعل .. خلي حبك بالفعل اللي يبغاه هو مو اللي انت تبغينه ..

    الحب اللي انت تبغينه كلام حلو .. سفره .. عشوه في مطعم راقي .. هديه ثمينه .. هذا حقك ولا أحد يلومك فيه لكن زوجك مديون ويحس بالقهر .. تأقلمي معه وبيني له انك مقهوره معه لايحس انك مبسوطه على خسارته لأن بعضهم يفهم غلط ...

    اتمنى اني أكون أفدتك ولو بالقليل ... والوصيه الأولى والأخيره ..

    سهــام الليــــــــــــــــــــــل ,,
  3. @hb_alrman_1

    انا اقول خليكم على طبيعتكم احسن .
    لانه مو كل تغيير يعتبر للاحسن .....بالعكس يمكن تحاولين تغيرين فيكون التغيييرمو من صالحك يعني للاسوأ
    وظروف الناس مو وحده
    اما بالنسبه للعمر فما اشوف ان عشر سنين فرق كبير اعتقد هو المتوسط بين الزوجين .
    فما دام هو مرتاح معاكي وانت مرتاحه لييييييش الواحد ينبش ويدور مشاكل
    الله يصلحك بس ...........وهذي لك عشان تروقين:26: :26: :26:
  4. أختي خوله صراحة تجننين ياليتك جارتي (يعني جنب بيتي مويروح فكرك لبعيد) اأخلاقك هذه هي الصحيح وما عليك من غيرك لأن الواحد لو يجاري الناس في أخلاقهم وتصرفاتهم راح في خبر كان أما بالنسبه للرومانسيه أغلب الحريم رومنسيات لكن فيهم من زوجها يعطيها وجه وفيهم من يطنشها وهذا الأكثر لكن أنت حاولي تتحرين الأوقات المناسبه واللي مروق فيها (سواء فتح باب النقاش أوللحركات الرومنسيه) اما من ناحية العمر (أنت دايما حسسيه إنك أنت خوله الحلوه اللي أخذها وهي صغيره وما تجعلين العمر عائق لك في إنك تسعدين نفسك وزوجك طبعا بما أحله الله وفي الختام تمسكي بزوجك لأن العاقل والملتزم وفوق هذا طيب عمله نادره ماشاء الله تبارك الله وتصدقين حبيبتي خوله أختي إن حنا يا الحريم ما يعجبنا العجب ووشكل زوجك يمر بضغوط في عمله حاولي أنك تحتوينه ولا تضغطي عليه حتى ماينفر من جلسة البيت ..................وقبل هذا كله لا نتسين تدعين رب السموات والأرض بأن يسخره لك ويسعدك معاه.................أعتذر بشده أختي خوله للإطاله وأن أردتي ِشئ أرسللي على الخاص.................وفقك الله في الدنيا واللآخره:26:
  5. @kholh_bnt_alazor

    صاحبة الموضوع
    اشكر لكن التفاعل والرد

    صراحةتقولون العمر انا عمري 30 سنه يعني صغنونه صح هههههههههههههههههه

    بس يمكن لاني يتيمه واخذني وانا لسا صغيرونه ما يحترمني ولا يقدر مشاعري

    وانا وللحمد لله ملتزمه يعني قايمة بواجبي وزياده ودائما اساعد ماديا ومعنويا في اجتياز محنه واذا جاه مبلغ او ربح معا هذا مو دائما لا يبشرني ويحاول يخشه مني انقهر ليش اساعده في الملمات واذا000000 جاه شئ يطنشني ويسوي نفسه زعلان هذي عادته وان لا اهتم للمادة بتاتا لدر جة اني معطيته ذهبي وكل ما جاني مبلغ كبير اعطيه اياه واحاول اسعده بكل السبل مع اني لست عامله ولكن ارثي وهدايا اخوتي ومكافاة
    .اولادي اجمعها حتي اذا ضيقت علي اعطيه اياها احيانا تجيني افكار اني عبيطه ومسييييكينه وانقهر ليش ما اشتري ذهب زي الحريم اللي حولي بس قلبي ما يطاوعني على طول لبوا الشباب تفضل
    واخاف يتزوج علي لانه عندهم في مجتمعنا زي السلام عليكم
    واخاف من الطلاق ويش ادخرت ليومي الاسود الله لايجيبه وانا مالي الا الله ثم هذا الزوج المسكين
    احيانا احس ان له حياة غير بيتنا لا يفكر فينا انا وعياله عايش لنفسه ومع عماله ينبسط معهم بصورة عجيبه
    ويجلس يتسامر معهم بساعات
    وانا جالسه لوحدي مع العيال
    موته وقهره اذا قلت عطني او وديني وانا مقتصده وبيتوتيه بشكل متوسط با النسبه للي حوليه
    والله وطلعت الفضايح يا خوله هههههههههه
    سبحانك اللهم وبحمدك استغفرك واتوب اليك

    سلام احس اني ارتحت لما نشرت الغسيل استروا على ما واجهتوا ......ولا تعلمون احد هههههههههه







    :24:

تابعي تجارب أخرى من هذا القسم.