Hi بنات...:)
خواتي:
1-أم البنات.. العفو حبيبتي , من وين شريتي شامبو ميتال؟؟؟ وإستفدتي منه لو لا؟؟
2-تاليا..حبيبتي , باقول لج شي و إن شاء الله تسمعين مني... أول شي نفسياً :شوفي شعرج دايماً حلو, حتى لو كان منتف وحالته حاله وخواتج وصديقاتج يشوفونه حالته حاله, إنتي شوفيه العكس.. ليش؟ لأنه إنت حاطه في بالج إنج راح تعالجينه, وإن إن شاء الله راح يكون شعرج أحله من حالته ألحين, يعني بالعربي ( حبي شعرج ,شعرج بحبج) صدقيني, لا تستهينين بهالنقطه لأنهه وايد مفيده..
صبغ الشعر باللون الفاتح راح إبينه خفيف, واللون الغامج الرويان راح يعطيه حجم..إتفقنا؟؟!! إتفقنا..
شوفي حبيبتي.. عندي برنامج كلش بسيط , بس ياريت تداومين عليه, وإن شاء الله من الإسبوع الثاني راح تحسين بالفرق..أهم شي نوقف صبغ و إستشوار(ألا للضروره)..
1-زيت سمسم+زيت لوز, إخلطيهم بمقادير متساويه..وخليهم بغرشه
2- خلطة الحنه الإسبوعيه : ( 5ملاعق حنه تعجن في ( 5أكواب ماء+ملعقة حلبه حصى+ملعقة نسكافي+ قبضة يد زعتر ورق + قبضة يد مراميه ورق) ينطبخون زين وخلي الماء يدفأ وصفيه, وعجني فيه الحنه..
3- كريم هيمالايا , تحصلينه بالصيدليات و السوبر ماركت. ميزته إنه مرطب غير لزج,مع الإستمرار, يعطي صحه للشعر..
يوم السبت..سخني شوي زيت, ولما يفتر شوي, كسري فيه بيضه كامله+ جم نقطة ليمون , نزلي راسج وصبيه على راسي مع التدليك, بعد دقيفه من التدليك, غطيه بنايلون الأكل, وإشارب, وخليه من ساعه إللى ساعتين..
غسليه بشامبو, وإبتعدي عن الشامبوهات المعطره, وإستدخمي شامبو من مكوناته البيض ,(وفي منهم كثير بالمحلات)إنتي وذوقج..وشعرج للحين رطب, مسحبه بكريم هيمالايا..سرحي شعرج ولفيه مثل الكبابه, وربطي إشارب من جدام الشعر, ولما ينشف شوي , فتحيه خليه يتهوه, بيطلع الشعرناعم ومترطب وحيوي..
2-يوم الأحد , الصبح مسحيه بالكريم, وبالليل بعد نفس الشي..إستخدمي إشاربات ملونه ولفيهه على شعرج, تراهم ستايل و موضة هالأيام...
3-يوم الأثنين = يوم السبت
4- يوم الثلاثاء = يوم الأحد. , وبالليل عجني الحنه, وخليه بمكان دافئ.الحنه لازم تتخمر يومين..
5- يوم الأربعاء (راحه)
6- يوم الخميس, حطي الحنه ( أول شي أضيفيلهه ملعقتين روب), وخليهه ساعتين بشعرج, غسليهه بس ببلسم, وشامبو مره وحده, ونفس الشي , بعدهه مسحيه بالكريم..
7- يوم الجمعه راحه
وتمي على هالبرنامج شهر.. والشهر اللي بعده , بصير التزييت مرتين بالإسبوع, وحنه مرتين بالشهر..
حبيبتي, لازم تتمين 3 شهور, بشرط إنج ما تتمللين, وتمي على الزيوت هذي... وبشريني..:)
ناااااااااااااعم, لااااااااااامع ,كثييييف,قطعه وحده\اكتفى من الردود
متابعة النقاش، صفحة 9